Дар Маҷмааи тандурустии «Истиқлол» аввалин ҷарроҳии дил муваффақона анҷом ёфт!

Сентябрь 30, 2016 16:31

Душанбе, 30.09.2016. /АМИТ «Ховар»/. Имрӯз, 30 сентябр дар Маҷмааи тандурустии «Истиқлол», ки моҳи марти соли равон ба кор шурӯъ кард, аввалин маротиба ҷарроҳии дил анҷом дода шуд. Бемор тифли 2,5- сола буда, ба бемории модарзодии дил гирифтор аст. Ҷарроҳӣ нозук буда, ин гуна амалиёт аввалин маротиба дар ин муассисаи тиббии шаҳри Душанбе гузаронида шуд ва табибони ботаҷриба дар он иштирок карданд. Бино ба гуфтаи Фаррух Маҳмадов, муовини директори Маҷмааи тандурустии «Истиқлол», амалиёти ҷарроҳии ин тифл хеле нозук буда, ба воситаи технологияи ҳозиразамон, ки бо дастгирии Ҳукумати мамлакат дар ин муассисаи тиббӣ васл гардидаанд, сурат гирифт.
«Пештар ин гуна амалиёт танҳо дар Маркази дилу рагҳои ҷумҳурӣ анҷом дода мешуд. Дар оянда мо метавонем ҳамарӯза ин гуна ҷарроҳиҳоро дар муассиса анҷом диҳем»,- гуфт Ф. Маҳмадов.
Як даҳсола қабл бо сабаби норасоии мутахассисон дар соҳаи ҷарроҳии дил баъзан аз хориҷи мамлакат табибон барои анҷом додани ин гуна амалиёти мураккаб даъват карда мешуданд. Инчунин бо сабаби норасоии дастгоҳҳо барои гузаронидани чунин амалиёти нозук беморон ба хориҷи мамлакат фиристода мешуданд.
«Имрӯзҳо дар натиҷаи ҷаҳду талош ва иқдомҳои пешгирифтаи Сарвари давлат баҳри солимии ҷомеа, мутахассисони ватанӣ ба хориҷ аз мамлакат- пешрафтатарин мамлакатҳо барои омӯхтани таҷриба сафарбар гардида, дар он ҷо малакаи худро сайқал дода, ба мардум хузмат мерасонанд. Баҳри фаъолияти густурдаи онҳо дастгоҳҳои нодире, ки мутахассисони соҳаи тибби ҷаҳонӣ аз онҳо истифода мебаранд, ба кишвар оварда шуданд. Аз ҷумла, дар маҷмааи тандурустии «Истиқлол» дастгоҳҳои нодир ва гаронарзиш васл гардидаанд, ки ҳатто дар Осиёи Марказӣ назир надоранд»,-илова кард Ф. Маҳмадов, муовини директори Маҷмааи тандурустии «Истиқлол».

Сентябрь 30, 2016 16:31

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад