Дигаргуниҳои куллӣ дар Рашт

Сентябрь 24, 2016 11:42

Душанбе,24.09.2016./АМИТ «Ховар»/. Дар зарфи 25-соли истиқлолият ҳаёти фарҳангии ноҳия рушд карда, базаи эҷодӣ, ҳунарӣ ва истеъдоди фарҳангиёни ноҳияи Рашт хеле мустаҳкам гардид. Ҳунармандону санъаткорони ҷавону болаёқат, имрӯз ба воя расида, ифтихори мардуми ноҳия гардидаанд.
Иштироки ҳунармандони ноҳия дар озмуну чорабиниҳои ҷумҳуриявӣ, аз қабили «Андалеб 2006-2014» дар шаҳри Душанбе, 1100-солагии Исмоили Сомонӣ, 80-солагии шаҳри Душанбе, 2700-солагии шаҳри Кулоби бостонӣ, Корвони роҳи абрешим дар вилояти Суғд, Садои кўҳистон дар ВМКБ, ҷашни «Фалак» дар шаҳри Душанбе, «Чакомаи гесў», Рўзҳои фарҳангии ноҳия дар шаҳри Душанбе ва ғайра аз зумраи онҳоянд.
Соли 2016 мақомоти иҷроияи ҳокимияти давлатии ноҳия дар баробари таъсиси гурўҳҳои ҳунарӣ дар назди ҷамоатҳои шаҳракию деҳотӣ барои онҳо асбобҳои мусиқӣ харидорӣ намуд. Таъмири асосӣ ва азнавсозии боми қасри фарҳанги ноҳия, ки солҳои зиёд таъмири асосиро надида буд, аз ғамхории навбатии Ҳукумати Ҷумҳурии Тоҷикистон дарак медиҳад. Бояд тазаккур дод, ки бинои мазкур соли 1988 ба истиф
ода дода шуда, имрўз ба таъмир ниёз дорад. Мақомоти иҷроияи ҳокимияти давлатии ноҳия соли 2016 барои театри халқии ноҳия ба маблағи 145 ҳазор сомонӣ асбобу таҷҳизот харидорӣ намуд.
Инчунин бо истифода аз маблағҳои буҷети маҳаллӣ бинои матбааи ноҳия ба маблағи 421 ҳазор сомонӣ аз таъмири асосӣ бароварда, бо ин восита барои фаъолияти самараноки матбаа ва мактаби бачагонаи санъат шароити мусоид фароҳам оварда шуд.

Сентябрь 24, 2016 11:42

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт