Фарҳангиёни ноҳияи Рашт бо тамоми ҳастӣ дарк менамоянд, ки Истиқлолият муқаддастарину азизтарин неъмати дунё ва рамзи шарафу номуси ватандорист

Сентябрь 26, 2016 17:26

Рашт, 26.09.2016. /АМИТ «Ховар»/. Имрӯзҳо ҳамаи фарҳангиёни ноҳияи Рашт бо тамоми ҳастияшон дарк менамоянд, ки истиқлолият муқаддастарину азизтарин неъмати дунё, рукни асосии давлати озод, рамзи шарафу номуси ватандорӣ, кафолати хонаи ободу сари баланд ва неруи таконбахши ҳаёти ҳаррӯза мебошад.

Дар зарфи 25 соли истиқлолият ҳаёти фарҳангии ноҳия рушд карда, заминаи эҷодӣ, ҳунарӣ ва истеъдоди фарҳангиёни ноҳия хеле мустаҳкам гардид. Ҳунармандону санъаткорони ҷавону лаёқатманд, ҳофизону сарояндагон ба воя расида, имрӯз ифтихори фарҳангиён ва мардуми ноҳия гардидаанд. Иштироки ҳунармандони ноҳия дар озмуну чорабиниҳои ҷумҳуриявӣ- «Андалеб 2006-2014» дар шаҳри Душанбе, 1100-солагии Исмоили Сомонӣ, 80-солагии шаҳри Душанбе, 2700-солагии шаҳри Кӯлоби бостонӣ, корвони Роҳи Абрешим дар вилояти Суғд, «Садои кӯҳистон» дар Вилояти Мухтори Кӯҳистони Бадахшон, ҷашни «Фалак» дар шаҳри Душанбе, «Чакомаи гесӯ»-и соли 2011, ҷашни «Наврӯз-2011», Рӯзҳои фарҳангии ноҳия дар шаҳри Душанбе ва ғайра аз зумраи он чорабиниҳои фарҳангӣ ба шумор мераванд.

Соли 2016 мақомоти иҷроияи ҳокимияти давлатии ноҳия дар баробари таъсиси гурӯҳҳои ҳунарӣ дар назди ҷамоатҳои шаҳраку деҳот барои онҳо асбобҳои мусиқӣ харид. Таъмири асосӣ ва навсозии боми қасри фарҳанги ноҳия, ки солҳои зиёд таъмири асосиро надида буд, аз ғамхории навбатии Ҳукумати Ҷумҳурии Тоҷикистон дарак медиҳад. Бояд тазаккур дод, ки бинои мазкур соли 1988 ба истифода дода шудааст ва имрӯз ба таъмир ниёз дорад. Мақомоти иҷроияи ҳокимияти давлатии ноҳия соли 2016 барои театри халқии ноҳия ба маблағи 145 ҳазор сомонӣ асбобу таҷҳизот харидорӣ намуд.

Инчунин бо истифода аз маблағҳои буҷети маҳаллӣ бинои матбааи ноҳия ба маблағи 421 ҳазор сомонӣ аз таъмири асосӣ бароварда, ба ин восита барои фаъолияти самараноки матбаа ва мактаби бачагонаи санъат шароити мусоид фароҳам оварда шуд.

 

Сентябрь 26, 2016 17:26

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд