Президенти Тоҷикистон: «Давлатсозӣ, хусусан дар шароити имрӯза, кори саҳлу осон ва раванди яксолаву дусола нест»

Сентябрь 26, 2016 12:11

Душанбе, 26.09.2016 /АМИТ «Ховар»/. «Бо шарофати истиқлолияти давлатӣ дар ноҳияи Тоҷикобод бунёд гардидани як силсила иншооти маъмурӣ, аз ҷумла биноҳои мақомоти иҷроияи ҳокимияти давлатӣ ва мақомоти ҳифзи ҳуқуқ, чор ҷамоати деҳот ва шаш неругоҳи хурди барқи обӣ аз ҷумлаи дастгириҳои Ҳукумати кишвар ва самараи заҳмати шабонарӯзии сокинони ноҳия ба шумор мераванд». Ин суханҳоро Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз дар мулоқот бо сокинони ноҳияи Тоҷикобод баён доштанд.
Ба гуфтаи Пешвои миллат, то ҳанӯз сокинони баъзе маҳалҳо аз камбудии оби нӯшокӣ танқисӣ мекашанд, ки ҳалли ин масъала вазифаи аввалиндараҷаи роҳбарони ноҳия ва дигар сохтору мақомоти дахлдор мебошад.
Бо мақсади фароҳам овардани шароити замонавӣ барои таълиму тарбияи фарзандони мардум дар давоми солҳои соҳибистиқлолии кишвар дар ноҳияи Тоҷикобод 16 бинои нави таълимӣ ва синфхонаҳои иловагӣ барои наздик ба 6 ҳазор хонанда ба истифода дода шудаанд ва бунёди чандин бинову синфхонаҳои иловагӣ дар назди мактабҳои ноҳия идома дорад.
«Бо вуҷуди ин, Вазорати маориф ва илм ва мақомоти иҷроияи ҳокимияти давлатии ноҳияро зарур аст, ки барои таъмиру навсозии муассисаҳои таълимӣ ва бо лавозимоту таҷҳизоти замонавӣ таъмин намудани онҳо, инчунин бо кадрҳои дорои маълумоти олии касбӣ пурра гардонидани муассисаҳои таълимӣ чораҷӯӣ намоянд»,- гуфтанд Сарвари давлат ва ҳамзамон илова намуданд: «Вазорати маориф ва илм, дигар сохтору мақомоти дахлдори давлатӣ, фаъолону омӯзгорон, падару модарон ва аҳли ҷомеаи ноҳия бояд ба масъалаҳои баланд бардоштани сатҳу сифати таълим, тарбияи дурусти насли ояндасоз ва дар зеҳну шуури онҳо ривоҷ додани ҳисси баланди миллӣ, худогоҳиву худшиносӣ ва ватандӯстиву ватанпарварӣ эътибори ҷиддӣ зоҳир намоянд».
Бо назардошти шароити бисёр ҳассосу ноороми ҷаҳони имрӯза мехоҳам бори дигар аз ҳамаи падару модарон, омӯзгорону фаъолон, аҳли зиё, умуман ҳар фарде, ки ободиву оромии мамлакат ва пешрафти давлати соҳибистиқлоламонро азиз мешуморад, хоҳиш намоям, ки ба хотири ободу зебо гардонидани диёри хеш ва ноил гардидан ба зиндагии шоиста ба масъалаҳои ҳифзи дастовардҳои истиқлолият, сулҳу оромӣ ва таҳкими ваҳдати миллӣ, инчунин, таълиму тарбияи фарзандон ва таъмини волоияти қонун дар ҷомеа саҳми ватандӯстонаи хешро дареғ надоранд.
Фаромӯш набояд кард, ки давлатсозӣ, хусусан, дар шароити имрӯза, кори саҳлу осон ва раванди яксолаву дусола нест, баръакс, бунёди давлати муосиру муқтадир аз ҳар фарди ҷомеа, пеш аз ҳама, самимона дӯст доштани Ватан, заҳмати содиқона ба хотири ободии он ва ҳушёриву зиракии доимиро талаб мекунад»,- таъкид намуданд Президенти Ҷумҳурии Тоҷикистон.

Сентябрь 26, 2016 12:11

Хабарҳои дигари ин бахш

«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд