Президенти Ҷумҳурии Тоҷикистон: «Корхонаи «Норд Азия Металл» 120 нафар сокинони маҳаллиро бо ҷойи кори доимӣ таъмин месозад»

Сентябр 13, 2016 11:35

Хабарҳои мавзӯъ

29359738290_901e2ca7f4_z

Душанбе, 13.09.2016 /АМИТ «Ховар»/. «Бо мақсади иҷрои Қарори Ҳукумати мамлакат «Дар бораи рушди қолинбофии дастӣ ва дигар ҳунарҳои мардумӣ» ва ба кори фоиданок ҷалб намудани шаҳрвандони бекор, махсусан занону духтарони хонашин дар деҳаи Куркат Маркази таълимиву истеҳсолии Куруш ба истифода супорида шуд, ки ба рушди касбомӯзии сокинон ва беҳтар шудани вазъи зиндагии онҳо мусоидат мекунад»,- зикр намуданд имрӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо роҳбарону фаъолон ва сокинони ноҳияи Спитамен.
Ҳамчунин таъкид гардид, ки дар робита ба ин, роҳбарону масъулон вазифадоранд барои ҷалби ҳарчи бештари сармояи ватаниву хориҷӣ ва истифодаи самараноки онҳо дар пешбурди соҳаҳои иқтисодиёт тадбирҳои боз ҳам муассир андешанд, зеро тибқи маълумот дар ноҳия айни замон беш аз 13 ҳазор нафар занону духтарон бе шуғл мебошанд.
— Имрӯз мо дар доираи корҳои созандагиву ободгаронаи Ҳукумати мамлакат дар ноҳияи Спитамен ба фаъолияти якчанд иншооти таъйиноти гуногун ифтитоҳ бахшидем, ки ба таъсиси ҷойҳои нави корӣ, бо шуғл фаро гирифтани мардум ва беҳдошти сатҳи зиндагии аҳолӣ мусоидат мекунанд. Яке аз иншооти зикршуда Корхонаи муштараки «Норд Азия Металл» мебошад, — зикр намуданд Пешвои миллат.
Инчунин иброз дошта шуд, ки бунёди корхонаи мазкур бо ҳамкории соҳибкорони маҳаллӣ ва сармоягузорони Ҷумҳурии Мардумии Чин ду сол пеш оғоз ёфта, барои сохтмони он беш аз 23 миллион сомонӣ равона шудааст. Корхонаи «Норд Азия Металл» баъди бо иқтидори истеҳсолии пурра ба кор даромадан дар як сол ба маблағи 50 миллион сомонӣ маҳсулот истеҳсол менамояд ва 120 нафар сокинони маҳаллиро бо ҷойи кори доимӣ таъмин месозад.

Сентябр 13, 2016 11:35

Хабарҳои дигари ин бахш

БМТ ХБА _vstrecha_3Баррасии масъалаи пешбурди сиёсати иқтисодии давлат дар Бонки миллии Тоҷикистон
Бонки миллиБонки миллии Тоҷикистон вазъи имрӯзаи бозори дохилии асъорро шарҳ дод
IMG_0381Муаррифии Стратегияи миллии рушди Тоҷикистон барои давраи то соли 2030 дар Брюссел
Парчами Точикистону Арабистони СаудиСозишномаи қарзӣ баҳри татбиқи лоиҳаи «Сохтмон ва муҷаҳҳазгардонии як қатор мактабҳои миёна, марҳалаи 4» миёни Ҳукумати Тоҷикистон ва Сандуқи Рушди Саудӣ
18518979_1463220237061632_38806735_oДар Ҷидда Созишномаи қарзӣ барои татбиқи лоиҳаи «Сохтмони роҳи мошингузари Кӯлоб- Қаълаихумб, минтақаҳои A ва F» ба имзо расид
Ш. Зухуров ва Пан ЮнхеМубодилаи мол байни Тоҷикистону Чин дар соли 2020 ба 3 миллиард доллар расонида хоҳад шуд
DSC_0381+Дар «Кохи Борбад» намоиш-фурӯши маҳсулоти ширкатҳои ватанӣ доир шуд
БМБонки миллӣ фаъолияти ташкилотҳои қарзии «Асрина» ва «Армон»-ро қатъ гардонид
????????????????????????????????????Баррасии дурнамои рушди бозори байнибонкӣ дар Тоҷикистон
????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон