Ҳалокати чор нафар бар асари садамаҳои нақлиётӣ

Октябрь 1, 2016 12:24

Душанбе, 01.10.2016. /АМИТ «Ховар»/. 30 сентябри соли равон тахминан соати 07:30 ронандаи мошини тамғаи «ГАЗ-2410», марди 52-солаи сокини ноҳияи Рӯдакӣ, ҳангоми ҳаракат аз маҳаллаи Чортут ба самти кӯчаи Р.Набиеви шаҳри Душанбе бехатарии ҳаракат дар роҳро таъмин карда натавониста, ба мошини тамғаи «Дау-Ланос»,таҳти идораи ронанда, марди 29-солаи сокини шаҳри Душанбе бархӯрдааст.
Дар натиҷа мусофири мошини «Дау-Ланос», зани 68-солаи сокини шаҳри Душанбе ҷароҳати вазнини ҷисмонӣ бардошта, дар роҳ ба сӯи беморхона ба ҳалокат расидааст. Мусофири дигари мошини мазкур зани 42-солаи сокини шаҳри Душанбе ва ронандаи мошини тамғаи «ГАЗ-2410» ҷароҳатҳои гуногуни ҷисмонӣ бардошта, дар беморхона бистарӣ шудаанд.
30 сентябр тахминан соати 03:10 ронандаи мошини тамғаи «Опел-Астра», марди 34-солаи сокини шаҳри Хуҷанд, дар ҳолати мастӣ, ҳангоми ҳаракат аз самти маркази шаҳр ба самти кӯчаи Р.Ҳоҷиев, аз уҳдаи идораи воситаи нақлиёт набаромада, ба дарахт бархӯрдааст.
Дар натиҷа мусофирони мошини мазкур- як нафар мард ва як нафар зани 33-солаи сокинони шаҳри Хуҷанд ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд. Дигар мусофирон- зани 24-сола ва марди 25-солаи сокининони ҳамин шаҳр ҷароҳатҳои гуногуни ҷисмонӣ бардошта, дар беморхона бистарӣ гаштаанд.
Инчунин дар ин рӯз, тахминан соати 17:40 ронандаи мошини тамғаи «Матиз», марди 31-солаи сокини ноҳияи Рӯдакӣ ҳангоми ҳаракат аз самти маркази ноҳия ба самти деҳаи Косибони ҷамоати деҳоти М. Турсунзода бехатарии ҳаракат дар роҳро таъмин карда натавониста, духтарчаи 8-солаи сокини ин ҷамоати деҳотро пахш намудааст.
Дар натиҷа, духтарчаи хурдсол ҷароҳати вазнини ҷисмонӣ бардошта, дар беморхона ба ҳалокат расидааст.
Дар ин бора ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.

Октябрь 1, 2016 12:24

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт