Дар Тоҷикистон нархи маҳсулоти ғайрихӯрокворӣ тадриҷан паст мешавад

Октябрь 31, 2016 11:04, 499 хонанда

Хабарҳои мавзӯъ

Caucasian woman trying on shoes

Душанбе, 31.10.2016 /АМИТ «Ховар»/. Сатҳи таваррум нисбат ба моҳҳои июл ва августи соли равон раванди муътадили поёнравӣ дошта, 0,4 фоизро ташкил дод. Дар ин бора Бонки миллии Тоҷикистон иттилоъ дод.
Таварруми солона дар доираи дурнамои пешбинишуда тамоюли тағйирёбиро нишон дод ва чун моҳи қаблӣ (август) дар сатҳи 6,4 фоиз нигоҳ дошта шуд.
Таъсири омилҳои кӯтоҳмуддати мавсимӣ, бахусус хизматрасониҳои пулакӣ ва коҳиш ёфтани пешниҳоди бархе аз маҳсулоти хӯроквории дар дохили кишвар истеҳсолшаванда, инчунин болоравии нархи воридотии маводи сӯзишворӣ боиси нисбатан боло рафтани сатҳи таварруми солона нисбат ба интиҳои нимсолаи якуми соли ҷорӣ гардид.

Бо арзёбии солона (дар 12 моҳи охир) ба сатҳи таваррум болоравии нарху тарифаҳои хизматрасонӣ ба андозаи 7,0 фоиз (нақлиёти мусофирбар 9,9 фоиз, маишӣ 8,1 фоиз, манзилию коммуналӣ 5,7 фоиз) таъсир расонид. Нархи маҳсулоти ғайрихӯрокворӣ дар як соли охир 8,0 фоиз (гази моеъ 28,1 фоиз, либос ва пойафзол 16,9 фоиз, доруворӣ 15,0 фоиз) ва маҳсулоти хӯрокворӣ 5,4 фоиз афзуд, ки бо хусусияти мавсимӣ (меваҷот 30,9 фоиз) ва афзудани нархҳои ҷаҳонии маҳсулоти алоҳидаи истеъмолӣ (шакар 21,7 фоиз, равған 11,9 фоиз) маънидод карда мешавад. Қобили зикр аст, ки маҳсулоти ғайрихӯрокворӣ дар се моҳи охир тамоили тадриҷан пастшавӣ дошт, ки аз мутобиқшавии нархҳои дохилӣ ба тағйирёбиҳои қурбии дар аввали сол ба вуқӯъ омада гувоҳӣ медиҳад. Аз ҷумла, нархи он аз 10,0 фоизи солона дар моҳи май то 8,0 фоизи солона дар моҳи сентябр паст фаромада, тибқи баҳодиҳӣ раванди мазкур дар моҳҳои боқимондаи сол низ давом меёбад.
Бо вуҷуди ин, сатҳи муътадили талаботи дохилӣ ва устувории қурби пули миллӣ ба авҷ наёфтани интизориҳои таваррумӣ мусоидат менамояд. Интизор меравад, ки дар моҳҳои октябр-декабри соли равон бо назардошти болоравии нақшавии нархҳои хизматрасонии обтаъминкунӣ ва неруи барқ, меъёри таваррум дар доираи нишондиҳандаи пешбинишуда ба қадри 7,0 фоизи солона ҷамъбаст мешавад.

odezhda-31gaz

 

Октябрь 31, 2016 11:04, 499 хонанда

Хабарҳои дигари ин бахш

Дар шаҳрҳои Исфара, Истаравшан ва ноҳияи Деваштич мусобиқаи гӯштини миллӣ баргузор гардидДар шаҳрҳои Исфара, Истаравшан ва ноҳияи Деваштич мусобиқаи гӯштини миллӣ баргузор гардид
исломӣ (IFSB) БМТОмӯзиши стандартҳои бонкдории исломӣ дар Бонки миллии Тоҷикистон
Аҳли фарҳанги шаҳри Хуҷанд дар барномаҳои наврӯзии шаҳри Шимкенти Қазоқистон иштирок ва ҳунарнамоӣ кардандАҳли фарҳанги Хуҷанд дар барномаҳои наврӯзии шаҳри Шимкенти Қазоқистон иштирок карданд
Тарма дар Хоруг-2Тарма дар шаҳри Хоруғ шаш хонаро тахриб кард, аммо, хушбахтона, ба одамон осеб нарасонд
Масъалаи муҳоҷирони меҳнатӣ ва табобати бемории сил дар байни онҳо мавриди баррасӣ қарор гирифт 1Масъалаи муҳоҷирони меҳнатӣ ва табобати бемории сил миёни муҳоҷирон баррасӣ гардид
Форуми байналмилалии сатҳи олии «омодасозии харитаи роҳ дар тахассуси стандартҳо, аккредитатсия ва системаи профессионалӣ» дар Академияи илмҳоФоруми байналмилалии сатҳи олии «омодасозии харитаи роҳ дар тахассуси стандартҳо, аккредитатсия ва системаи профессионалӣ»
Манзура Рустамова бо намояндагони Ростав -на Донуи Федератсяи Россия мулоқот анҷом додМанзура Рустамова бо намояндагони Ростови лаби Дон мулоқот анҷом дод
Филипп БеннеттБонки аврупоии таҷдид ва рушд дар Тоҷикистон дар ҳаҷми 750 миллион доллари америкоӣ маблағгузорӣ намудааст
хатнатуй 1Дар Маркази таълимии «Пойтахт» барномаи бошукӯҳи наврӯзӣ баргузор гардид
Дар ноҳияи Нуробод бахшида ба ҷашни Наврӯзӣ миёни духтарон озмунҳо ҷамъбаст гардидДар ноҳияи Нуробод озмунҳои наврӯзӣ ҷамъбаст гардиданд
РусияТашрифи доираҳои тиҷоратию соҳибкории шаҳри Ростови соҳили Дон ба Тоҷикистон
Идигул Косимзода 2Идигул Қосимзода: «Наврӯз барои мардуми сарбаланди тоҷик оғози корҳои неки муштарак ва амалҳои созанда аст»