Дастаи мунтахаби бонувони Тоҷикистон (U-19) дар бозии аввал мағлуб шуд

Душанбе, 28.10.2016 /АМИТ «Ховар»/. Дар даври аввали бозиҳои интихобии Чемпионати Осиё байни бонувони то 19-сола шоми дирӯз дастаи мунтахаби Тоҷикистон бо натиҷаи 3:0 аз дастаи мунтахаби Ӯзбекистон мағлуб гардид. Голҳоро Шаҳноза Қурбонова (23), Шоира Култураева (67) ва Малика Бурҳонова (71) ба дарвоза заданд.
Дар бозии дигари рӯз дастаи мунтахаби Тайбейи Чин бо натиҷаи 3:0 бар Гонконг ғолиб омад.
Бозиҳои даври дуюм рӯзи шанбе баргузор мешаванд. Дастаҳои мунтахаби Ӯзбекистон бо Гонконг (14:00) ва Тоҷикистон бо Тайбейи Чин (17) қувва меозмоянд.
Ёдрас мешавем, ки танҳо як даста аз гурӯҳи «Б» соҳиби роҳхат ба бозиҳои ниҳоии Чемпионати Осиё мегардад.