ДСХ бо 14 мактаби олии кишварҳои хориҷӣ ба ҳайси шарики комилҳуқуқ фаъолияти муштарак дорад

Октябрь 27, 2016 09:58

Душанбе, 27.09.2016 /АМИТ «Ховар»/. Дар доираи Барномаи Иттиҳоди Аврупо-«Темпус» аз рӯи лоиҳаи «Рушд ва такмили мудирияти донишгоҳ оид ба масоили байналмилалӣ» дар Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон семинар баргузор гардид. Дар семинар намояндагони мактабҳои олии касбии шаҳри Душанбе ва Донишгоҳи давлатии шаҳри Хуҷанд ба номи академик Бобоҷон Ғафуров ба ҳайси донишгоҳи ҳамоҳангсози лоиҳа аз Ҷумҳурии Тоҷикистон иштирок намуданд.
Сардори шуъбаи робитаҳои хориҷӣ ва сармутахассиси шуъбаи робитаҳои хориҷии Донишгоҳи давлатии шаҳри Хуҷанд Темур Каримов ва Ҷамшед Истамқулов роҷеъ ба зинаҳои амалишудаи лоиҳа ва дастовардҳои ДДХ дар ин самт бо овардани далелҳои муътамад ибрози назар намуданд.
Иштирокчиёни семинар доир ба хусусиятҳои татбиқи масъалаҳои гуногун, ташкили раванди қабул ва таҳсили бештари донишҷӯёни хориҷӣ дар макотиби олии Ҷумҳурии Тоҷикистон, аз ҷумла ба роҳ мондани табодули устодону донишҷӯён, таҳсилоти фосилавӣ, истифода аз таҷрибаи тӯлониву ғании донишгоҳҳои пешрафтаи ҷаҳон, баланд бардоштани сатҳу сифати таҳсилот ва нуфузи макотиби таҳсилоти олии касбии Ҷумҳурии Тоҷикистон ибрози андеша намуданд.
Боиси ифтихору қаноатмандист, ки Донишкадаи соҳибкорӣ ва хизмат дар доираи лоиҳаи фавқуззикр бо 14 донишгоҳу донишкадаҳои бонуфузтарини кишварҳои Британияи Кабир, Италия, Испания, Озарбойҷон, Украина ва Қирғизистон ба ҳайси шарики комилҳуқуқ фаъолияти муштарак дорад.

Октябрь 27, 2016 09:58

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт