Искандар Қодиров барои риоя накардани Қонуни ҶТ «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон» ба маблағи 4000 сомонӣ ҷарима карда шуд

Октябрь 1, 2016 11:37

Файзобод, 01.10.2016. /АМИТ «Ховар»/. Суди ноҳияи Файзобод Искандар Қодиров, соли таваллудаш 1963, оиладор, муваққатан бекор, соҳиби 6 фарзанд, истиқоматкунандаи деҳаи Гултеппаи ҷамоати деҳоти Мискинободи ноҳияи Файзободро бо моддаи 481-и Кодекси ҳуқуқвайронкунии маъмурии Ҷумҳурии Тоҷикистон гунаҳкор дониста, нисбат ба ӯ бо ин модда ҷазо дар намуди ҷарима ба андозаи сад нишондиҳанда баробар ба чор ҳазор сомонӣ ба фоидаи давлат таъйин намуд.
Номбурда тӯйи арӯсии духтарашро бо давомнокии зиёда аз чор соат ва додани ду таом доир намудааст, ки ҳангоми гузаронидани санҷиш аз ҷониби ёрдамчии прокурори ноҳия, сармутахассис оид ба корҳои дини ноҳия ва ҷамоати деҳоти Мискинобод ҳуқуқвайронкунии мазкур ошкор гардида, нисбат ба ӯ санади ҳуқуқвайронкунии маъмурӣ тартиб дода шуд.
Искандар Қодиров бо ин амалаш талаботи моддаҳои 10 ва 14 Қонуни Ҷумҳурии Тоҷикистон «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон» ва моддаи 481-и Кодекси ҳуқуқвайронкунии маъмурии Ҷумҳурии Тоҷикистонро вайрон намудааст, ки сазовори ҷазои муносиб гардид.

Октябрь 1, 2016 11:37

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад