«Истиқлол» дар даври шонздаҳум дастаи «Регар-ТадАЗ»-ро шикаст дод

Октябрь 17, 2016 14:32

Душанбе, 17.10.2016 /АМИТ «Ховар»/. Дастаи футболи «Истиқлол»-и Душанбе дар даври шонздаҳуми мусобиқаи қаҳрамонии лигаи олии футболи Тоҷикистон бар дастаи «Регар-ТадАЗ»-и шаҳри Турсунзода бо ҳисоби 3:1 ғалаба кард. Ин бозӣ дар Варзишгоҳи марказии шаҳри Душанбе баргузор шуд. Нимаи аввали дидор бо ҳисоби 1:0 ба нафъи меҳмонон хотима ёфт. Голи дастаи «Регар-ТадАЗ»-ро Санҷар Баротов, легионери ӯзбекистонӣ дар дақиқаи 38-ум ба дарвозаи мизбонон зад. Дар нимаи дувуми бозӣ Манучеҳр Ҷалилов, Фатҳулло Фатҳуллоев ва Дэвид Мавутор се гол ба ҳадаф расонда, ба «Истиқлол» се имтиёз оварданд.
Ёдовар мешавем, ки дастаи футболи «Истиқлол»-и Душанбе бо 39 имтиёз дар ҷадвали мусобиқаи лигаи олӣ садрнишин аст. Дар бозиҳои дигар дастаи «Хуҷанд»-и шаҳри Хуҷанд дар меҳмонӣ бар дастаи «Парвоз»-и ноҳияи Бобоҷон Ғафуров бо ҳисоби 2:0 пирӯз шуд. Ҳарду голро Дилшод Бозоров ба ҳадаф расонд.
Бояд зикр кард, ки дастаи футболи «Ҳосилот»-и ноҳияи Фархор, ки бо 28 имтиёз дар ҷойи дувум аст, барои медалҳои нуқра талабгори асосист. Се даста- «Регар-ТадАЗ», ССКА «Помир» ва «Барқчӣ», ки мутаносибан дар зинаҳои севум, чорум ва панҷуми ҷадвал ҷойгир шудаанд, барои медалҳои нуқраву биринҷӣ мубориза мебаранд.

Октябрь 17, 2016 14:32

Хабарҳои дигари ин бахш

Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд