Кишварҳои аъзои СААД бо ҷиноятҳои иттилоотӣ муборизаи муштарак мебаранд

Октябр 6, 2016 09:52

Хабарҳои мавзӯъ

mansur-umarov

Душанбе, 06.10.2016/АМИТ «Ховар»/. Кишварҳои аъзои Созмони Аҳдномаи амнияти дастаҷамъӣ /СААД/ муборизаи муштаракро бар зидди ҷиноятҳои вобаста ба соҳаи иттилоот таҳким мебахшанд. Дар робита ба ин 5 октябр вакилони палатаи поёнии Парлумони Тоҷикистон Протокол дар бораи ҳамкории давлатҳои аъзои СААД оид ба муқовимат бо фаъолияти ҷинояткорӣ дар соҳаи иттилоотро тасдиқ намуданд. Санади мазкур моҳи декабри соли 2014 дар шаҳри Маскав аз ҷониби сарони кишварҳои СААД ба имзо расидааст.
Мансурҷон Умаров, муовини авввали раиси Кумитаи давлатии амнияти миллии ҷумҳурӣ гуфт: «Санади мазкур ба фароҳам овардани заминаи ҳуқуқӣ барои ҳамкории судманди мақомоти ваколатдори давлатҳои аъзои СААД дар самти ҳимояи фазои иттилоотии тарафҳо равона гардидааст. Ҷилавгирии амалҳои тахрибкорӣ ва истифодаи шабакаи интернетӣ барои содир намудани ҷиноятҳо бар зидди асосҳои сохти конститутсионӣ ва амнияти давлатҳо, сулҳ ва бехатарии башарият, мубориза бо ҷиноятҳои соҳаи технологияи иттилотӣ аз ҳадафҳои Протокол аст».
Протоколи мазкур бо мақсади зарурати ҳифзи фазои иттилоотӣ ва манбаъҳои иттилоотӣ, таъмини ҳамкории муштарак ҷиҳати муқовимат бо фаъолияти ҷинояткорӣ дар соҳаи иттилоот ва муҳайё кардани асосҳои ҳуқуқии ҳамкории хадамоти махсус ва мақомоти ҳифзи ҳуқуқи тарафҳои аҳдкунанда дар мубориза бо ҷинояткорӣ дар самти технологияҳои иттилоотӣ таҳия шудааст.
Вакилони Парлумон ҳамзамон «Протокол оид ба ворид намудани тағйирот ба Созишнома дар бораи таъмини мутақобилаи ҳифзи иттилооти махфӣ дар доираи СААД» аз 18 июни соли 2004 ва Протоколи дуюм оид ба ворид намудани тағйирот ба Созишнома оид ба шартҳои имтиёзноки таҳвили техникаи махсус ва воситаҳои махсус барои таҷҳизонидани мақомоти ҳифзи ҳуқуқ ва хадамоти махсуси давлатҳои аъзои СААД аз 6 октябри соли 2007- ро баррасӣ карда, ба тасвиб расониданд.

Октябр 6, 2016 09:52

Хабарҳои дигари ин бахш

DSC_0738+Узви тозаинтихоби Маҷлиси миллӣ савганд ёд кард
Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд (3)Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд
Шурои олли, (1)Ба Дастури Маҷлиси миллӣ тағйиру иловаҳо ворид карда шуданд
ПарлумонҶонибдории пешниҳодҳои Президент аз сӯи аъзои Маҷлиси миллӣ оид ба бозхонд ва интихоби судяҳо
shuroi-olli-5Аъзои Маҷлиси миллӣ тағйиру иловаҳоро ба чор қонуни конститутсионӣ ҷонибдорӣ намуданд
Шурои олли, (1)Баррасии беш аз 50 масъала дар Шӯрои Маҷлиси миллӣ
Вазири адлияДар идораҳои САҲШ танҳо афроде кор карда метавонанд, ки дорои маълумоти олии ҳуқуқшиносӣ ва шаҳрванди Тоҷикистон бошанд
Амрихудо ДамдоровМинбаъд пинҳон доштани вазъи молу мулки аъзои Ҳукуматро мақомоти салоҳиятдор санҷида ва ошкор мекунанд
Ш. Зухуров ва Пан ЮнхеШ. Зуҳуров: «Дар иқтисодиёти Тоҷикистон Чин сармоягузори бузург аст»
Шурои олли, (1)Дар Тоҷикистон лоиҳаи қонуни нав-«Дар бораи сайёҳии дохилӣ» қабул мегардад
Парлумон-слайдДар шаҳри Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон доир мегардад
Шурои олли, (1)Ваколати вакили Маҷлиси намояндагон пеш аз муҳлат қатъ гардид