Конститутсия-танзимгари муносибатҳои сиёсӣ, иқтисодӣ, иҷтимоӣ ва фарҳангии ҷомеа

Октябрь 31, 2016 17:16, 371 хонанда

Хабарҳои мавзӯъ

konstitutsiya

Душанбе, 31.10.2016. /АМИТ «Ховар»/. 29 октябри соли 2016 дар факултети ҳуқуқшиносии ДМТ конфронси байналмилалии илмӣ-амалӣ дар мавзўи «Конститутсия танзимгари муносибатҳои сиёсӣ, иқтисодӣ, иҷтимоӣ ва фарҳангии ҷомеа» бахшида ба 22-юмин солгарди қабули Конститутсияи Ҷумҳурии Тоҷикистон баргузор гардид. Дар он олимони ватанӣ ва хориҷӣ, мутахассисон ва доираи васеи омўзгорону аспирантон, намояндагони воситаҳои ахбори омма ва матбуоти даврӣ иштирок намуда, масъалаҳои мубрами ҳуқуқи конститутсионӣ ва маъмуриро мавриди баррасӣ ва муҳокима қарор доданд.
Декани факултети ҳуқуқшиносӣ, номзади илмҳои ҳуқуқ, дотсент Д. Раҳмон дар хусуси зарурат ва аҳамияти баргузории ҷамъомад иброз намуд, ки «Конститусияи ҶТ санади олии ҳуқуқӣ ва муҳимтарин ҳуҷҷати сиёсӣ ба ҳисоб рафта, тўли 22 соли амал тавонист муносибатҳои ҷамъиятиро муътадил ва муназзам гардонад. Бо шарофати Конститутсия мардуми шарифи Тоҷикистон тавонист якчанд чорабинии муҳими сиёсиро сарбаландона пушти сар намояд. Бо шарофати Конститутсия мо тавонистем якчанд маротиба дар интихоботи Президенти ҶТ ва вакилони Маҷлиси намояндагони Маҷлиси Олии ҶТ иштирок намоем ва онҳоро интихоб созем. Маҳз дар Конститутсия унсурҳои асосии давлатдории муосири Тоҷикистон, махсусан демократия, соҳибихтиёрӣ, ҳуқуқбунёдӣ, дунявӣ, ягонагӣ ва иҷтимоӣ муайян гардида, он ба рамзи ягонагии миллати тоҷик, баҳамоии қишрҳои гуногуни ҷомеа, марҳилаи нави бунёди давлати миллии тоҷикон бо номи Ҷумҳурии Тоҷикистон, сулҳу субот, оромию осудагӣ ва саҳифаи нави таърих табдил ёфтааст».
Дар конфронс доир ба мавзӯъҳои танзими конститутсионӣ-ҳуқуқии созмонёбӣ ва фаъолияти мақомоти олии ҳокимияти давлатӣ, ҳуқуқи инсон ҳамчун арзиши конститутсионӣ, вазъи ҳуқуқӣ-конститутсионии Комиссияи марказии интихобот ва раъйпурсӣ ва мавқеи он дар низоми мақомоти ҳокимияти давлатии ҶТ, самтҳои асосии рушди идоракунии маҳал дар ҶТ, ҳуқуқу озодиҳои инсон дар партави тағйиру иловаҳои Конститутсияи соли 2016, нақши Конститутсия дар таҳкими низоми ҳизбии ҶТ ва ғайра шунида шуданд. Зимни баррасии мавзўъҳои мазкур аз ҷониби олимон ва мутахассисон пешниҳодҳо оид ба мукаммал намудани қонунгузорӣ, аз ҷумла қабул намудани қонунҳои конститусионӣ «Дар бораи Комиссияи марказии интихобот ва раъйпурсии ҶТ», «Тартиби баргузории интихобот дар ҶТ», Қонуни ҶТ «Дар бораи ҳизбҳои сиёсӣ» ва ворид намудани тағийроту иловаҳо ба дигар қонунҳо ироа шуданд.
Таъкид карда шуд, ки Конститутсияи соли 1994 дар рушди давлатдории милии тоҷикон нақши муассир дорад, бинобар ин, эҳтироми Конститутсия ва арҷ гузоштан ба он бояд ба одати ҳар як шаҳрванд табдил ёбад.

Октябрь 31, 2016 17:16, 371 хонанда

Хабарҳои дигари ин бахш

Савлатали саидТаҳти раисии Давлаталӣ Саид ҷаласаи дуюми Шӯрои ҳамоҳангсозии фаъолияти мақомоти санҷишӣ баргузор гардид
Артисты ГБАОРӯзҳои фарҳанги ВМКБ дар Суғд баргузор мешавад
Хайдарзода Саодат -1Саодат Ҳайдарзода, cармуҳаррири маҷаллаи «Фирўза»: «Чакан рамзи рангорангии ҳаёт ва хушиҳои зиндагист»
рохпаймои++ (2)«Мо пайрави Пешвои миллатем»-роҳпаймоии ҷавонон дар шаҳри Турсунзода
Дадабоева НодираИнтихоби дурусти ҳамсар–кафили зиндагии бобақо ва бардавом
Хирадмандони ХХДТИмрӯз Конференсияи ғайринавбатии ташкилотҳои ҲХДТ дар ноҳияи Исмоили Сомонӣ баргузор гардид
Дар Бадахшон ғолибони озмуни «Китобхони беҳтарин» муайян шуданд
фестивали ҷумҳуриявии «Таронаи сарбоз» 3Бахшида ба Соли ҷавонон Фестивали ҷумҳуриявии «Таронаи сарбоз» доир гардид
iktisodВазорати рушди иқтисод ва савдо: «Мақсади муҳокимаҳои ҷамъиятӣ пешниҳоди иттилоот ба аҳолӣ мебошад»
Фазилати эълон гардидани соли ҷавонон
Новый рисунок«Ҳифзи Ватан муқаддас аст» -озмуни «Суруди сарбоз» натиҷагирӣ шуд
ИСЛОМ БА ЗОТИ ХУД НАДОРАД АЙБЕ… (Давлаталӣ Давлатзода дар бораи мусулмонон, таърихи воқеии инкишоф ва таназзули онҳо)