Кормандони мақомоти амнияти миллии кишвар дар ҳолатҳои зарурӣ ҳуқуқ доранд вориди манзилҳои шаҳрвандон гарданд

Октябр 19, 2016 14:09

Хабарҳои мавзӯъ

sajmumin-yatimov

Душанбе, 19.10.2016/АМИТ «Ховар»/. Минбаъд кормандони Кумитаи давлатии амнияти миллии Ҷумҳурии Тоҷикистон аз рӯи зарурат дар ҳолатҳои истисноӣ, яъне ҳангоми таҳдиди хатари воқеӣ ҳуқуқ доранд, ки бидуни қарори суд ва иҷозати сокинон ба манзилҳо, ҳавлиҳо ва иншооте, ки мутааллиқ ба шаҳрвандонанд, ворид шаванд. Дар ин росто 19 октябр вакилони палатаи поёнии Парлумони Тоҷикистон ба лоиҳаи Қонуни Ҷумҳурии Тоҷикистон «Дар бораи мақомоти амнияти миллии Ҷумҳурии Тоҷикистон» тағйиру иловаҳо ворид намуданд.
Саймуъмин Ятимов, раиси Кумитаи давлатии амнияти миллии Ҷумҳурии Тоҷикистон зимни тавзеҳи лоиҳаи қонуни мазкур дар Парлумони кишвар гуфт, лоиҳаи қонун аз ҷониби мақомоти амнияти миллии кишвар таҳия гардида, самти асосии он ба таъмини амният ва ҳуқуқу озодиҳои шаҳрвандон, ҳифзи субот ва оромии кишвар нигаронида шудааст. Саймуъмин Ятимов афзуд, ки «зуҳуроти нангини ҷаҳони муосир, ифротгароӣ ва терроризм, ки солҳои охир дар кишварҳои Шарқи Наздик, Афғонистон, Покистон, Туркия ва баъзе кишварҳои аврупоӣ доман густурдааст, моро водор менамояд дар мубориза бар зидди ифротгароӣ ва терроризм тадбирҳои саривақтӣ ва мушаххас андешида, вазифа ва уҳдадориҳои кормандони мақомоти амнияти миллии кишварро дар ҳолатҳои зарурӣ баланд бардорем».
Ҳамзамон тағйирот ба лоиҳаи Қонуни Ҷумҳурии Тоҷикистон «Дар бораи мақомоти амнияти миллии Ҷумҳурии Тоҷикистон» муқаррароти навро ҷиҳати истифодаи қуваваи ҷисмонӣ, силоҳ, техникаи махсуси низомӣ аз ҷониби кормандони мақомоти амнияти миллии кишвар ҳангоми зуҳур намудани таҳдиду хатарҳо ва амалҳои террористӣ пешбинӣ намудааст. Бояд тазаккур дод, ки дар асоси қонунгузории Ҷумҳурии Тоҷикистон зарар ва хисороте, ки ҳангоми амалиёт ба манзил ва дигар иншооти шаҳрвандон расонида мешаванд, аз ҷониби давлат ҷуброн мегарданд.

Октябр 19, 2016 14:09

Хабарҳои дигари ин бахш

DSC_0738+Узви тозаинтихоби Маҷлиси миллӣ савганд ёд кард
Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд (3)Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд
Шурои олли, (1)Ба Дастури Маҷлиси миллӣ тағйиру иловаҳо ворид карда шуданд
ПарлумонҶонибдории пешниҳодҳои Президент аз сӯи аъзои Маҷлиси миллӣ оид ба бозхонд ва интихоби судяҳо
shuroi-olli-5Аъзои Маҷлиси миллӣ тағйиру иловаҳоро ба чор қонуни конститутсионӣ ҷонибдорӣ намуданд
Шурои олли, (1)Баррасии беш аз 50 масъала дар Шӯрои Маҷлиси миллӣ
Вазири адлияДар идораҳои САҲШ танҳо афроде кор карда метавонанд, ки дорои маълумоти олии ҳуқуқшиносӣ ва шаҳрванди Тоҷикистон бошанд
Амрихудо ДамдоровМинбаъд пинҳон доштани вазъи молу мулки аъзои Ҳукуматро мақомоти салоҳиятдор санҷида ва ошкор мекунанд
Ш. Зухуров ва Пан ЮнхеШ. Зуҳуров: «Дар иқтисодиёти Тоҷикистон Чин сармоягузори бузург аст»
Шурои олли, (1)Дар Тоҷикистон лоиҳаи қонуни нав-«Дар бораи сайёҳии дохилӣ» қабул мегардад
Парлумон-слайдДар шаҳри Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон доир мегардад
Шурои олли, (1)Ваколати вакили Маҷлиси намояндагон пеш аз муҳлат қатъ гардид