Маҳбусон аз Аморот ба Тоҷикистон оварда мешаванд

Октябрь 5, 2016 15:28, 5 468 хонанда

Хабарҳои мавзӯъ

parlumon

Душанбе, 05.10.2016. /АМИТ «Ховар»/. Дар оянда шаҳрвандони Ҷумҳурии Тоҷикистон, ки дар Амороти Муттаҳидаи Араб ҷиноят содир намуда, дар маҳбасхонаҳои ин кишвар қарор доранд, ба Тоҷикистон оварда мешаванд. Дар робита ба ин 5 октябр вакилони Маҷлиси намояндагони Маҷлиси Олии Ҷумҳурии Тоҷикистон Созишномаи байни Ҷумҳурии Тоҷикистон ва Амороти Муттаҳидаи Араб дар бораи супоридани маҳкумшудагонро тасдиқ намуданд.
Муҳаммадиброҳим Осимзода, муовини Прокурори генералии Ҷумҳурии Тоҷикистон дар ҷараёни тавзеҳи санади мазкур дар Парлумони кишвар гуфт: «Созишномаи байни Ҷумҳурии Тоҷикистон ва Амороти Муттаҳидаи Араб моҳи марти соли 2016 зимни сафари расмии Президенти Ҷумҳурии Тоҷикистон Эмомалӣ Раҳмон ба Амороти Муттаҳидаи Араб дар шаҳри Дубай ба имзо расидааст ва ҳадафаш овардани маҳкумшудагон аз маҳбасҳои Аморот ба Тоҷикистон аст. Дар маҷмӯъ самти асосии Созишномаи мазкур ба ҳифзи ҳуқуқу озодиҳои шаҳрвандони Тоҷикистон, ки дар маҳбасҳои Аморот нигоҳ дошта мешаванд, нигаронида шудааст. Инчунин байни Тоҷикистон ва Аморот Созишномаи байнидавлатӣ оид ба эктрадитсия ва Созишномаи байнидавлатӣ дар хусуси расонидани кумаки мутақобила оид ба парвандаҳои ҷиноятӣ вуҷуд доранд, ки мақомоти ҳифзи ҳуқуқи Тоҷикистон дар фаъолияти худ аз онҳо истифода менамоянд».
Алҳол дар маҳбасҳои Аморот чанд нафар шаҳрвандони Тоҷикистон нигоҳ дошта мешаванд? Дар посух ба ин саволи намояндагони ВАО муовини Прокурори генералии кишвар гуфт, ки «дар ин бора иттилоъ надорем».

Октябрь 5, 2016 15:28, 5 468 хонанда

Хабарҳои дигари ин бахш

ШуроБа қонун дар бораи Палатаи ҳисоб тағйирот ворид мегардад
Ш.Зухуров & РаббониОромии Афғонистон оромии минтақа аст
Парлумон6Дар ҷаласаи Маҷлиси миллӣ 50 масъала баррасӣ ва ҷонибдорӣ гардиданд
Юсуф Раҳмон: «Шомилшавии шаҳрвандони Тоҷикистон ба сафи созмонҳои экстремистию террористӣ коҳиш ёфтааст»
Парлумон-слайдИмрӯз дар Душанбе иҷлосияи нуҳуми Маҷлиси миллӣ баргузор мегардад
Парлумон-слайдДар Душанбе иҷлосияи нуҳуми Маҷлиси миллии Маҷлиси Олии Ҷумҳурии Тоҷикистон баргузор мегардад
Парлумон 2Дар Тоҷикистон дар бораи бехатарии сейсмикӣ қонуни нав қабул мегардад
Ян ХамачекШ.Зуҳуров сафари Ян Ҳамачекро ба Душанбе қадами устувор дар рушди ҳамкорӣ номид
Ян ХамачекИстиқболи Ян Ҳамачек дар Фурудгоҳи байналмилалии Душанбе
Парлумон-слайдДар Душанбе иҷлосияи нуҳуми Маҷлиси миллии Маҷлиси Олии Ҷумҳурии Тоҷикистон даъвати панҷум баргузор мегардад
Раисони Парлумони Точикистон ва СаудиРаиси Парлумони Арабистони Саудӣ: «Эмомалӣ Раҳмон воқеан Пешвои забардаст аст»
Зухуров СаудиСалмон ибни Абдулазиз оли Сауд Тоҷикистонро шарики муҳими Арабистони Саудӣ дар минтақа номид