Наргиси Беҳзод дар саҳифаи худ дар Фейсбук: Чаро кӯдакон қурбонии бозиҳои сиёсиянд?!

Октябр 12, 2016 18:03

Хабарҳои мавзӯъ

deti-afganistan

Душанбе, 12.10.2016. /АМИТ «Ховар»/. Бино ба гузориши миссияи СММ, ки 17 апрели соли равон нашр гардида буд, аз оғози сол дар Афғонистон 161 кӯдак ҳалок шуда, 449 кӯдаки дигар ҷароҳат бардоштаанд. Роҳбари миссия Даниел Белл иттиилоъ дод, ки бар асари амалиёти ҷангӣ дар Афғонистон асосан занону кӯдакон осеб мебинанд. Ба гуфтаи ӯ аз се як қисми осебдидагон кӯдаконанд.

«Агар амалиёти ҳарбӣ назди мактабҳо, майдончаҳои кӯдакон, хонаҳои истиқоматӣ ё беморхонаҳо давом ёбад, агар ҷонибҳои даргир истифодаи лавозимоти таркандаро дар назди ин маконҳо идома диҳанд, шумораи қурбониён ба маротиб меафзояд», — гуфта шудааст дар гузориш.

Тибқи маълумоти ин гузориш, ҳаракати исломии «Толибон»  масъулияти аз даҳ нафар ҳалокшудагон шаш нафарашро бар дӯш гирифтааст.

Давоми се моҳи аввали соли 2016-ум 600 нафар аҳолии осоишта ҳалок гардида, 1343 нафари дигар ҷароҳат бардоштаанд.

Дар гузориш иттилоъ дода шудааст, ки шумораи ҳалокшудагон нисбат ба соли гузашта 13% коҳиш ёфта, вале шумораи ҷароҳатбардоштагон 11% афзудааст.

Соли 2015 дар Афғонистон дар натиҷаи амалиётҳои ҳарбӣ беш аз 11 ҳазор осеб дида, аз ин шумора 3545 нафар ҳалок шудаанд.

Ин гузориш пас аз он нашр шуд, ки гурӯҳи «Толибон» ба шимоли Афғонистон ҳуҷум карда, бори дигар талоши зери назорат даровардани шаҳри Қундузро (ин гурӯҳро соли гузашта неруҳои Афғонистон аз он ҷо зада берун карда буданд) дошт. Ин ҳолат ҷомеаи ҷаҳониро ба ташвиш овардааст. Доир ба вазъи ҳуқуқи инсон, бахусус кӯдакон дар Афғонистон Наргис Беҳзод, журналисти мустақил маводе навиштааст, ки муҳтавои он чунин аст:

 

deti-afganistanaҶаҳони кӯдакон як ҷаҳони софу беолоиш аст ва бехирадии азалии террористон онҳоро дар чанголи бозиҳои сиёсӣ ҳамарӯза ё дар як кишвари ҳаммарз бо Тоҷикистон, дар Сурияву Ироқ ё дигар кишвари ҷангзада ба коми худ кашида, қурбон мекунад. Вақте ки ба аксҳои ин кӯдакон назар меафканӣ, кам касе ёфт мешавад ҳангоми диданашон дилхун нашавад ва об аз дида нарезад…

Чанд рӯз аст, ки ба аксҳои кӯдакон дар хиёбонҳои вилояти Қундузи Ҷумҳурии Исломии Афғонистон назар меафканам ва  ҷисми беҷони бераҳмона куштаи тифлакони маъсум ба риққатам меорад. Оё толибон (террористон) модар, фарзанд, ватан надоранд ва киро аз кӣ муҳофизат мекунанд? Зинда будани кӯдакони бегуноҳ ба онҳо чӣ зарар дорад?

Ҷумҳурии мо ба давлати ҳамсояи Афғонистон 1344,15км ҳаммарз буда, тавассути дарёи Панҷ рафтуомади шаҳрвандон ҳамарӯза сурат мегирад. Қобили зикр аст, ки моҳи майи соли сипаришуда «Толибон» қариб 80 %-и Афғонистонро дар иҳотаи худ гирифта буданд ва ҳамон вақт таҳдидҳои амниятӣ аз ҷониби марзии вилояти Мухтори Кӯҳистони Бадахшон буд. Тайи чанд рӯз аст, ки ҳаракати бераҳмонаи навбатии «Толибон» дар вилояти Қундуз идома дорад. Шаҳри Қундузро ба хок яксон карда, шумори зиёди занону кӯдакони бегуноҳ ваҳшиёна ба қатл расонда шудаанд. Ин аксҳоеро, ки дар шабакаҳои интернетӣ мебинем, осори ҳодисаю амалҳои бераҳмона ва ғайриинсонии террористон аст, ки  дар як гӯшаи замини бо Тоҷикистон ҳаммарз ва  наздик рух додаанд.

Вақте мегӯем: «Шукрона бояд кард», баъзеҳо механданд ва мегӯянд, ки барои чӣ? Барои кӣ? Ба шумо мегӯям: барои озодиву оромии Ватани азизамон, кӯдакони солим, хушбахтии модарон, сиҳатии бародарон ва хиёбонҳои сабзу зебо ШУКРОНА бояд кард ва дуо бояд кард, ки дигар кӯчаҳои ба хун оғӯштаву мотамсарои солҳои гузаштаи кишварамонро (1992), ки осори ҷанги бародаркуш буданд, ҳеҷ гоҳ набинем, аз ёдҳо ва аз дилҳоямон зудуда шаванд ва танҳо дар китобҳои таърих боқӣ бимонанд.  Дар ҳар як гардиши кӯчаҳо ҷасадҳои бародарони бегуноҳи мо буд…

Моро зарур аст, ки таъмини пурраи амнияти марзии Тоҷикистонро бо Ҷумҳурии Исломии Афғонистон дар ин шабурӯз боз ҳам пурзӯр намоем ва ҳаргиз дигар иҷозат надиҳем, ки Ватани мо ба хотири сари қудрат омадани чанд афроди мансабталаб бозичаи дасти хоинони дохиливу хориҷӣ гардад! Ман бар ин мутмаинам, ки агар:

а) адл барпо бошад;

б) ҳуқуқҳои инсон ва шаҳрванд ҳифз шаванд;

в) амалҳои коррупсионӣ ҷилавгирӣ карда шаванд;

г) эҳтиром ба эътиқоди динӣ барҷо бошад;

д) хиёнат ба Ватан набошад

ва Истиқлолияте, ки ба нархи ҷон ба даст овардаем, ҳифз карда ва таҳким бахшида шавад, дар кӯтоҳтарин муддат мо ба яке аз давлатҳои пешрафта мубаддал  мегардем.   Бошад, ки Ватанамон ободу хони тоҷик пурфайз ва шермардони Ватан ҷонфидои миллат бошанд. Худо кунад, мо зери парчами Ваҳдат, Истиқлол, Озодӣ пеш равему чун имрӯз ифтихор аз ТОҶИК будани хеш кунем!

ДАР ҒАМАТ ШАРИКЕМ, ҚУНДУЗ!((((

 Наргис Беҳзод

Октябр 12, 2016 18:03

Хабарҳои дигари ин бахш

--- 15.07.15 gep 119 май -Рӯзи байналмилалии мубориза бо гепатит: беморие, ки пурра муолиҷа мешавад
JpegАстероиди эҳтимолан хатарноки 2014JO25-ро олимони тоҷик ҳам мушоҳида карданд
Камол НасруллоШоири халқии Тоҷикистон Камол Насрулло дар бораи он, ки муҳити интернет ба ҷавонон чӣ таъсирҳо метавонад дошта бошад
Айни-0ЁДКАРДИ УСТОД АЙНӢ: имрӯз қаламкашони тоҷикро мебояд ба публисистика бештар рӯй биёваранд
Файзуллло БаротзодаНақши ҷавонон дар пешгирии ифротгароии динӣ
Навруз АликаҶашни Сада муждаест аз Наврӯз (Пешниҳоди як гурӯҳ донишмандон роҷеъ ба ин ҷашн)
Меҳргон омад ба хидмат_ шаҳрёро назди ту _2Меҳргон омад ба хидмат, шаҳрёро назди ту! (Пешниҳоди як гурӯҳ донишмандон роҷеъ ба ин ҷашн)
Хоки Ватан-4Пешвои миллат оид ба нақши барномаи «Хоки Ватан» дар раванди сулҳи тоҷикон: имрӯз ба таъсиси ин барномаи машҳури радиоӣ 24 сол пур шуд!
Хафт син-6ҲАФТ МЕВА, ҲАФТ САЛОМ, ҲАФТ ШИН, ҲАФТ СИН, ҲАФТ СИНӢ, ҲАФТ АМШОСПАНДОН
Ф. БаротзодаНАВРӮЗИ ХУСРАВОНИИ ТОҶИКОН (Дар партави мулоқоти Пешвои миллат бо зиёиёни эҷодкор)
Вода22 март- Рўзи байналмилалии захираҳои об:ҳамкорӣ дар соҳаи об тақозои замон аст
Навруз ИранНАВРӮЗ КУҲАНТАРИН ОЙИНИ МИЛЛӢ ДАР ҶАҲОН АСТ!