Валентина Матвиенко: «Тоҷикистон кишварест, ки тавонистааст орзую ормонҳои мардумашро ҷомаи амал пӯшонад»

Октябр 14, 2016 10:35

Хабарҳои мавзӯъ

30179024832_1304ec2e9f_z

Душанбе, 14.10.2016/АМИТ «Ховар»/. «Тоҷикистону Русия дар самти фаъолияти парлумони дупалата аз таҷрибаи кофӣ бархӯрдоранд ва парлумонҳои кишварҳои моро мебояд аз таҷрибаи ғании якдигар ба таври самарабахш истифода намоянд». Ин матлабро Валентина Матвиенко, Раиси Шӯрои Федератсияи Маҷлиси Федералии Федератсияи Русия дар мулоқот бо Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон дар Душанбе баён кард.
Валентина Матвиенко таъкид кард, ки «таърихи давлатдории муосири тоҷикон марҳилаҳои хеле душворро паси сар кардааст. Ҳоло дар Тоҷикистон тағйироти куллӣ ба таври мусбат ва чашмрас ба вуҷуд омадаанд. Тоҷикистон кишварест, ки тавонистааст орзую ормонҳои халқашро ҷомаи амал пӯшонад. Парлумони Тоҷикистон қонунҳое кабул мекунад, ки танҳо ба манфиати мардуми кишвар равона гардидаанд. Дар баробари ин, Парлумони Тоҷикистон ҳамеша мавқеи минтақавиии кишварро ҳимоя менамояд. Ин дар таҷрибаи парлумонҳо падидаи нав аст», -гуфт дар анҷоми мулоқот Валентина Матвиенко. Мавсуф иброз дошт, ки мардуми рус аз талошҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон барои барқарории сулҳу суботи комил дар кишвари худ иттилоъ доранд ва ин заҳмату корнамоиҳои миллати барӯманди тоҷикро ҷиҳати ба даст овардани ваҳдат ва ҳамдигарфаҳмӣ қадр менамоянд.
Бояд тазаккур дод, ки Валентина Матвиенко, Раиси Шӯрои Федератсияи Маҷлиси Федералии Федератсияи Русия 12 октябр бо ҳайати баландпояи парлумонии палатаи болоии Парлумони Русия бо сафари расмӣ ба Душанбе омад. Валентина Матвиенко зимни сафари раксмиаш ба Тоҷикистон бо роҳбарияти баландпояи Тоҷикистон- Президенти Ҷумҳурии Тоҷикистон Эмомалӣ Раҳмон, Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев ва Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров мулоқот намуда, масоили муҳими марбут ба ҳамкории судманд ва гуногунсоҳаи Тоҷикистону Русияро баррасӣ намуданд.
Инчунин Валентина Матвиенко дар Форуми байнипарлумонии «Тоҷикистону Русия: неруи ҳамкории байниминтақавӣ» иштирок карда, сухан гуфт.
Шоми 13 октябр Валентина Матвиенко ва ҳамроҳонаш аз Душанбе ба Маскав рафтанд.

Октябр 14, 2016 10:35

Хабарҳои дигари ин бахш

DSC_0738+Узви тозаинтихоби Маҷлиси миллӣ савганд ёд кард
Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд (3)Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд
Шурои олли, (1)Ба Дастури Маҷлиси миллӣ тағйиру иловаҳо ворид карда шуданд
ПарлумонҶонибдории пешниҳодҳои Президент аз сӯи аъзои Маҷлиси миллӣ оид ба бозхонд ва интихоби судяҳо
shuroi-olli-5Аъзои Маҷлиси миллӣ тағйиру иловаҳоро ба чор қонуни конститутсионӣ ҷонибдорӣ намуданд
Шурои олли, (1)Баррасии беш аз 50 масъала дар Шӯрои Маҷлиси миллӣ
Вазири адлияДар идораҳои САҲШ танҳо афроде кор карда метавонанд, ки дорои маълумоти олии ҳуқуқшиносӣ ва шаҳрванди Тоҷикистон бошанд
Амрихудо ДамдоровМинбаъд пинҳон доштани вазъи молу мулки аъзои Ҳукуматро мақомоти салоҳиятдор санҷида ва ошкор мекунанд
Ш. Зухуров ва Пан ЮнхеШ. Зуҳуров: «Дар иқтисодиёти Тоҷикистон Чин сармоягузори бузург аст»
Шурои олли, (1)Дар Тоҷикистон лоиҳаи қонуни нав-«Дар бораи сайёҳии дохилӣ» қабул мегардад
Парлумон-слайдДар шаҳри Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон доир мегардад
Шурои олли, (1)Ваколати вакили Маҷлиси намояндагон пеш аз муҳлат қатъ гардид