Баррасии татбиқи ислоҳот дар самти санҷиши фаъолияти субъектҳои хоҷагидор

Ноябр 26, 2016 12:57

Хабарҳои мавзӯъ

novyj-risunok

Душанбе, 26.11.2016. /АМИТ “Ховар”/. Имрӯз дар Кумитаи давлатии сармоягузорӣ ва идораи амволи давлатӣ таҳти роҳбарии муовини якуми Сарвазири Ҷумҳурии Тоҷикистон Давлаталӣ Саид ҷаласаи нахустини Шӯрои ҳамоҳангсозии фаъолияти мақомоти санҷишӣ баргузор гардид.

Дар ҷаласа гузориши раиси Кумитаи давлатии сармоягузорӣ ва идораи амволи давлатӣ оид ба корҳои анҷомдодашуда ҷиҳати татбиқи Қонуни Ҷумҳурии Тоҷикистон “Дар бораи санҷиши фаъолияти субъектҳои хоҷагидор” ва Нақшаи чорабиниҳо оид ба татбиқи ислоҳоти гузаронидашуда дар самти санҷиши фаъолияти субъектҳои хоҷагидор баррасӣ гардида, ҳамчунин таҳлил ва тавсияҳои мушовирони байналмилалии Бонки рушди Осиё ва Корпоратсияи байналмилалии молиявии гурӯҳи Бонки ҷаҳонӣ дар самти санҷиши фаъолияти субъектҳои хоҷагидор мавриди муҳокима қарор дода шуданд.

Бояд зикр намуд, ки бо мақсади иҷрои банди 26 Нақшаи чорабиниҳо оид ба иҷрои вазифаҳое, ки дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 20 апрели соли 2012 зикр гардида буданд, лоиҳаи Қонуни Ҷумҳурии Тоҷикистон “Дар бораи санҷиши фаъолияти субъекти хоҷагидор” дар таҳрири нав таҳия карда шуд, ки он 25 декабри соли 2015, №1269 қабул ва аз 1 июли соли 2016 мавриди амал қарор дода шуд.

Дар асоси қонуни мазкур ва бо мақсади таъмини ҳамкорӣ, танзим ва ҳамоҳангсозии фаъолияти мақомоти санҷишӣ бо Қарори Ҳукумати Ҷумҳурии Тоҷикистон аз 27 июли соли 2016, № 331 Шўрои ҳамоҳангсозии фаъолияти мақомоти санҷишӣ таъсис гардид.

Шўро мақоми машваратии назди Ҳукумати Ҷумҳурии Тоҷикистон буда, ҳамкорӣ ва ҳамоҳангсозии фаъолияти мақомоти санҷиширо дар доираи Қонуни Ҷумҳурии Тоҷикистон “Дар бораи санҷиши фаъолияти субъектҳои хоҷагидор” таъмин менамояд.

Ноябр 26, 2016 12:57

Хабарҳои дигари ин бахш

БМТ ХБА _vstrecha_3Баррасии масъалаи пешбурди сиёсати иқтисодии давлат дар Бонки миллии Тоҷикистон
Бонки миллиБонки миллии Тоҷикистон вазъи имрӯзаи бозори дохилии асъорро шарҳ дод
IMG_0381Муаррифии Стратегияи миллии рушди Тоҷикистон барои давраи то соли 2030 дар Брюссел
Парчами Точикистону Арабистони СаудиСозишномаи қарзӣ баҳри татбиқи лоиҳаи «Сохтмон ва муҷаҳҳазгардонии як қатор мактабҳои миёна, марҳалаи 4» миёни Ҳукумати Тоҷикистон ва Сандуқи Рушди Саудӣ
18518979_1463220237061632_38806735_oДар Ҷидда Созишномаи қарзӣ барои татбиқи лоиҳаи «Сохтмони роҳи мошингузари Кӯлоб- Қаълаихумб, минтақаҳои A ва F» ба имзо расид
Ш. Зухуров ва Пан ЮнхеМубодилаи мол байни Тоҷикистону Чин дар соли 2020 ба 3 миллиард доллар расонида хоҳад шуд
DSC_0381+Дар «Кохи Борбад» намоиш-фурӯши маҳсулоти ширкатҳои ватанӣ доир шуд
БМБонки миллӣ фаъолияти ташкилотҳои қарзии «Асрина» ва «Армон»-ро қатъ гардонид
????????????????????????????????????Баррасии дурнамои рушди бозори байнибонкӣ дар Тоҷикистон
????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон