Баррасии вазъ, тамоюл ва чолиш дар фаъолияти соҳибкорӣ

Ноябр 30, 2016 11:26

Хабарҳои мавзӯъ

dsc_0637Душанбе, 30.11.2016. /АМИТ «Ховар»/. «Сиёсати сармоягузории Тоҷикистон: вазъ ва дурнамо»-таҳти чунин унвон имрӯз дар Маркази тадқиқоти стратегии назди Президенти Ҷумҳурии Тоҷикистон Симпозиуми илмию амалии ҷумҳуриявӣ ба кори худ оғоз кард.
«Мақсад аз ҳамоиш мусоидат ба такмили ҳамгироии фаъолияти мақомоти давлатӣ, соҳибкорӣ ва ҷомеаи шаҳрвандӣ дар таъмини рушди устувори Тоҷикистон, ташкили муҳокимаҳои созанда ва мубодилаи афкор доир ба имконияту маҳдудиятҳои таъмини рушди сармоявии иқтисод буда, дастгирии пешниҳоду иқдомҳоест, ки ба таъмини самаранокии ҷараёни ислоҳоти иқтисодӣ дар доираи сиёсати сармоягузорӣ ва ҳамгироиҳои он бо афзалиятҳои соҳавию минтақавӣ мусоидат менамоянд»,-иттилоъ доданд аз Маркази тадқиқоти стратегӣ .
Сайфулло Сафаров, муовини аввали директори МТС иброз дошт, ки фазои сармоягузории Тоҷикистон дар солҳои охир беҳтар гашта бошад ҳам, то ҳол дар ин самт мушкилиҳо мавҷуданд. «Имрӯз мо зимни симпозиум тамоми монеаҳоро дар ин самт муҳокима хоҳем намуд. Дар доираи барномаи имрӯза иштирокчиён бисёр масъалаҳои ҷиддӣ ва ояндадорро мавриди таҳлил қарор медиҳанд»,-зикр намуд С.Сафаров.
Гулбаҳор Назирӣ, вакили МН МО ҶТ, узви кумитаи иқтисод ва молия илова намуд, ки соли равон бо мақсади таъмини иҷрои супоришҳои Президенти кишвар Эмомалӣ Раҳмон Қонуни ҶТ «Дар бораи сармоягузорӣ» дар таҳрири нав қабул гардид. «Ҳадаф аз қабули ин санадҳо беҳтар гардонидани фазои сармоягузорӣ, ҳавасмандгардонии сармоягузорон барои фаъолият дар кишвар, содда, возеҳ ва ба талаботи замон мутобиқ гардонидани заминаи ҳуқуқии соҳа мебошад. Қонунгузории мамлакат баробарҳуқуқии сармоягузорони ватанию хориҷиро таъмин менамояд. Дар ин маврид танзими қонунгузорӣ вобаста ба савдои берунии сармоягузорӣ, инчунин коҳиш додани боҷи гумрукӣ имкон дод, ки Тоҷикистон ҳамчун узви қомилҳуқуқии Ташкилоти умумиҷаҳонии савдо баромад намояд»,-афзуд Гулбаҳор Назирӣ.

Дар Симпозиуми илмию амалии ҷумҳуриявӣ масъалаҳои вазъи фазои сармоягузорӣ дар Ҷумҳурии Тоҷикистон, омилҳои сохтории рушди сармоявии иқтисод, тамоюлҳо дар сиёсати сармоягузорӣ, дастгирии ҳуқуқии ҷалби сармоя, сифати ниҳодҳои рушд ва фаъолияти сармоягузорӣ, афзалиятҳо дар сармоягузорӣ, имкониятҳои рушди саноатии Тоҷикистон, вазъ, тамоюл ва чолиш дар фаъолияти соҳибкорӣ ва ғайра баррасӣ мешаванд.
Дар кори симпозиум роҳбарони вазорату сохторҳои идоракунии давлатӣ, ташкилотҳои байналмилалӣ ва ғайридавлатӣ, марказҳову пажўҳишгоҳҳои илмию тадқиқотӣ, муассисаҳои таълимии олӣ ва намояндагони васоити ахбори оммаи ватанию хориҷӣ иштирок доранд.

Ноябр 30, 2016 11:26

Хабарҳои дигари ин бахш

Хилоли ахмарМоҳвораи Ҳилоли аҳмари Тоҷикистон бо баргузории ҳамоиш ҷамъбаст гардид
MNK_7952 - копияШайх Абдулло бин Зойид Оли Наҳён: «Аморот ҳамкории бисёрҷонибаро бо Тоҷикистон густариш хоҳад дод»
Обзор«Ошноиро зи об омӯхтем»-шарҳи матбуот
Чашни ВахдатТаҷлили Рӯзи ҷавонон ва 20-умин солгарди Ваҳдати миллӣ дар Теҳрон
бмтБонки миллии Тоҷикистон бо мақсади пешгирии хавфҳои эҳтимолӣ ва баланд бардоштани эътимоди аҳолӣ ба пули миллӣ тадбирҳои зарурӣ меандешад
es-pomozhet-tadzhikistanu-provesti-pensionnuyu-reformu_1Кумаки техникии Иттиҳоди Аврупо барои дастгирии ислоҳоти нафақа дар Тоҷикистон
Намоиши Суратхои Навруз Саидов (1)Асо ҳам як замоне шохаи сабз будааст. Намоиши аксҳо бахшида ба Рӯзи ҳифзи муҳити зист
НоракДар Норак бо мақсади баланд бардоштани маърифати ҳуқуқии шаҳрвандон ва ҳимояи ҳуқуқҳои аҳолӣ семинар доир гардид
Кудакон25 май-Рўзи умумиҷаҳонии кўдакони гумгашта: бемасъулиятии волидайн омили асосии бедарак гаштани кӯдакон мешавад
IMG_0008Китобҳои арзишманди Пешвои миллат метавонанд дар ташаккули афкори ҷавонон нақши муассир гузоранд
Дар ноҳияи Дарвоз Маркази нави хизматрасонии муштариён (1)Дар ноҳияи Дарвоз Маркази нави хизматрасонии муштариён ба фаъолият оғоз намуд
Имзои лоихаи СозишномаИмзои Созишнома оид ба пешниҳоди таҷҳизот барои бартараф намудани оқибатҳои офати табиӣ