Дар Душанбе рушди муносибатҳои иқтисодии Тоҷикистон ва Арабистони Саудиро баррасӣ карданд

Ноябрь 30, 2016 15:55, 350 хонанда

Хабарҳои мавзӯъ

Парчами Точикистону Арабистони Сауди

Душанбе, 30.11.2016 /АМИТ «Ховар»/. Рушди муносибатҳои иқтисодӣ, мулоқоти дуҷонибаи соҳибкорон ва намоишҳо бо иштироки доираҳои соҳибкории Арабистони Саудӣ дар Душанберо раиси Палатаи савдо ва саноати Ҷумҳурии Тоҷикистон Шариф Саид ва Сафири Фавқулода ва Мухтори Мамлакати Арабистони Саудӣ дар Тоҷикистон Абдулазиз ибни Муҳаммад ал-Бодӣ баррасӣ карданд. Дар ин бора аз Палатаи савдо ва саноати Ҷумҳурии Тоҷикистон /ПСС ҶТ/ ба АМИТ «Ховар» иттилоъ доданд.
«Зимни мулоқоти ҷонибҳо доир ба дурнамои рушди ҳамкориҳои дуҷониба дар соҳаҳои тиҷорату иқтисод ва сармоягузорӣ табодули афкори созанда сурат гирифт», — омадааст дар хабарномаи ПСС ҶТ.
Бино ба иттилои манбаъ, раиси Палатаи савдо ва саноат Шариф Саид доираҳои соҳибкории Арабистони Саудиро барои иштирок дар кори намоишҳо-ярмаркаҳои универсалии байналмилалии «Тоҷикистон», ки рӯзҳои 24-26 декабри соли 2016 дар шаҳри Душанбе дар МД «Кохи Борбад» баргузор мегардад, даъват кардааст.
Ба гуфтаи Шариф Саид, чорабиниҳои намоишӣ дар барқарор ва таҳкими муносибатҳои тиҷоративу иқтисодӣ, пайдо кардани шарикони тиҷоратӣ, бастани шартномаҳои мутақобилан судманд, лоиҳаҳои муштараки сармоягузорӣ ва содироту воридоти маҳсулоти гуногун мусоидат хоҳанд кард.

Ноябрь 30, 2016 15:55, 350 хонанда

Хабарҳои дигари ин бахш

Сарвазир1Масоили марбут ба ҳамкории байниҳукуматии Тоҷикистону Россия дар соҳаи кишоварзӣ дар Душанбе баррасӣ гардид
ЗаминчунбиДар Душанбе қувваи зилзила 2-3 баллро ташкил дод
СухторДар бинои «Амонатбонк» сӯхтор ба амал омад
yyДар шаҳри Норак бахшида ба Рӯзи байналмилалии забони модарӣ семинар доир шуд
нихолДар ноҳияи Турсунзода маъракаи ниҳолшинонӣ вусъати тоза мегирад
КАЪЛАИ ХИСОР (3)«Қасри ҳоким» -и Ҳисор- мавзеи дӯстдоштаи сайёҳон
Дар ноҳияи Файзобод мусобиқаи «Сарбози ватан» баргузор гардид 1Дар ноҳияи Файзобод мусобиқаи «Сарбози ватан» баргузор гардид
Пагоҳ маросими ҷоизасупорӣ ба хотири саҳмгузорӣ дар рушди сайёҳӣ дар Тоҷикистон доир мегардадДар Душанбе ба хотири саҳмгузорӣ дар рушди сайёҳӣ маросими ҷоизасупорӣ доир мегардад
рузи забон. Донишгох«Забон-оинаи тақдири миллат»-ҳамоиш ба муносибати Рӯзи байналмилалии забони модарӣ
Дар Коллеҷи милитсияи шаҳри Кӯлоб ҳамоиши «Ҷавонон - муҳофизони боэътимоди Ватан» доир шуд 2Дар Коллеҷи милитсияи шаҳри Кӯлоб ҳамоиши «Ҷавонон — муҳофизони боэътимоди Ватан» доир шуд
Шариф Комилзода: «Артиши миллии Тоҷикистон дар 24 соли фаъолияташ рисолати бузурги хешро содиқона анҷом дод»
Сафорати Араб.Саудй. МЧС (1)Бо сармояи Арабистони Саудӣ дар Душанбе Маркази омӯзишӣ сохта мешавад