Конфронс: «Устод Шакурӣ ва истилоҳнигории тоҷикӣ дар даврони Истиқлол»

Ноябр 4, 2016 15:41

Хабарҳои мавзӯъ

muhammadzhon-shakuriДушанбе, 04.11.2016 /АМИТ «Ховар»/. Имрӯз бахшида ба 90-солагии узви пайвастаи АИ ҶТ донишманди маъруф Муҳаммадҷони Шакурӣ дар Институти забон, адабиёт, шарқшиносӣ ва мероси хаттии ба номи Рӯдакии АИ ҶТ дар мавзӯи «Устод Шакурӣ ва истилоҳнигории тоҷикӣ дар даврони Истиқлол» конфронси илмӣ доир гардид.
Сахидод Раҳматуллозода, директори Институти забон, адабиёт, шарқшиносӣ ва мероси хаттии ба номи Рӯдакии АИ ҶТ дар оғози конфронс иброз намуд, ки «саҳми академик М. Шакурӣ на танҳо дар рушди адабиётшиносии муосир, балки дар пешрафти илму маърифати халқи тоҷик хеле калон аст».
Ноиби президенти Академияи илмҳои ҶТ Кароматулло Олимов чунин ибрози андеша кард: «Устод М. Шакурӣ яке аз давомдиҳандагони кори пурарзиши гузаштагони мо буда, гузаштаи классики моро бо замони муосир пайванди ногусастанӣ доданд. Ин шахсият махсусан дар соҳаи ҷомеашиносӣ, адабиётшиносӣ, забоншиносӣ ва истилоҳшиносӣ хизмати бузургро ба ҷо оварданд, ки шоистаи таҳсин аст».
Дар конфронс аз ҷониби олимон дар мавзӯъҳои «Муҳаммадҷони Шакурӣ дар масири илму эҷод», «Нигоҳе чанд оид ба як хонадони фарҳангии тоҷик», «Саҳми академик Муҳаммадҷони Шакурии Бухороӣ дар рушди адабиётшиносии муосири тоҷик» маърӯзаҳо шунида шуданд.
Зимни ироаи маърӯзаҳо зикр гардид, ки Устод Шакурӣ дар мақоми давлатӣ гирифтани забони тоҷикӣ, ба тасвиб расидани Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» саҳми босазо гузошта, барои амалӣ гаштани он як силсила мақолаҳо, аз ҷумла «Забони миллӣ ғамхории махсус хоҳон аст», «Ҳар кас ба забони хеш дармонад» ва рисолаҳои «Хуросон аст ин ҷо», «Инсонгароии омӯзиш ва забони миллӣ», «Сарнавишти форсии тоҷикии Фароруд дар садаи бист», «Забони миллӣ ва ҷаҳонгароӣ» навишт, ки фуровардҳои забон дар асри бистум, амалкарди забони давлатӣ дар низоми таҳсилот, фазои фарҳангию иттилоотӣ, вазъи забонро дар фарҳанги миллӣ дар даврони ҷаҳонгароӣ баррасӣ мекунанд.
dsc_0847Устод Шакурӣ ҳамзамон муаллифи барномаву китобҳои дарсӣ буда, дар тайёр кардани кадрҳои илмӣ саҳмгузор аст. Соҳиби мақолаҳо дар донишномаҳои миллӣ буда, як қисм осораш ба забонҳои русӣ, англисӣ тарҷума шуда, дар Теҳрону Тоҷикистон ба хати форсӣ низ таҳия шудаанд. Устод Шакурӣ узви Иттифоқи нависандагони Иттиҳоди шӯравӣ (1956), узви шӯроҳои зиёди адабиётшиносию илмии собиқ Иттиҳоди шӯравӣ, созмонҳои байналмилалии мунаққидони адабӣ, узви кумитаҳои мукофотҳои давлатии ба номи Абӯабдуллоҳи Рӯдакӣ ва Абӯалӣ ибни Сино, узви ҳайати таҳририяи «Таърихи тамаддуни Осиёи Марказӣ (нашри ЮНЕСКО) буда, дар вазифаҳои раиси Шӯрои ҳамоҳангсозии танқиди адабию бадеӣ дар ҳузури Президиуми АИ ҶТ, муовини раиси Шӯрои махсуси ҳимояи рисолаҳои докторӣ дар назди Институти забон ва адабиёт, шарқшиносӣ ва мероси хаттии ба номи Рӯдакӣ кор кардааст.
Бо китобҳои пурарзиш ӯ соҳиби ҷоизаҳои адабию илмии ба номи Рӯдакӣ ва Ибни Сино гардидааст.

Ноябр 4, 2016 15:41

Хабарҳои дигари ин бахш

тф -1Фарҳанг ҳастии миллат аст. Аз солрӯзи ҳунарманди мумтози тоҷик Туҳфа Фозилова сад сол сипарӣ гардид
????????????????????????????????????Нашри китоби нав ба ифтихори 100-солагии нобиғаи санъати тоҷик Туҳфа Фозилова
Фехристи номхоБа Феҳристи номҳои миллии тоҷикӣ беҳтарин номҳо ворид шудаанд
Конфронси Тухфа Фозилова (8)Ҳамоиши байналмилалӣ ба ифтихори 100-солагии Ҳунарманди халқии Иттиҳоди Шӯравӣ Туҳфа Фозилова
Парасту 2017Фестивал-озмуни «Парасту-2017» ба 100-солагии Тӯҳфа Фозилова бахшида мешавад
17952024_1953005378254076_5078309082709608086_nДар шаҳри Берлин шоми фарҳанги тоҷик доир гардид
v farhangШамсиддин Орумбекзода: «Дари Тоҷикистон барои муносибатҳои фарҳангӣ бо дигар кишварҳо ҳамеша боз аст»
Дар Париж бахшида ба 20-солагии Вахдати милли намоишгохи тасвирхо баргузор гардидДар Париж бахшида ба 20-солагии Ваҳдати миллӣ намоиши тасвирҳо баргузор гардид
мучассамаи абармардони миллати точикДар саҳни бинои СММ дар Вена муҷассамаи донишмандони бузурги тоҷик гузошта шуд
DSC_0232+Маҳфили адабӣ ва рӯнамоии китобҳои нави Абдураҳмони Абдуманнон дар Хонаи адибон
Волос АндрейТоҷикистон ба харитаи адабии ҷаҳон шомил шуд
Китоби «Варзиш - соҳаи мавриди назари Пешвои миллат Эмомалӣ Раҳмон» аз чоп баромадКитоби «Варзиш-соҳаи мавриди назари Пешвои миллат Эмомалӣ Раҳмон» ба нашр расид