Шариф Саид ҷомеаи соҳибкории Покистонро барои иштирок дар намоишгоҳи байналмилалии «Тоҷикистон» даъват кард

Ноябрь 29, 2016 10:24

Душанбе, 29.11.2016 /АМИТ «Ховар»/. Дирӯз раиси Палатаи савдо ва саноати Ҷумҳурии Тоҷикистон Шариф Саид Сафири Фавқулода ва Мухтори Ҷумҳурии Исломии Покистон Тариқ Иқбол Сомроро ба ҳузур пазируфт.
Тавре аз маркази матбуоти ин ниҳод хабар доданд, дар вохӯрӣ ҷонибҳо масоили рушди ҳамкории равобити иқтисодию тиҷоратии дуҷонибаи Тоҷикистону Покистон ва гузаронидани намоишҳои дуҷонибаро баррасӣ намуданд.
«Миёни Тоҷикистон ва Покистон нуқтаҳои муштарак барои ҳамкории мутақобила зиёданд. Ин имкон медиҳад, то байни ду кишвар лоиҳаҳои нави содиротиву сармоягузорӣ рушд ёбанд»,-зикр намуд Шариф Саид.
Раиси Палатаи савдо ва саноати Ҷумҳурии Тоҷикистон пешниҳод намуд, ки дар Душанбе дар доираи ҳамкории корӣ намоиши навбатии маҳсулоти покистонӣ ва форуми тиҷоратии Тоҷикистону Покистон гузаронида шавад. Дар ҷамъбасти мулоқот Шариф Саид изҳори умедворӣ намуда, барои густариши минбаъда ва рушди ҳамкории Тоҷикистону Покистон ҷомеаи соҳибкории Покистонро ҷиҳати иштирок дар Конфронси байналмилалии намоишгоҳ-ярмаркаи «Тоҷикистон», ки 24- 26 декабри соли равон дар Маҷмааи давлатии «Кохи Борбад»-и шаҳри Душанбе баргузор мегардад, дават намуд.

Ноябрь 29, 2016 10:24

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт