«Асрори азалро на ту дониву на ман…»- намоиши асарҳои рассом Далер Миҳтоҷов

Декабр 19, 2016 16:30

Хабарҳои мавзӯъ

dsc_0160

ДУШАНБЕ, 19.12.2016 /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон ва 80-солагии Коллеҷи ҷумҳуриявии рассомии ба номи М. Олимов панҷумин намоиши асарҳои тозаэҷоди рассоми муваффақи тоҷик Далер Миҳтоҷов дар Осорхонаи миллии Тоҷикистон ифтитоҳ гардид. Дар расми ифтитоҳи намоиш Рассоми Халқии Тоҷикистон Сабзалӣ Муродзода зикр кард, ки «бо ба даст овардани истиқлолияти давлатӣ барои рассомон дар мамлакат майдони фарохи эҷодӣ муҳайё шуд. Сокинон ва меҳмонони кишвар бо офаридаҳои онҳо шинос шуда, таассуроти хешро нисбат ба зебоиҳои дунёи инсон ва табиат бою ғанӣ мегардонанд».
Дар намоиш ҳамчунин таъкид гардид, ки асоси офаридаҳои ин рассом аз эҷодиёти шоирони классики тоҷику форс сарчашма гирифта, дар онҳо муаммоҳои имрӯзаи ҷомеа тасвир ёфтаанд, ки бешубҳа, арзиши баланди тарбиявӣ доранд.
Дар намоиш, ки таҳти унвони «Гулбоғи Хайём» доир гардид, асарҳои нави рассом бо илҳом аз эҷодиёти Умари Хайём пешниҳоди дӯстдорони санъат гардиданд. Инчунин асарҳои эҷоднамудаи рассомон ва донишҷӯёни Коллеҷи ҷумҳуриявии рассомии ба номи М. Олимов дар зери рубоии машҳури Хайём-«Асрори азалро на ту дониву на ман…» ба маъраз гузошта шуданд.
Меҳмонони зиёд аз асарҳои офаридаи ин ҳунарманди соҳибистеъдод дидан карда, ба онҳо баҳои баланд доданд. Тавре мушоҳида шуд, дар асарҳои ин марди ҳунар бештар паҳлӯҳои зиндагии ҳаррӯзаи мардум, ки одамон ҳамарӯза бо он рӯ ба рӯ мешаванд, инъикос ёфта, ҷанбаҳои гуногунро дар бар мегиранд. Тамошобинон аз дидани ҳар як асари офаридаи мавсуф як ҷаҳон баҳра гирифтанд.
Ҷонибек Асрориён, фарҳангшинос аз тамошои ин намоиш таассуроташро чунин баён намуд: «Дар бештари асарҳои ин рассом тақдири имрӯза ва ояндаи инсоният тавассути рангҳо ифода меёбад ва некию бадӣ дар маркази тасвирҳои нозук қарор мегиранд. Дар як тасвири рассом дидам, ки кӯзае дар берун асту кӯзае даруни қафас, ки ин андешаи ғуломонаро маҳкум мекунад. Дар маҷмӯъ Далер Миҳтоҷов ҳикмати фалсафии Хайёмро дар як намунаи ҳунари миллӣ хеле хуб кушодааст».
Ин ҳунарманд дар тасвирҳои ҷолиби хеш инсонро ба некиву накӯкорӣ, хайру саховат ва нангу номус даъват менамояд. Мазмуну мундариҷаи асарҳояшро масъалаҳои муҳими рӯз, аз қабили нафрат ба ҷанг, таҳаммулгароӣ ва тараҳҳум ба инсон, сулҳу субот ва дӯстиву ҳамкорӣ ташкил медиҳанд.
Аз интихоби рангҳо бармеояд, ки рассом тарғибгари сулҳу субот ва ваҳдати комили инсонҳо мебошад.

Декабр 19, 2016 16:30

Хабарҳои дигари ин бахш

Малика собироваШамсиддин Орумбекзода: «Малика Собирова чун ситораи нотакрори рақси классикӣ ва балет дар қалби мухлисони ҳунар боқӣ мемонад»
Шабе дар Осорхона---- (8)«Шабе дар осорхона» фарогири ҳунарҳои дастии мардумӣ, рассомӣ, намоиши либосҳои арӯсӣ ва аксҳои беҳтарин буд
Дир Осорхона18 май-Рӯзи умумиҷаҳонии осорхонаҳо: иқдоми «Шабе дар осорхона» ба ин сана бахшида шудааст
Шашмаком7Имрӯз-Рӯзи Шашмақом: ба санъати бузург дар Тоҷикистон таваҷҷуҳи хосса зоҳир мешавад
Китоби Рамазон Абдулатипов (2)Дар Китобхонаи миллии Тоҷикистон «Халқи тоҷики ман»-и Рамазон Абдулатипов муаррифӣ гардид
Кушодашавии Рузхои Фарханги Узбекистон.Холиса (1)Эҳсоси шоми мусаффо ва дӯстӣ зимни ифтитоҳи маросими ботантанаи Рӯзҳои фарҳанги Ӯзбекистон дар Тоҷикистон
Хощим Г-2Ҳошим Гадо-«Рӯдакӣ», «Сино» ва «Суҳроб»-и саҳнаи тоҷик аст!
DSC_0795Шамсиддин Орумбекзода: «Рӯзҳои фарҳангии мардумони тоҷику ӯзбек барои ҳамкории зичи ҳунармандон роҳи бузург мекушоянд»
Ҳайати расмӣ ва эҷодии Ҷумҳурии Ӯзбекистон ба Тоҷикистон омадандШоми имрӯз дар Душанбе Рӯзҳои фарҳанги Ҷумҳурии Ӯзбекистон расман оғоз меёбанд
Юлдуз Усманова-0«Бозгашти ошно»: Юлдуз Усмонова ба Тоҷикистон меояд
Ота ФильмРӯзҳои фарҳанги Ӯзбекистон дар Душанбе бо намоиши аккосии «Ӯзбекистони муосир» оғоз меёбанд
хоби хамдуна«Хоби ҳамдуна»- и Румӣ Шоазимов дар Кинофестивали 23-юми Россия «Адабиёт ва синамо» соҳиби мукофот гардид