Эмомалӣ Раҳмон: «Ҳадафҳои аслии сиёсати хориҷии Ҷумҳурии Тоҷикистон ба ҳифзи манфиатҳои миллӣ нигаронида шудаанд»

Декабрь 22, 2016 14:53, 441 хонанда

Хабарҳои мавзӯъ

31761223276_35d646b9a7_z

ДУШАНБЕ, 22.12.2016 /АМИТ «Ховар»/. Сарвари давлати тоҷикон муҳтарам Эмомалӣ Раҳмон дар Паёми худ ба Маҷлиси Олӣ оид ба самтҳои асосии сиёсати хориҷии мамлакат зикр кард: «Ташаккул ва татбиқи сиёсати хориҷӣ, ки меҳвари онро сиёсати «дарҳои кушода» ташкил медиҳад, яке аз дастовардҳои бузурги давлати миллии мо дар замони соҳибистиқлолӣ ба шумор меравад.
Ба шарофати сиёсати хориҷии мутавозин дар ин давра Тоҷикистони мо дар арсаи байналмилалӣ мавқеи шоистаи худро пайдо намуда, муносибат ва ҳамкории гуногунҷанбаро бо кишварҳои дунё, созмонҳои байналмилаливу минтақавӣ ва ниҳодҳои байналмилалии молиявӣ ба роҳ монд».
Ҳамзамон Асосгузори сулҳу Ваҳдати миллӣ Пешвои миллат таъкид карданд: «Ҳадафҳои аслии сиёсати хориҷии Ҷумҳурии Тоҷикистон ҳамоно бетағйир монда, ба ҳифзи манфиатҳои миллӣ дар арсаи байналмилалӣ, фароҳам овардани шароити мусоиди берунӣ барои рушди устувори мамлакат ва мусоидат ба таҳкими пояҳои истиқлолу соҳибихтиёрии давлатии Тоҷикистон нигаронида шудаанд.
Дар ин замина мусоидат ба эҷоди фазои эътимоду амният атрофи кишвар аз роҳи густариш ва таҳкими муносибатҳои неки ҳамсоягӣ бо ҳамаи мамлакатҳои ҳамҷавор бо истифода аз василаҳои сиёсиву дипломатӣ, саъю талоши пайваста ҷиҳати ҳалли саривақтии масоили мубрами минтақа дар сархати сиёсати хориҷии давлати мо қарор хоҳад дошт».
Вобаста ба муносибат бо кишварҳои минтақа ва ҷаҳон зикр карда шуд, ки: «Тоҷикистон муносибатҳои дӯстӣ ва ҳамкории гуногунҷанбаи судмандро бо тамоми кишварҳои дунё ба роҳ монда, робитаҳои созандаи дӯстонаро бар пояи эҳтироми ҳамдигар ва баробарӣ густариш медиҳад».
Хотиррасон мешавем, ки имрӯз дар ҷаласаи чоруми муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон Паёми Президенти Ҷумҳурии Тоҷикистон Эмомалӣ Раҳмон ба Парлумони кишвар, ки фарогири самтҳои асосии сиёсати дохилӣ ва хориҷии Ҷумҳурии Тоҷикистон мебошад, ироа гардид.

Декабрь 22, 2016 14:53, 441 хонанда

Хабарҳои дигари ин бахш

МИДШарҳи Вазорати корҳои хориҷии Ҷумҳурии Тоҷикистон оид ба изҳороти мансабдорони афғон
_s7a1837Сироҷидин Аслов бо Элизабет Миллард сатҳи кунунии муносибатҳои Тоҷикистону ИМА-ро баррасӣ карданд
ЧинКонфронси илмӣ бахшида ба 25-солагии барқароршавии робитаҳои дипломатӣ миёни Тоҷикистон ва Чин
tadzh-kitajҶаласаи якуми Комиссияи муштараки Тоҷикистону Хитой оид ба сарҳади давлатӣ
sirodzhidin-aslov-brifingСироҷидин Аслов ба намояндагони корпуси дипломатӣ ва ВАО оид ба қабули Қатъномаи МУ СММ Даҳсолаи байналмилалии амал «Об барои рушди устувор» маълумот дод
dsc_0480Дар Душанбе ҷаласаи Комиссияи байниҳукуматии Ҷумҳурии Тоҷикистон ва Ҷумҳурии Ӯзбекистон оид ба ҳамкории тиҷоратию иқтисодӣ баргузор гардид
МИДТоҷикистон аз 1 январи соли 2017 низоми нави электронии барасмиятдарорӣ ва судури раводидро ҷорӣ менамояд
Вазири корҳои хориҷӣ дар ҳошияи иҷлосияи вазирони САҲА чандин мулоқоти дуҷониба анҷом дод
nahustin-mashvarathoi-siyosii-tochikisonu-fransiyaНахустин машваратҳои сиёсии Тоҷикистону Франсия дар Париж баргузор гардиданд
csto-meetingШиркати С. Аслов дар мулоқоти кории вазирони кишварҳои узви СААД дар Ҳамбург
aslov-steinmeierМулоқоти вазирони корҳои хориҷии Тоҷикистону Олмон
c5-1Ширкати Вазири корҳои хориҷии Тоҷикистон дар мулоқоти вазирони С5+1