Лутфулло Давлатзода: «Соли 2016 барои театр соли пурфайз буд»

Декабр 31, 2016 11:08

Хабарҳои мавзӯъ

davlatzoda-lutfulloДУШАНБЕ, 31.12.2016 /АМИТ «Ховар»/.  Соли 2016 Театри давлатии академии драмавии ба номи А. Лоҳутӣ 6 намоиш  таҳия  намуда, манзури  тамошобинон гардонид, ки  дар таърихи  театр  воқеаи  хотирмон арзёбӣ мегардад.  Дар ин бора директори Театри давлатии академии драмавии ба номи А. Лоҳутӣ Лутфулло Давлатзода ба хабарнигори АМИТ «Ховар» иттилоъ дод.

Дар ин муддат        намоишҳои «Найи сеҳрнок»-и Ф. Тошмуҳаммадов, «Хандаи  харчанг»-и  Ҷ. Марелл, «Чархи гардон»-и Н. Табаров, «Чодари найранг»-и Т. Аҳмадхонов, «Пизишки паррон»-и Ж. Б. Молйер, «Аёдат»-и Ҳ. Раҳмат, «Муҳаббат»-и М. Ш. Сайфиддиновҳо,  «Занги бемаҳал»-и А. Ҳамдам   ва  намоиш барои кӯдакон «Буратино ва Гарри Поттер»   ба тамошобинон  манзур  шуданд.

Ба андешаи Л. Давлатзода, воқеаи дигаре, ки дар ин сол дар ёди мо нақш баст, ин сафари ҳунармандони театр ба шаҳру ноҳияҳои вилоятҳои Хатлон, Суғд, Бадахшон, Рашт, Тоҷикобод ва Нуробод мебошад, ки ба натиҷаҳои  судманду  пурсамар  хотима ёфт. Меҳнаткашону  сокинони ин минтақаҳо   аз ҳунарнамоии ҳунарпешаҳои  маъруфи театри тоҷик  ва ҷавонони эҷодкори он таассуроти  амиқ бардошта, ғановати зиёди маънавӣ ҳосил намуданд. Аз ҷониби онҳо таъкид гардид, ки  ҷавҳари маънавию тарбиявии намоишҳои театр  ба мардум дар  ҷодаи худшиносиву  ифтихори миллӣ, ахлоқу одоби ҳамида, баланд бардоштани фарҳангу  маърифати эшон муфид аст.

Ҳамчунин  ду намоиши ғайринақшавӣ  «Санам ва Ғулом»-и Н. Абдулло аз рӯи «Эзоп»-и Г. Фигерейдо дар таҳияи Н. Абдуллоев  ва моноспектакли «Қайдҳои як марди девона»-и Н.В. Гогол дар таҳия ва иҷрои Қ. Собир, ки ҳунармандони  театр  мустақилона  рӯи саҳна оварданд, аз ҷониби Шӯрои бадеии Вазорати фарҳанги Ҷумҳурии Тоҷикистон  ва Шӯрои бадеии театр баҳои баланд гирифтанд.

Л. Давлатзода изҳор дошт ки театр, ки воситаи пуриқтидори таъсиррасонӣ ба тафаккури инсон маҳсуб мешавад, дар тарбияи худшиносӣ, ҳисси миллии мардум, махсусан ҷавонон нақши муҳим бозида, дар ташаккули маънавии аҳли ҷомеа, шинохти рисолати таърихӣ ва густариши эҳсоси ватандорӣ таъсири амиқ ва арзишманд дорад.

Зеро рӯйдодҳои зиндагиро дар саҳна дида, тамошобин хаёлан худро ба қаҳрамонҳои мусбат монанд мекунад ва бо ҳамин роҳ олами ботинии хешро тарбият мебахшад ва ҳамзамон ба кирдори қаҳрамонҳои манфӣ нафрат пайдо мекунад.

Театр ва дар маҷмӯъ фарҳанг дар ҳама давру замон таҷассумгари ҳувияти миллист. Маҳз фарҳанг, забон ва анъанаву суннатҳои нек асолати миллиро пойдору устувор нигоҳ медоранд.

Ба ақидаи Л. Давлатзода, имрӯз ҳар як ҳунарманд ва ҳар як коргардону драматург бояд талош варзад, ки фарҳанги миллиро бо тамоми ҷузъиёташ ҳифз карда, густариш диҳад, онро ба ҷаҳониён муаррифӣ намояд ва ҳамчун сарвати бебаҳои миллӣ барои наслҳои оянда ба мерос гузорад. Ин рисолати ҳар фарди соҳибватан, аз ҷумла аҳли фарҳангу ҳунар мебошад.

Театри ба номи А. Лоҳутӣ чун ҳамеша дар татбиқи сиёсати фарҳангии Ҷумҳурии Тоҷикистон, Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешоҳанг буда,  ва ифтихору обрӯву мақоми хешро чун тарбиятгари маънавии ҷомеа  пайваста баланд мебардорад.

«Боварӣ дорам, ки соли 2017 низ бо таҷлили шоиста аз солгарди 20-уми Рӯзи Ваҳдати миллии Тоҷикистон, таҳкими сулҳу субот, дӯстию бародарӣ ва пешрафту шукуфоии Ватани биҳиштосои мо дар таърихи муосири давлатсозии миллати сарфарози тоҷик нақши намоёну арзанда хоҳад дошт. Бошад, ки мову шумо низ дар пойдору устувор гардондани асосҳои давлати ҷавони Тоҷикистон, амалӣ намудани ормонҳои волои ватандорию давлатсолории миллӣ ва татбиқи босамари раҳнамоиҳои Пешвои миллат саҳми шоиста дошта бошем»,-илова намуд Лутфулло Давлатзода.

Мавҷуда АНВАРӢ

 

 

Декабр 31, 2016 11:08

Хабарҳои дигари ин бахш

Намоиши Суратхои Навруз Саидов (1)Асо ҳам як замоне шохаи сабз будааст. Намоиши аксҳо бахшида ба Рӯзи ҳифзи муҳити зист
Малика собироваШамсиддин Орумбекзода: «Малика Собирова чун ситораи нотакрори рақси классикӣ ва балет дар қалби мухлисони ҳунар боқӣ мемонад»
Шабе дар Осорхона---- (8)«Шабе дар осорхона» фарогири ҳунарҳои дастии мардумӣ, рассомӣ, намоиши либосҳои арӯсӣ ва аксҳои беҳтарин буд
Дир Осорхона18 май-Рӯзи умумиҷаҳонии осорхонаҳо: иқдоми «Шабе дар осорхона» ба ин сана бахшида шудааст
Шашмаком7Имрӯз-Рӯзи Шашмақом: ба санъати бузург дар Тоҷикистон таваҷҷуҳи хосса зоҳир мешавад
Китоби Рамазон Абдулатипов (2)Дар Китобхонаи миллии Тоҷикистон «Халқи тоҷики ман»-и Рамазон Абдулатипов муаррифӣ гардид
Кушодашавии Рузхои Фарханги Узбекистон.Холиса (1)Эҳсоси шоми мусаффо ва дӯстӣ зимни ифтитоҳи маросими ботантанаи Рӯзҳои фарҳанги Ӯзбекистон дар Тоҷикистон
Хощим Г-2Ҳошим Гадо-«Рӯдакӣ», «Сино» ва «Суҳроб»-и саҳнаи тоҷик аст!
DSC_0795Шамсиддин Орумбекзода: «Рӯзҳои фарҳангии мардумони тоҷику ӯзбек барои ҳамкории зичи ҳунармандон роҳи бузург мекушоянд»
Ҳайати расмӣ ва эҷодии Ҷумҳурии Ӯзбекистон ба Тоҷикистон омадандШоми имрӯз дар Душанбе Рӯзҳои фарҳанги Ҷумҳурии Ӯзбекистон расман оғоз меёбанд
Юлдуз Усманова-0«Бозгашти ошно»: Юлдуз Усмонова ба Тоҷикистон меояд
Ота ФильмРӯзҳои фарҳанги Ӯзбекистон дар Душанбе бо намоиши аккосии «Ӯзбекистони муосир» оғоз меёбанд