Нақши Созмони Аҳдномаи Амнияти Дастаҷамъӣ (СААД) дар таҳкими суботи минтақа мавриди муҳокима қарор дода шуд

Декабрь 2, 2016 16:42

Душанбе, 02.12.2016 /АМИТ «Ховар»/. Имрӯз дар Маркази тадқиқоти стратегии назди Президенти Ҷумҳурии Тоҷикистон ҷамъомад дар мавзӯи «Нақши СААД доир ба ҳифзи субот дар Осиёи Марказӣ: самтҳои ҳамкорӣ ва дурнамо» баргузор гардид. Дар ҷамъомад намояндагони корпуси дипломатии кишварҳои аъзои СААД (Созмони Аҳдномаи Амнияти Дастаҷамъӣ) дар Ҷумҳурии Тоҷикистон, кормандони вазорату идораҳои дахлдор, коршиносони соҳавии мустақил, инчунин намояндагони ташкилотҳои ҷамъиятӣ иштирок доштанд. Дар ҷараёни муҳокимаи мавзӯъ зикр карда шуд, ки «СААД дар мубориза бар зидди таҳдиду хатарҳои муосир, ба монанди терроризми байналмилалӣ, экстремизми динӣ, қочоқи маводи нашъаовар ва ҷиноятҳои дигари фаромиллӣ нақши муассир дорад».
Шиддатнокии ин таҳдиду хатарҳо дар шаклҳои гуногун имрӯз кишварҳои узви СААДро водор мекунад, ки баҳри маҳви онҳо тадбирҳои саривақтӣ ва муттаҳидона биандешанд.
Таъкид гардид, ки вазъияти ҳарбию сиёсӣ дар ҳамсоякишвари Афғонистон баъд аз фаъолнокии гурӯҳҳои террористӣ дар вилоятҳои шимолии ин кишвар, якбора бадтар шуд. Бинобар ин, бо мақсади тақвияти ҳамкории кишварҳои аъзои СААД дар марҳилаи ҳозира як қатор пешниҳодҳо ироа гардид. Масъалаҳои ҳифзи суботу амният дар ҳудуди СААД, аз ҷумла дар Осиёи Марказӣ, мавриди таваҷҷуҳи хоссаи иштироккунандагони ҷамъомад қарор гирифт.
Ҳамкории мусбати мақомоти ҳифзи ҳуқуқ ва қудратии кишварҳои узви СААД дар шароити ҳозира, махсусан дар самти мубориза бо муомилоти ғайриқонунии маводи нашъаовар алоҳида баррасӣ ва арзёбӣ карда шуд.
Зарурати такмили ҳамкории судманд доир ба табодули иттилоот, тайёр кардани кадрҳо, расонидани кумакҳои техникӣ ба якдигар ва гузаронидани амалиёти муштараки зиддитеррористӣ аз ҷониби иштирокдорон таъкид гардид.

Декабрь 2, 2016 16:42

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад