Нахустин машваратҳои сиёсии Тоҷикистону Франсия дар Париж баргузор гардиданд

Декабрь 9, 2016 13:36

ДУШАНЕБЕ, 09.12.2016. /АМИТ «Ховар»/. Нахустин машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва рушди байналмилалии Ҷумҳурии Франсия 8 декабр дар Париж баргузор гардиданд. Дар ин бора имрӯз ба АМИТ «Ховар» аз Сафорати Ҷумҳурии Тоҷикистон дар Франсия хабар доданд.
«Дар машваратҳо ҷонибҳо оид ба густариши ҳамкории мутақобилан судманд дар самтҳои мавриди таваҷҷуҳи тарафайн, аз ҷумла сиёсат, иқтисоду тиҷорат, обу энергетика, саноат, тандурустӣ, маориф ва сайёҳӣ табодули афкор намуда, дар мавзӯи мубориза бо таҳдидҳои замони муосир гуфтугӯйи судманд анҷом доданд», — гуфта мешавад дар иттилоияи Сафорат.
Бино ба иттилои манбаъ, зимни машваратҳои сиёсӣ ҳамчунин мушорикати Тоҷикистону Франсия дар ҳошияи созмонҳои байналмилалӣ, хусусан СММ баланд арзёбӣ гардидааст.
Тавре дар иттилоия омадааст, ҳарду ҷониб ҳавасмандии амиқро барои густариши минбаъдаи ҳамкорӣ дар самтҳои афзалиятнок баён намудаанд.
Ёдовар мешавем, ки ҳайати Тоҷикистонро муовини Вазири корҳои хориҷӣ Музаффар Ҳусейнзода ва ҳайати Франсияро Директори Департаменти Аврупои континенталӣ хонум Флоранс Манжан роҳбарӣ намуданд. Дар машваратҳо ҳамчунин Сафири фавқулода ва мухтори Ҷумҳурии Тоҷикистон дар Ҷумҳурии Франсия Ҳомидҷон Назаров ва Сафири фавқулода ва мухтори Ҷумҳурии Франсия дар Ҷумҳурии Тоҷикистон хонум Ясмин Гуедар иштирок доштанд.

Декабрь 9, 2016 13:36

Хабарҳои дигари ин бахш

Вакилони гурҷӣ бо кормандони ҷавони низоми хизмати дипломатии Тоҷикистон мулоқот намуданд
Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд