«Оши палав» ба феҳристи ЮНЕСКО расман ворид карда шуд

Декабрь 2, 2016 15:33, 1 477 хонанда

Хабарҳои мавзӯъ

dsc_0636-chojhona-1

Душанбе, 02.12.2016. /АМИТ «Ховар»/. Дар давоми 4 рӯз аз 28 ноябр то 2 декабр дар пойтахти Эфиопия- шаҳри Аддис-Абеба ҷаласаи 11-уми байнидавлатии ЮНЕСКО оид ба ҳифзи мероси фарҳанги ғайримоддӣ баргузор гашт, ки дар он бахшҳои гуногун аз кишварҳои ҷаҳон пешниҳод шуда буданд. Аз ҷониби Ҷумҳурии Тоҷикистон соли 2015 бахшҳои «Оши палав ҳамчун хӯроки анъанавӣ ва фазои иҷтимоию фарҳангии он дар Тоҷикистон» ва «Наврӯз» барои сабт гардидан ба Феҳристи шаклии ЮНЕСКО оид ба фарҳанги ғайримоддӣ пешниҳод гашта буд. Ин бахшҳо аз санҷишу омӯзиши комиссияи мутахассисони ЮНЕСКО гузашта, 30 ноябр дар ин ҷаласаи бонуфуз мавриди баррасӣ қарор гирифтанд ва бо гирифтани аксари овозҳо расман ба Феҳристи репрезентативии ЮНЕСКО оид ба мероси фарҳанги ғайримоддӣ ворид карда шуданд.
Акнун аз номи Ҷумҳурии Тоҷикистон дар ин феҳрист се намунаи фарҳанги ғайримоддӣ сабт шудаанд. Инҳо: «Шашмақом» (соли 2008, ҳамроҳ бо Ӯзбекистон), «Оши палав ҳамчун хӯроки анъанавӣ ва фазои иҷтимоию фарҳангии он дар Тоҷикистон» (2016) ва «Наврӯз» (2016, ҳамроҳ бо Афғонистон, Эрон, Ӯзбекистон, Қазоқистон, Қирғизистон, Озарбойҷон, Ироқ, Покистон, Туркия, Туркманистон ва Ҳиндустон).
Бояд гуфт, ки омода сохтани ҳуҷҷатҳои бахшҳои «Оши палав» ва «Наврӯз» аз ҷониби олимони Пажӯҳишгоҳи илмӣ-тадқиқотии фарҳанг ва иттилоот бо сардории олими шинохтаи тоҷик Дилшод Раҳимов таҳияву тарҷума ва ба дафтари мероси фарҳанги ғайримоддии ЮНЕСКО фиристода шуданд. Аз соли 2013 дар Пажӯҳишгоҳи мазкур гурӯҳи «Мероси фарҳанги ғайримоддӣ» фаъолият мекунад, ки сарвари он Д. Раҳимов мебошад. Дар ин гурӯҳ инчунин Н. Қличева, А. Аминов ва З. Холмуродов шомил буда, аз ҷониби ин гурӯҳ «Феҳристи миллии мероси фарҳанги ғайримоддӣ» тартиб дода шуд, ки он 515 унсури фарҳанги ғайримоддии халқи тоҷикро дар бар мегирад ва соли равон бо забони тоҷикӣ ва англисӣ аз чоп баромадааст.

 

 

Декабрь 2, 2016 15:33, 1 477 хонанда

Хабарҳои дигари ин бахш

Рузи шеър-0021 март – Рӯзи байналмилалии назм: шеър оинаи фазилати миллати мост
Бознашри газалиёти БедилБознашри ғазалиёти Бедил дар Душанбе
Навруз МТС (1)Наврӯз-падидаи фарҳангӣ дар тамаддуни ҷаҳонӣ
Навруз МоскваИмсол Наврӯзро дар Маскав аввали апрел дар ВДНХ ҷашн мегиранд
фестивали боги санъат 2Фестивали «Навниҳолони боғи санъат» кӯдакони боистеъдоди минтақаҳои кишварро ҷамъ овард
МТС-Бедил (2)Осори Бедил ва рушди дипломатияи мардумии фарҳангӣ дар минтақа
Рузи матбуот (8)Маҳмадшариф Бобошозода: «Ҳадафи асосии матбуоти давлативу мустақил софдилона ба манфиати халқу кишвари худ хизмат кардан аст»
Рузи МодарКАМОЛ НАСРУЛЛО: «ШАБ ХАЁЛИ ТУ ЧАРОҒИ РӮИ МИЗАМ, МОДАРАМ…»
Ачоибнома китобхонаи миллиМужда: «Аҷоиб-ул-махлуқот ва ғароиб-ул-мавҷудот»-и Аҳмади Тӯсӣ аз чоп баромад
Мунира Шахиди (10)Мунира Шаҳидӣ: «Фарҳанги тоҷик аз фарҳангҳоест, ки имрӯз таваҷҷуҳи ҷаҳониёнро ба худ ҷалб намудаанд»
Тоҷикистон дар 31-умин Фестивали байналмилалии «Сураҷкунд мела» иштирок карда хунару фарҳанги тоҷикро муаррифӣ намуд 1Дар 31-умин Фестивали байналмилалии «Сураҷкунд мела» ҳунару фарҳанги тоҷикон муаррифӣ гардид
Индия театр-2«Суди девонагон»-и театри Конибодом дар Фестивали байналмилалии Ҳиндустон намоиш дода шуд