Таъмини бехатарии маҳсулоти хўрокворӣ-кафолати саломатӣ

Декабрь 14, 2016 09:05, 869 хонанда

Хабарҳои мавзӯъ

azim-ibrohim

ДУШАНБЕ, 14.12.2016. /АМИТ «Ховар»/. Дирӯз дар Вазорати рушди иқтисод ва савдои Ҷумҳурии Тоҷикистон ҷаласаи ҳафтум ва ҷамъбастии солонаи Шӯрои ҳамоҳангсозӣ оид ба бехатарии маҳсулоти хӯрокворӣ таҳти роҳбарии муовини Сарвазири Ҷумҳурии Тоҷикистон — Раиси Шӯрои ҳамоҳангсозӣ оид ба бехатарии маҳсулоти хӯрокворӣ Азим Иброҳим баргузор гардид.
Муовини Сарвазир аз роҳбарони сохторҳои масъултаъминкунандагони бехатарии маҳсулоти хӯрокворӣ вобаста ба ҷараёни иҷрои Нақшаи кории Шӯрои ҳамоҳангсозӣ оид ба бехатарии маҳсулоти хӯрокворӣ дар нимсолаи дуюми соли 2016 пурсиш ба амал овард.
Таъкид гардид, ки новобаста аз тадбирҳои андешидашаванда дар миқёси ҷумҳурӣ 25 ҳодисаи заҳролудшавии шаҳрвандон вобаста ба маводи ғизоӣ ба қайд гирифта шудааст. Дар натиҷа 86 нафар шаҳрвандон сироят ёфтаанд. Аз 25 ҳодисаи заҳролудшавӣ аз маҳсулоти хўроквории ба қайд гирифташуда, 19 ҳодисааш бемории ботулизм мебошад, ки дар натиҷа 49 нафар сироят ёфта, 6 нафарашон фавтидаанд. Аз шаш ҳодисаи токсикоинфексия 35 нафар сироят ёфта бошанд ҳам, хушбахтона, ҳодисаи фавт нест. Дар ҳама ҳолатҳо сабаби сар задани ҳодисаҳои заҳролудшавӣ- ин истеъмоли маҳсулоти консервашуда дар шароити хона мебошад. Ҳодисаҳои заҳролудшавӣ дар муассисаҳои хўроки умумии савдо ва корхонаҳои коркарди маҳсулоти хўрокворӣ ба қайд гирифта нашудаанд.
Дар соли равон аз тарафи Хадамоти назорати давлатии санитарию эпидемиологӣ ва сохторҳои зертобеи он маҳсулоти хўрокии ба талабот ҷавобгўй набуда, муҳлати истифодаашон гузашта ва шубҳанок ба миқдори 316959,5 кг аз муомилот гирифта шудаанд, ки маблағи он 5 207 281 сомониро ташкил медиҳад. Ба ғайр аз ин 318 460 дона тухм, ки маблағи он 197322 сомониро ташкил медиҳад, аз муомилот гирифта шуд.
Гузаронидани корҳои фаҳмондадиҳӣ ва омўзишӣ бо соҳибкорон, аз ҷумла оид ба ҷорӣ намудани низомҳои бехатарӣ дар корхонаҳои истеҳсолӣ яке аз масъалаҳои афзалиятнок ба шумор меравад. Зеро мусоидат намудан ба бахши хусусӣ ҷиҳати ҳарчӣ зудтар гузаштани онҳо ба истеҳсолоти мутобиқ ба стандартҳои ХАССП (НАССР) ва (Global GAP) метавонад ба таври назаррас неруи содиротии кишваррро боло бардорад. Дар натиҷаи ҳамкории мақомоти ваколатдор ва ширкатҳои машваратӣ то имрўз дар Ҷумҳурии Тоҷикистон дар маҷмӯъ ба 37 корхона аз рўи низоми ХАССП сертификат дода шуда, дар онҳо низоми ИСО, менеҷменти сифат ҷорӣ карда шудааст.
Айни замон дар кишвар бо дастгирии шарикони рушд 8 лоиҳаи давлатии сармоягузорӣ дар соҳаҳои кишоварзӣ ва обёрӣ ба маблағи умумии 217 млн. доллари ИМА мавриди татбиқ қарор доранд.
Бо мақсади беҳтар намудани сатҳи зиндагии мардум ва муҳайё намудани шароит барои истеҳсоли маҳсулоти кишоварзӣ дар ҳамкорӣ бо шарикони рушд аз ҷониби Иттиҳоди Аврупо лоиҳаи «Дастгирии тақвияти сохтори миллии маълумоти амнияти озукаворӣ дар Тоҷикистон» дар ҷумҳурӣ ба маблағи 2,1млн. доллари ИМА ва лоиҳаи «Устувории бехатарии озуқа ба воситаи муаррифӣ намудани захираҳои кишоварзии маҳаллӣ дар минтақаҳои хушкзамини шимоли Тоҷикистон» аз ҷониби Ҳукумати Ҷумҳурии Федеративии Олмон ба маблағи 840 ҳазор доллари ИМА равона гардидааст.
Мутахассисони озмоишгоҳҳои ташхиси байторию санитарии бозорҳои истеъмолии шаҳру ноҳияҳои ҷумҳурӣ дар давраи ҳисоботӣ 353 724 ташхиси маҳсулоти хўрокӣ гузаронданд. Дар натиҷа 89732 кг маҳсулоти гўштӣ, 3727 кг маҳсулоти ширӣ, 105700 кг меваю сабзавот, 30126 дона тухм, 330 кг равғани растанӣ, 31061 кг полезиҳо, 730 кг меваи хушк, 78 кг асал ҳамчун маҳсулоти бесифат ва хавфнок аз фурўш боздошт ва безарар гардонида шуданд
Пажӯҳишгоҳи давлатии «Ғизо»-и Вазорати саноат ва технологияҳои нав дар самти баланд бардоштани дониши аҳолии ҷумҳурӣ оид ба бехатарии ғизо ва бемориҳои ғизоӣ зиёда аз 400 семинар, маърӯзаю вохўриҳоро бо табақаҳои гуногуни аҳолӣ гузаронид.
Ба Вазорати кишоварзӣ, Вазорати рушди иқтисод ва савдо, Кумитаи давлатии сармоягузорӣ ва идораи амволи давлатӣ ва Хадамоти назорати давлатии байторӣ супориш дода шуд, ки ҷиҳати иҷрои Қарори Ҳукумати Ҷумҳурии Тоҷикистон «Дар бораи нишонагузории ҳайвоноти кишоварзӣ дар Ҷумҳурии Тоҷикистон» сармояи хориҷиро ҷалб намоянд. Маълумоти Хадамоти назорати давлатии байторӣ ҷиҳати ба мувофиқаи пешакӣ расидан бо сохторҳои дахлдори Нидерландия ва Полша оид ба сармоягузории ин масъала ба инобат гирифта шавад.
Дар ҷаласа дар баробари баррасии масъалаҳои рўзмарра, Нақшаи кори Шўро оид ба бехатарии маҳсулоти хӯрокворӣ барои нимсолаи якуми соли 2017 тасдиқ карда шуд.
Дар интиҳо муовини Сарвазир вобаста ба тақвият бахшидани корҳо, пурзӯр намудани назорат дар самти таъмини сифат ва бехатарии маҳсулоти хӯрокворӣ дар соли 2017 ва таъмини саривақтии қарорҳои қабулшуда ба сохторҳои масъул дастуру супоришҳои мушахас дод.

Декабрь 14, 2016 09:05, 869 хонанда

Хабарҳои дигари ин бахш

VystavkaӮзбекистон дар Душанбе маҳсулоти саноатиашро ба намоиш мегузорад
ВИва Савдо (4)Натиҷагирии лоиҳаҳои сармоягузории Бонки Осиёии рушд дар соли 2016
БМТ-вохури бо СММ Хонгчу ХамМуҳокимаи вазъи кунунии иқтисодиёти кишвар дар Бонки миллии Тоҷикистон
Дар шератон Вазири Энергетикаи Покистон (9)Байни Тоҷикистону Покистон ҷаласаҳои гурӯҳи кории муштарак доир шуданд
Сармоягузорони араб ба кадом самтҳо таваҷҷуҳи бештар дорандСармоягузорони араб ба кадом самтҳо таваҷҷуҳи бештар доранд?
Ҷалби ширкатҳои бузурги Арабистони Саудӣ дар татбиқи лоиҳаҳои соҳаи энергетика баррасӣ шудҶалби ширкатҳои бузурги Арабистони Саудӣ дар татбиқи лоиҳаҳои соҳаи энергетика баррасӣ шуд
текстильШиркатҳои дӯзандагии Тоҷикистон роҳҳои афзалиятноки фурӯши яклухтро меомӯзанд
Дар Тоҷикистон бизнес форуми соҳибкорони Тоҷикистону Чин баргузор гардид 1Дар Душанбе бизнес-форуми соҳибкорони Тоҷикистону Чин баргузор гардид
БМТ Металор r_1Бонки миллии Тоҷикистон бо ширкати «Металор» шартномаи ҳамкорӣ имзо кард
32805101740_a451dbc7bc_zАз рӯи фоизи истеҳсоли «энергияи сабз» Тоҷикистон дар қатори шаш кишвари пешсафи сайёра қарор дорад
32805101740_a451dbc7bc_zЭмомалӣ Раҳмон: «Тавсеа ёфтани ҷуғрофияи Созмони ҳамкории иқтисодӣ иқтидор ва аҳамияти геостратегии онро дучанд боло бурд»
32805101740_a451dbc7bc_zПешвои миллат татбиқи лоиҳаи CASA-1000-ро, ки нахустин пули барқӣ миёни минтақаҳои Осиёи Марказӣ ва Ҷанубӣ шинохта шудааст, амри саривақтӣ номид