Абдумаҷид Ҳакимзода дар дастгоҳи Раиси шаҳри Душанбе ба фаъолият оғоз кард

Январ 24, 2017 13:02

Хабарҳои мавзӯъ

Абдумачид Усмонзода

ДУШАНБЕ, 24.01.2017. /АМИТ Ховар/. Бо Қарори Ҳукумати Ҷумҳурии Тоҷикистон Абдумаҷид Ҳакимзода, директори Муассисаи давлатии телевизиони «Ҷаҳоннамо» бинобар сабаби ба кори дигар гузаштан аз вазифаи ишғолнамудааш озод гардид.
Тавре ки аз Мақомоти иҷроияи маҳаллии ҳокимияти давлатии шаҳри Душанбе иттилоъ доданд, Абдумаҷид Ҳакимзода мудири шуъбаи иттилоот ва таҳлили дастгоҳи Раиси шаҳри Душанбе таъйин гардид.
Абдумаҷид Ҳакимзода соли 1979 факултети забонҳои шарқи Донишгоҳи миллии Тоҷикистонро бо ихтисоси филолог-шарқшинос хатм намуда, солҳои 1977-1978 дар Ҷумҳурии Исломии Афғонистон ба сифати тарҷумон ифои вазифа кардааст. Номбурда солҳои 1989-1991 дар сафи Қувваҳои Мусаллаҳи Иттиҳоди Шӯравӣ ба сифати тарҷумони низомӣ хизмат намуда, фаъолияти журналистиро соли 1982 ба ҳайси муҳаррири Сардирексияи барномаҳои Телевизиони Тоҷикистон оғоз намудаааст.
Мавсуф солҳои 1984-1986 дар сафи қитъаоти маҳдуди Артиши Шӯравӣ дар Афғонистон адои хизмат намуда, солҳои 1986 — 1996 ба ҳайси муҳаррир, муҳаррири калон, мудири шуъба, муовини сармуҳаррири Идораи барномаҳои иттилоотӣ ва ҷамъиятӣ-сиёсии Телевизиони Тоҷикистон фаъолият кардааст.
Абдумаҷид Ҳакимзода аз соли 1996 то 2004 ба сифати сармутахассис ва машваратчии калони Хадамоти матбуоти Президенти Ҷумҳурии Тоҷикистон иҷрои вазифа кардааст. Ӯ солҳои 2004 — 2006 дар вазифаҳои сармуҳаррири идораҳои иттилоотӣ, сиёсӣ ва муовини директори Телевизиони Тоҷикистон фаъолият дошт.
Номбурда аз соли 2006 то соли 2008 дар вазифаи муовини директори Муассисаи давлатии «Телевизиони Сафина» ва аз соли 2008 то 23 январи соли 2017 дар вазифаи директори Муассисаи давлатии телевизиони «Ҷаҳоннамо» фаъолият намудааст.
Абдумаҷид Ҳакимзода муаллифи як силсила барномаҳои телевизионӣ ва филмҳои ҳуҷҷатӣ буда, дар шабакаҳои телевизионии СNN, РТР ФР ва «Ал-Ҷазира» ихтисосашро такмил додааст.
Хизматҳои Абдумаҷид Ҳакимзода бо унвони ифтихории «Корманди шоистаи Тоҷикистон», ордени «Ситораи Сурх», медали «Хизмати шоиста» ва дигар мукофотҳои давлативу соҳавӣ қадр гардида, аз соли 2011 узви ҳақиқии Академияи телевизион ва радиои АвруОсиё мебошад.

Январ 24, 2017 13:02

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд