Даҳсолаи байналмилалии «Об барои рушди устувор»- идомаи ташаббусҳои созандаи Пешвои миллат дар СММ

Январь 18, 2017 10:42

Sem_ob_1ДУШАНБЕ, 18.01.2017 /АМИТ «Ховар»/. Дар Бонки миллии Тоҷикистон бо иштироки роҳбарият ва кормандони дастгоҳи марказии бонк дар робита ба қабули қатъномаи СММ оид ба Даҳсолаи нави байналмилалии «Об барои рушди устувор» барои солҳои 2018-2028 ҷаласа баргузор гардид. Дар ин бора ба АМИТ «Ховар» аз хадамоти матбуоти бонки мазкур хабар доданд.
Муовини Раиси Бонки миллии Тоҷикистон Ҳамидулло Машрабзода аз нақши Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пешниҳоди Қатъномаи мазкур сухан намуд.
«Қабули қатъномаи мазкур, ки боиси ифтихори ҳар як нафари мо мебошад, бо ташаббуси бевоситаи давлати Тоҷикистон ва Пешвои миллати он муҳтарам Эмомалӣ Раҳмон сурат гирифт Пешниҳоди Қатъномаи Даҳсолаи байналмилалии «Об барои рушди устувор» барои солҳои 2018-2028 бори нахуст аз ҷониби Пешвои миллат моҳи апрели соли 2015 дар маросими ифтитоҳи Форуми ҳафтуми ҷаҳонии об дар Ҷумҳурии Кореяи Ҷанубӣ садо дода буд. Дар Форум Сарвари давлати мо вобаста ба раванд ва натиҷаҳои Даҳсолаи байналмилалии амалиёт «Об барои ҳаёт», солҳои 2005-2015 ибрози ақида намуда, ҷомеаи ҷаҳониро ба таваҷҷуҳи бештар дар ҳалли масъалаҳои об ва муҳайё намудани заминаи хуб барои гузариш ба мудирияти ҳамгироёнаи захираҳои об даъват намуда буданд»,-илова намуд Ҳамидулло Машрабзода.
Дар робита ба афзоиши пайвастаи аҳолӣ дар дунё, тағйирёбии иқлим, офатҳои табиӣ, норасоии об, касалиҳои сироятӣ ва дигар ҳаводиси марбут ба об Президенти кишвар ҷиҳати тақвият додани дастовардҳои то ба имрӯз ноилшуда ва муҳайё сохтани платформаи иловагӣ ҷиҳати мусоидат ба иҷрои ҳадафҳои рушди устувор дар қисмати об, эълон намудани Даҳсолаи нави байналмилалии амал зери шиори «Об барои рушди устувор»-ро пешниҳод намуд, ки он аз ҷониби ширкаткунандагони ин Форум пазируфта шуда, ба Маҷмааи Умумии СММ манзур гардид. Қатъномаи мазкур чанде пеш қабул карда шуд, ки ин аз сиёсати муваффақи Президенти мамлакат ва Ҳукумати кишвар дар арсаи байналмилалӣ шаҳодат медиҳад.
Иштирокчиёни ҷаласа дар мавриди аҳамияти қатъномаи мазкур ибрози андеша намуда, таъкид доштанд, ки зимни пешниҳоди Паём Пешвои миллат иброз доштанд, ки ба даст овардани истиқлолияти энергетикӣ дар се соли оянда аз вазифаҳои аввалиндараҷаи Ҳукумати кишвар дониста мешавад. Яъне Даҳсолаи нави байналмилалии «Об барои рушди устувор», ки ҳадаф аз он бештар кардани маблағгузорӣ ба соҳаи об ва рушди ҳамкорӣ дар ин самт мебошад, барои боз ҳам бештар намудани таваҷҷуҳи ҷомеаи ҷаҳонӣ дар ин масъала бояд мусоидат кунад.
Умед аст, ки дар ин давра кишварҳои минтақаи Осиёи Марказӣ аз имкониятҳои фароҳамшаванда барои рушди устувори худ ва минтақа самаранок истифода хоҳанд бурд.

Январь 18, 2017 10:42

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт