Дар Москва зимни машваратҳои СҲШ қабули Ҳиндустон ва Покистон ҳамчун аъзои комилҳуқуқ баррасӣ гардид

Январь 23, 2017 10:14

ДУШАНБЕ, 23.01.2017 /АМИТ «Ховар»/. Муовини Вазири корҳои хориҷии Ҷумҳурии Тоҷикистон, Ҳамоҳангсози миллии Ҷумҳурии Тоҷикистон доир ба масъалаҳои Ҳамкории Шанхай (СҲШ) Маҳмадшариф Ҳақдод 20 январ дар машваратҳои давлатҳои аъзои Созмони Ҳамкории Шанхай дар сатҳи муовинони вазирони корҳои хориҷӣ, ки дар шаҳри Москва баргузор гардид, ширкат варзид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Бинобар иттилои ВКХ Тоҷикистон, зимни машваратҳо доир ба ҳадафҳои авлавиятнок ва тадбирҳои амалӣ ҷиҳати рушди муносибатҳо дар чаҳорчӯби СҲШ дар самтҳои сиёсӣ, амниятӣ, иқтисодӣ ва гуманитарӣ муҳокима сурат гирифт. Давлатҳои аъзо омодагии худро ҷиҳати афзун намудани кӯшишҳои муштарак баҳри таъмини сулҳу субот, некӯаҳволӣ ва рушд дар минтақаи СҲШ тасдиқ намуданд.
Махсусан зикр гардид, ки идома додани раванди васеъшавии Созмон, пеш аз ҳама, қабули Ҳиндустон ва Покистон ҳамчун аъзои комилҳуқуқ, барои афзун намудани иқтидори бисёрҷанбаи ҳамкорӣ ва баланд бардоштани нақш ва обрӯи байналмилалии СҲШ мусоидат хоҳад кард.
Дар ҷаласа дабири кулли Созмони Ҳамкории Шанхай ва Директори Кумитаи иҷроияи минтақавии зиддитеррористии СҲШ дар кори машваратҳои мазкур иштирок намуданд.
Пеш аз ҷаласа суҳбати Вазири корҳои хориҷии Федератсияи Россия Сергей Лавров бо роҳбарони ҳайатҳо баргузор шуд.

Январь 23, 2017 10:14

Хабарҳои дигари ин бахш

Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд
Дар Берлин ҷашни байналмилалии Наврӯзро таҷлил намуданд