Дар Суғд ба муносибати Соли ҷавонон Озмуни вилоятии шашмақомхонони наврасу ҷавон роҳандозӣ мешавад

Январь 25, 2017 11:09

ХУҶАНД, 25. 01.2017. /АМИТ «Ховар»/. Дирӯз дар Китобхонаи вилоятии оммавии ба номи Тошхоҷа Асирии шаҳри Хуҷанд бо иштироки роҳбарони зерсохторҳои Раёсати фарҳанг, мудирони бахши фарҳанги шаҳру ноҳияҳо, директорони китобхонаҳо, театрҳо ва клубу қасрҳои фарҳанг ҷаласаи ҳайати мушовараи Раёсати фарҳанги вилояти Суғд оид ба ҷамъбасти натиҷаҳои фаъолият дар соли 2016 ва нақшаи барномаҳо дар соли 2017 баргузор гардид.
Тавре ба хабарнигори АМИТ «Ховар» аз Раёсати фарҳанги вилояти Суғд иттилоъ доданд, соли равон аз ҷониби раёсати фарҳанги вилоят бахшида ба Соли ҷавонон як зумра озмунҳои вилоятӣ дар шаҳру ноҳияҳои вилоят баргузор мегарданд. Аз ҷумла, бо мақсади рушду инкишофи санъат ва дарёфти истеъдодҳои нав дар байни ҷавонону наврасон, ҳамчунин бедор намудани ҳисси хештаншиносӣ, рушду инкишофи санъати рақси миллӣ дар шаҳру ноҳияҳои вилоят озмунҳои вилоятӣ миёни ансамблҳои рақсии кӯдакона ва шашмақомхонони наврасу ҷавон баргузор мегарданд. Озмунҳо дар ду давр гузаронида шуда, дар арафаи иди Наврӯзи байналмилалӣ ва 20-солагии Рӯзи Ваҳдати миллӣ ҷамъбаст мешаванд.
Дар ҷаласаи ҳайати мушовараи Раёсати фарҳанг таъкид гардид, ки бояд корҳои омодагӣ барои таҷлили ҷашни Наврӯзи байналмилалӣ ва 20-солагии Рӯзи Ваҳдати миллӣ вусъат дода шаванд.

Январь 25, 2017 11:09

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад