Дуздон ба бозингари «Ливерпул» 70 000 фунт стерлинг зарар расониданд

Январь 10, 2017 13:07, 202 хонанда

Хабарҳои мавзӯъ

hisoroti-duzdon

ДУШАНБЕ, 10.01.2016 /АМИТ «Ховар»/. Дуздон ба хонаи бозингари барзилиягии дастаи «Ливерпул» Роберто Фирмино ворид гардида, ба маблағи 70 000 фунт стерлинг либос ва ашёҳои гаронбаҳоро ба яғмо бурданд. Дар ин бора «The Sun» иттилоъ медиҳад.
Дуздон пеш аз иди мавлуди католикҳо дар шаҳри Ливерпул аз паси бозингар поида, хонаашро мавриди дуздӣ қарор додаанд. Баробари аз хона бо ду кӯдак ва занаш берун шудани Роберто Фиримино ба манзили ӯ дохил шуда, соат, ашёҳои қиматбаҳо ва либосҳоро дуздидаанд. Маблағи хисороти ба бозингар расида 70 000 фунт стерлингро ташкил медиҳад.
Дар ҳоле, ки политсия дуздонро ҷустуҷӯ мекунад, Роберто бо аҳли оилааш барои истиқомат ба меҳмонхона рафтаанд.
Соли равон Роберто Фириминои 25-сола дар ҳайати дастаи «Ливерпул» 22 бозӣ гузаронида, ба дарвозаи ҳарифон 7 тӯб зада, ҳаммуалифи шаш гол шудааст. Маоши ин бозингар тибқи нишондоди расонаҳо дар як ҳафта 100 000 фунт стерлингро ташкил медиҳад.

Январь 10, 2017 13:07, 202 хонанда

Хабарҳои дигари ин бахш