Ифтитоҳи маҷмааи варзишӣ — туҳфа дар «Соли ҷавонон»

Январь 14, 2017 11:44

ДУШАНБЕ, 14.01.2017. /АМИТ «Ховар»/. Имрӯз дар шаҳри Конибодом ба фаъолияти маҷмааи наву муосири варзишӣ ифтитоҳ бахшида шуд. Ин маҷмааи замонавӣ аз толори варзишӣ, толори бокс ва фитнес-клуб иборат буда, бо харҷи зиёда аз 800 ҳазор сомонӣ аз ҷониби соҳибкорони маҳаллӣ бародарон — Ҷамшед ва Дилшод Назаровҳо бунёд гардида, мавриди истифода қарор гирифт. Дар ин бора хабарнигори АМИТ «Ховар» иттилоъ дода, зикр кард, ки ба ин муносибат дар саҳни варзишгоҳи марказии шаҳр ҷамъомади тантанавӣ баргузор гардид.
Дар ҷамъомад раиси шаҳри Конибодом Ғайбулло Боҳирӣ, вакили Маҷлиси намояндагон Равшан Раҷабов, собиқадорони варзиш, ҷавонону наврасон ва сокинон иштирок намуданд.
Бо ба истифода додани маҷмааи варзишӣ 20 нафар бо кори доимӣ таъмин карда шуданд.
Дар назар дошта шудааст, ки ҳавзи варзишӣ, толори варзишии гимнастикӣ ва шоҳмот, инчунин корти теннис ба истифода дода, доираи фарогирии ҷавонон ба намудҳои гуногуни варзиш васеъ карда шавад.
Ҳамчунин имрӯз дар шаҳри Конибодом маъракаи ниҳолшинонӣ аз тарафи ҷавонон оғоз гардид. Тибқи иттилои хабарнигори АМИТ «Ховар» гурӯҳи ҷавонони шаҳр дар боғи маданият ва истироҳати шаҳр ниҳолҳои гуногуни ороишии ҳамешасабз шинониданд.
Дар маҷмӯъ 300 ниҳол шинонида шуд, ки дар афзун намудани ҳусни шаҳр ва таъмини муҳити тозаи экологӣ, ба ободии диёр мусоидат мекунад.

Январь 14, 2017 11:44

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт