Конфронси илмӣ бахшида ба 25-солагии барқароршавии робитаҳои дипломатӣ миёни Тоҷикистон ва Чин

Январ 4, 2017 15:38

Хабарҳои мавзӯъ

Чин

ДУШАНБЕ, 04.01.2017 /АМИТ «Ховар»/. Имрӯз дар Донишкадаи тадқиқоти Россия, Аврупои Шарқӣ ва Осиёи Марказии Академияи илмҳои ҷамъиятии Чин Конфронси илмӣ бахшида ба 25 солагии барқароршавии робитаҳои дипломатӣ миёни Ҷумҳурии Тоҷикистон ва Ҷумҳурии Мардумии Чин баргузор гардид. Тавре аз Вазорати корҳои хориҷии Ҷумҳурии Тоҷикистон хабар доданд, конфронс аз ҷониби Сафорати Ҷумҳурии Тоҷикистон дар Ҷумҳурии Мардумии Чин ва Департаменти ҳамкории байналмилалии Академияи илмҳои ҷамъиятии Чин бо иштироки Донишкадаи тадқиқоти Россия, Аврупои Шарқӣ ва Осиёи Марказӣ ва дастгирии Вазорати корҳои хориҷии Чин ташкил карда шуд.
Конфронсро бо сухани ифтитоҳӣ Директори Донишкадаи тадқиқоти Россия, Европаи Шарқӣ ва Осиёи Марказӣ профессор Ли Юйтсюан ифтитоҳ кард. Дар конфронс муовини сардори Департаменти ҳамкории байналхалқии Академияи илмҳои иҷтимоӣ Ху Лэмин, Ёвари Вазири корҳои хориҷии Чин Ли Хуэйлай, Сафири Фавқулода ва Мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода, муовини Раиси Ҷамъияти халқии дӯстӣ бо кишварҳои хориҷӣ Сун Тсзинву ва муовини Котиби генералии Созмони Ҳамкории Шанхай Ван Кайвэн сухан гуфтанд. Ҳама баромадкунандагон аҳамияти калони таърихӣ доштани «Эъломияи муштарак оид ба барқарор кардани робитаҳои дипломатӣ миёни Ҷумҳурии Тоҷикистон ва Ҷумҳурии Мардумии Чин»-ро, ки 4 январи соли 1992 ба имзо расида буд, таъкид карданд.
Зикр шуд, ки дӯстии таърихан ташаккулёфтаи мардумони ду кишвар дастоварди нодир ба шумор меравад, ки бо он метавон ифтихор кард ва мебояд аз пайи ҳифзу афзунгардонии он шуд.
Дар конфронс коршиносони машҳури чинӣ, олимони донишкадаҳои илмиву тадқиқотии Пекин ва Шанхай, собиқ сафирони Чин дар Тоҷикистон, сафирони Беларус, Қирғизистон, Россия, Қазоқистон, Ӯзбекистон ва Афғонистон, инчунин кормандони намояндагиҳои дипломатии муқими Чин иштирок доштанд. 15 маърӯза бахшида ба вазъи ҳозираи робитаҳои сиёсӣ, тиҷоратӣ, иқтисодиву фарҳангӣ, шарокати стратегӣ ва натиҷаву дурнамои ҳамкории дуҷонибаи Тоҷикистону Чин шунида шуд. Конфронс таваҷҷуҳи калонро ҷалб кард ва аз ҷониби намояндагони васоити ахбори оммаи Чин ба таври васеъ паҳн гардид.

Январ 4, 2017 15:38

Хабарҳои дигари ин бахш

Таджикистан и Китай 1Дар Остона мулоқоти вазирони корҳои хориҷии Тоҷикистон ва Хитой барпо шуд
????????????????????????????????????Иштироки ҳайати Тоҷикистон дар ҷаласаи Шӯрои вазирони корҳои хориҷии давлатҳои аъзои СҲШ дар Остона
18011102_1948571788695033_4720386727817811091_nМашваратҳои навбатӣ байни мақомоти сиёсати хориҷиии Тоҷикистон ва Қазоқистон дар Остона
С Аслов и Пратибха МехтарМулоқоти Вазири корҳои хориҷӣ бо Ҳамоҳангсози доимии СММ дар Тоҷикистон
МалайзияТоҷикистон ва Малайзия ҳамкориро тавсеа мебахшанд
Встреча делегации Республики Таджикистан с Государственным министром иностранных дел ЯпонииТатбиқи натиҷаҳои музокироти сатҳи олии Тоҷикистон ва Япония муҳокима гардид
MID-RFМашваратҳои Тоҷикистону Россия оид ба масъалаҳои мубориза бар зидди терроризм
Пратибҳа Меҳта 11.04.2017Пратибҳа Меҳта: «Президенти Ҷумҳурии Тоҷикистон дар пешбурд ва татбиқи Ҳадафҳои рушди ҳазорсола нақши пешсаф доранд»
Қабули эътимоднома аз 5 сафири нав 11.04.2017Сафирони навтаъйин ваъда доданд, ки барои рушду тавсеаи робитаҳои гуногунҷанбаи кишварҳояшон бо Тоҷикистон мусоидат хоҳанд кард
точикистон туркияМашваратҳои сиёсӣ байни Тоҷикистон ва Туркия дар Анқара
ПутинАз оғози муносиботи дипломатии Тоҷикистону Россия 25 сол сипарӣ гардид
Аслов и АбдилдаевМулоқоти вазирони корҳои хориҷии Тоҷикистон ва Қирғизистон