Криштиану Роналду аз ҷониби FIFA бозингари беҳтарини соли 2016 эълон гардид

Январь 10, 2017 09:55

ДУШАНБЕ, 10.01.2017 /АМИТ «Ховар»/. Ҳамлагари дастаи «Реал»-и Мадрид ва тими мунтахаби Португалия Криштиану Роналду аз ҷониби Федератсияи байналмилалии футбол (ФИФА) беҳтарин бозингари соли 2016 эълон гардид. Дар ин бора «fifa.com» хабар медиҳад.
Марсими супоридании ҷоиза ба беҳтарин футболбози ҷаҳони соли 2016 шоми дирӯз дар шаҳри Тсюрихи Швейтсария барпо гардид. Дар овоздиҳӣ Криштиану Роналду аз ҳамлагари дастаи мунтахаби Аргентина ва КФ «Барселона» Лионел Месси ва Антуан Гризмани франсавӣ («Атлетико» Мадрид) пеш гузашт.
ФИФА ҳамчунин ба унвони беҳтарин мураббии соли 2016 Клавдио Раннериро аз дастаи «Лестер Ситӣ» ва аз футболи бонувон Силвия Найдро (Олмон) интихоб кард.
Ба ҳайати рамзии дастаи мунтахаби соли 2016 ин бозингарон шомил шуданд:
Мануэл Нойер (Олмон, «Бавария»), Дани Алвес (Бразилия, «Ювентус»), Жерар Пике (Испания, «Барселона»), Серхио Рамос (Испания, «Реал»), Марсело (Бразилия, «Реал»), Лука Модрич (Хорватия, «Реал»), Тони Кроос (Олмон, «Реал»), Андрес Инеста (Испания, «Барселона»), Лионел Месси, Луис Суарес (Уругвай, «Барселона») ва Криштиану Роналду.
Ба ҷоизаи «Fair play» футболбозони дастаи «Атлетико Насйонал»-и Колумбия, ки аз сабаби суқути ҳавопаймои КФ «Шапекоэнсе» ва марги 19 бозингари ин даста Ҷоми Америкаи Ҷанубиро ба футболбозони КФ «Шапекоэнсе» ҳадя карданд, сарфароз гардиданд.
Барои Криштиану Роналду мавсими футболи соли 2016 аз беҳтарин солҳое ба шумор меравад, ки дар таърихи футбол ягон варзишгар ба чунин дастовард муваффақ нашудааст. Аввлан дар шаҳри Дубаи Амороти Мутаҳидаи Араб бори сеюм ӯро бо ҷоизаи «Globe Soccer Awards», ки аз соли 2010 инҷониб ба беҳтарин бозингари ҷаҳон бо раъйдиҳии Ассотсиатсияи аврупоии агентҳои футбол (ЕФАА) ва Ассотсиатсияи клубҳои футболи Аврупо (ЕСА) муайян мекунанд, супориданд. Дуюм, ӯро ба ҳайси беҳтарин варзишгари соли 2016-и Агентии иттилоотии кишварҳои Аврупо дар Аврупо эълон карданд.
Криштиану Роналду 12 декабри соли равон маротибаи чорум соҳиби унвони беҳтарин футболбози ҷаҳон гардида, ҷоизаи «Тӯби тилло»-и «France Football»-ро ба худ ихтисос дод.
Криштиано Роналдуро дар Фаластин «Одами сол» шумориданд ва беш аз 1200 нафар бо роҳбарии президенти ин кишвар Маҳмуд Аббос дар маросими ҷоизасупорӣ ширкат карданд.
Роналду дар соли 2016 унвони чемпиони Аврупоро дар ҳайати дастаи мунтахаби Португалия ба даст оварда, бо «Реал» соҳиби Ҷоми Лигаи чемпионҳо ва Ҷоми ҷаҳон байни клубҳо гардид. Дар ин бозиҳо низ ӯ ба ҳайси беҳтарин бозингар ва нишонзан эътироф шуд.
Криштиану Роналду душ Сантуш Авейру 5 феврали соли 1985 дар шаҳри Фуншали Португалия ба дунё омадааст. Аз соли 1993 то ба имрӯз дар ҳайати дастаҳои «Андориня», «Насйонал», «Спортинг», «Манчестер Юнайтед» ва дастаҳои мунтахаби Португалия бозӣ карда, ҳунарнамоиашро дар ҳайати КФ «Реал» идома медиҳад.
«Номи Роналду дар Португалия хеле кам ба чашм мерасад. Падараш Жозе Диниша Авейру ба хотири эҳтироми президенти онвақтаи Америка Роналд Рейган номи писарашро Роналду гузоштааст. Номи дуюми ӯ Криштиану аст»,-омадааст дар «ru.wikipedia.org».

Январь 10, 2017 09:55

Хабарҳои дигари ин бахш

«ANTALYA GRAND SLAM-2024». Ҷудочии тоҷик Эмомалӣ Нуралӣ ба финал баромад
Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд