Маъюбон ба ҳамаи хизматрасониҳо дастрасии баробар доранд

Январь 20, 2017 16:10

ДУШАНБЕ, 20.01.2017 /АМИТ «Ховар»/. Мақсад, вазифа ва самти стратегии «Барномаи миллии тавонбахшии маъюбон барои солҳои 2017-2020» имрӯз, 20 январ дар Душанбе мавриди баррасӣ қарор дода шуд.
Тавре ки хабарнигори АМИТ «Ховар» хабар дод, дар ҷамъомад нақшаи иҷро ва механизмҳои мониторинг ва баҳодиҳии «Барномаи миллии тавонбахшии маъюбон барои солҳои 2017-2020» муҳокима шуд.
Муовини якуми Вазири тандурустӣ ва ҳифзи иҷтимоии аҳолӣ Саида Умарзода баён дошт, ки тавонбахшии маъюбон яке аз масъалаҳои муҳим ба шумор рафта, дар ин самт тадбирҳои зиёд андешида мешаванд.
«Мақсади барномаи миллӣ беҳтар намудани сатҳи тандурустӣ, тавонбахшӣ ҳифзи иҷтимоии шахсони маъюбӣ, фароҳам овардани муҳити мусоид бо имконоти баробар барои ҳама мебошад. Тибқи маълумоти оморӣ, имрӯз дар ҷумҳурӣ 143 ҳазору 862 нафар маъюб, аз ҷумла беш аз 25 ҳазор нафар кӯдакони маъюб ба қайд гирифта шудаанд. Дар доираи барномаи мазкур ҳар яки онҳо бояд мутобиқ бо барномаҳои инфиродӣ ва тавонбахшӣ фаро гирифта шаванд, ки ин масъала ҳадафи асосии барнома маҳсуб мешавад. Бо назардошти он ки соли 2017 соли ҷавонон эълон гардид, зарур аст нисбат ба тавонбахшии кӯдакони маъюб тадбирҳои бештару судманд андешида шаванд»,-илова намуд Саида Умарзода.
Роҳбари намояндагии ТУТ дар Тоҷикистон Игор Поканевич зикр намуд, ки имрӯз қариб 15 фоизи аҳолии ҷаҳон бо ягон навъи маъюбӣ зиндагӣ мекунанд. Шахсони имконияташон маҳдуд дар самти хизматрасонӣ дар соҳаи тандурустӣ, таълим, шуғл ва ҳифзи иҷтимоӣ бо монеаҳои зиёд рӯ ба рӯ мешаванд.
Ҳукумати Ҷумҳурии Тоҷикистон аксари хизматрасониҳои мавҷударо барои шахсони маъюб аз ҳисоби буҷети миллӣ маблағгузорӣ менамояд. Мувофиқи нишондиҳандаҳои соли 2014 Ҳукумати Ҷумҳурии Тоҷикистон аз ҳисоби буҷети давлатӣ барои нигоҳубини маъюбон 14,0 миллион сомонӣ, аз ҷумла барои нигоҳубини рӯзона 24,8 ҳазор сомонӣ харҷ намудааст. Дар ин давра беш аз ҳазор нафар маъюб бо воситаҳои техникии ёрирасон бо арзиши умумии 37,9 ҳазор сомонӣ таъмин карда шуданд.
Беҳтар намудани дастрасӣ ба хизматрасониҳои тиббӣ барои маъюбон омили муҳими мусоидаткунанда барои ноил шудан ба кӯшиши умедҳо, аз ҷумла ба таҳсилот, имконияти ёфтани шуғл, нигоҳубин ва иштирок дар оила, ҷомеа ва ҳаёти иҷтимоӣ аст.

Январь 20, 2017 16:10

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд