Моҳияти бузурги Қатъномаи «Даҳсолаи байналмилалии амал «Об барои рушди устувор»

Январ 23, 2017 16:01
SAMSUNG CAMERA PICTURES

ДУШАНБЕ, 23.01.2017. /АМИТ «Ховар»/. Дар Кумитаи меъморӣ ва сохтмони назди Ҳукумати Ҷумҳурии Тоҷикистон роҷеъ ба ташаббуси Ҷумҳурии Тоҷикистон ва қабули Қатъномаи Даҳсолаи байналмилалии амал «Об барои рушди устувор», солҳои 2018-2028 ҷамъомад доир гардид.
Тавре аз Кумитаи меъморӣ ва сохтмони назди Ҳукумати Ҷумҳурии Тоҷикистон хабар доданд, муовини якуми раиси Кумитаи меъморӣ ва сохтмони назди Ҳукумати Ҷумҳурии Тоҷикистон А.Абдуҳалимзода зикр намуд, ки истиқлолияти сиёсии кишвар тамоми ҷабҳаҳои ҳаёти ҷамъиятиро дар бар гирифта, асоси рушду пешрафти Тоҷикистони азизро таъмин менамояд. Дар ин росто масъалаи об муҳимтарин сарчашмаи ҳаёт ва соҳаи заминавии ташаккулёбии саноат, иҷтимоиёт, пешрафти тамоми соҳаҳои хоҷагии халқ ва некуаҳволии мардуми кишвар ба шумор меравад. Махсусан дар ҷаҳони имрӯза новобаста аз мушкилоти гуногуни муносибатҳои байналмилалӣ, ҳамкории дастаҷамъонаи кишварҳои олам барои дарёфти роҳи ҳалли масъалаҳои дорои хусусияти умумибашарӣ равшан ба назар мерасад.
Боиси ифтихори ҳар як сокини диёри мост, ки Ҷумҳурии Тоҷикистон низ ба сифати аъзои ин созмони бонуфузи байналмилалӣ аз соли 1992 инҷониб бо мурури дастрасӣ ба сулҳу суботи устувор таҳти сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон чандин маротиба тавонист бо таҳия ва пешниҳодҳои муҳим дар мавриди ҷустуҷӯ ва дарёфти роҳи ҳалли масъалаҳои умумибашарӣ саҳми арзандаи худро гузорад. Ин иқдомҳои шоиста Ҷумҳурии Тоҷикистонро дар пеши назари оламиён ҳамчун кишвари ташаббускор ва дорои таваҷҷуҳи хос дар ҳалли мушкилоти сайёра намудор сохтанд.
Директори Институти масъалаҳои об, гидроэнергетика ва экологияи Академияи илмҳои Ҷумҳурии Тоҷикистон, профессор Зайналобудин Кобулиев дар бораи моҳияти бузурги Қатъномаи Даҳсолаи байналмилалии амал «Об барои рушди устувор», солҳои 2018-2028 гуфт: «Соли 2000 Созмони Милали Муттаҳид то соли 2015 ҳадафҳои рушди ҳазорсоларо пешниҳод намуд ва мувофиқи ҳадафҳои муайяни рушди ҳазорсола масъалаҳои обу беҳдошт, яъне санитария ба банди 8-ум дахл дошт. Тибқи ин банд бояд то соли 2015 теъдоди тамоми шахсоне, ки ба об дастрасӣ надоранд, то нисф коҳиш ёбад. Бинобар он дар партави расидан ба ҳамин ҳадафҳо якчанд ташаббусҳои дигаре аз ҷониби Сарвари кишвари мо пешниҳод гардиданд.
Дар барномаи рушди устувор манзалати ин барнома аз банди 8-ум ба банди 6-ум баромад. Пешниҳодоти банди шашум аз дастрасии умум ба об ва беҳдошт иборат мебошад. Яъне то соли 2030-юм ҳама бояд ба об ва беҳдошт дастрасӣ дошта бошанд. Мувофиқи пешниҳодҳои олимони дунё то соли 2050 аллакай дастрасӣ ба захираҳои об зиёда аз 25 то 30% кам мешавад».
Қабули муваффақонаи Қатъномаи мазкур боиси ифтихори тоҷикистониён буда, моҳияти ин амали бузургро бояд ҳама донанд, сарватҳои моддии кишварро ҳифз намоянд, сарфакорона истифода баранд, зеро оқибатҳои хатарноки ивазшавии иқлим, хушкшавӣ ё биёбоншавӣ дар баъзе аз минтақаҳои ҷаҳон ба вайрон шудани низоми табиат оварда мерасонад.

Январ 23, 2017 16:01

Хабарҳои дигари ин бахш

2Дӯстони вафодори чорпо-дар ҳифзи сарҳади давлатӣ. Гузориши хабарнигори АМИТ «Ховар» аз мактаби тайёрии кинологҳо
сарвазирони ИДМИштироки Сарвазири Тоҷикистон дар ҷаласаи Шўрои Сарони Ҳукуматҳо-Сарвазирони давлатҳои аъзои ИДМ
прокуратураи генерали (4)Шӯрои ҳамоҳангсозии мақомоти ҳифзи ҳуқуқи Ҷумҳурии Тоҷикистон баргузор гардид
Паёми телевизиони ба муносибати фарорасии мохи РамазонПешвои миллат «Мо бояд фитри рӯзаро на ба шахсони тавонманду доро, балки ба эҳтиёҷмандону ятимон хайр намоем»
дукони саломати сугдДар вилояти Суғд масъалаҳои фавти модару кӯдак ва маъюбӣ мавриди таҳлилу баррасӣ қарор гирифтанд
Хучанд БаррасииХуҷанд: баррасии натиҷаҳои амалиёти профилактикӣ ва маърифатии «Маданияти шаҳрдорӣ»
ОзмунҶамъбасти озмуни «Ҷумҳурият»: дар мақоми аввал – ходими адабии АМИТ «Ховар»
Новый рисунокСоҳили дарёи маркази ноҳияи Ванҷро то мавсими обхезӣ мустаҳкам мекунанд
Кум Рушт Махал (1)Дар Кумитаи рушди маҳал масъалаҳои мубориза бо коррупсия ва роҳҳои пешгирии онро баррасӣ намуданд
Гузоштани санги асоси Маркази тиббии Оғохон дар шаҳри ХоруғГузоштани санги асоси Маркази тиббии Оғохон дар шаҳри Хоруғ
Миграция РТ ТЧАз 1 июн муҳлати қайди муҳоҷиратӣ барои шаҳрвандони хориҷӣ дар шаҳрҳои Москва, Қазон, Санкт-Петербург ва Сочи 1 шабонарўз муқаррар шудааст
Ашт содироти 10 тонна зардолуАшт: 10 тонна зардолуи ватанӣ ба Россия содир карда шуд