Ҳолатҳои расонидани зарари калони моддӣ ба шабакаҳои барқӣ ошкор гардиданд

Январь 26, 2017 13:41

ДУШАНБЕ, 26.01.2017. /АМИТ «Ховар»/. Зимни санҷиши гурӯҳи корие, ки аз ҳисоби кормандони милитсия ва мутахассисони соҳаи барқ созмон ёфтааст, ҳолатҳои истифодаи ғайриқонунии қувваи барқ, далелҳои худсарона ва бе иҷозат кашидани хати барқ ба манзили истиқоматӣ ва нуқтаҳои хизматрасонӣ ошкор карда шуданд.
Тавре аз Вазорати корҳои дохилии Ҷумҳурии Тоҷикистон хабар доданд, аз ҷумла, санҷиш муайян намуд, ки шаҳрванд Абдураҳмон Бобохонов, соли таваллудаш 1956, сокини хиёбони Рӯдакии шаҳри Душанбе, аз симчӯби барқӣ хати барқро ба манзили истиқоматиаш кашида, муддати 7 сол 272 ҳазору 160 киловатт қувваи барқро ғайриқонунӣ истифода намудааст. Дар ин муддат ӯ ба Ширкати саҳомии холдингии кушодаи «Барқи Тоҷик» ба маблағи 340 ҳазору 292 сомонӣ зарари калони моддӣ расонидааст.
Инчунин шаҳрванд Ҷамшед Ғуломов, соли таваллудаш 1968, сокини кӯчаи Қосимоваи шаҳри Душанбе дар ошхона ва нонвойхонааш бе иҷозатнома ва шартномаи ширкати «Барқи Тоҷик» қувваи барқро истифода бурда, ба маблағи 18 ҳазору 275 сомонӣ зарари калони моддӣ расонидааст.
Нисбат ба номбурдагон маводи зарурӣ тартиб дода шуда, санҷиши пешакӣ идома дорад.

Назаконно-2 (1)

Январь 26, 2017 13:41

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд