Парвози ҳавопаймоҳо дар хатсайри «Душанбе- Хуҷанд» зиёд карда мешавад

Январь 30, 2017 17:03

ДУШАНБЕ, 30.01.2017/АМИТ «Ховар»/. Вазорати нақлиёти Ҷумҳурии Тоҷикистон тасмим гирифтааст, ки парвози ҳавопаймоҳоро дар хатсайри «Душанбе-Хуҷанд», бинобар фаромадани тарма дар бархе аз қитъаҳои роҳи автомобилгарди Душанбе-Чаноқ афзоиш диҳад.
Худоёр Худоёрзода, Вазири нақлиёти Ҷумҳурии Тоҷикистон 30 январ дар Душанбе ба хабарнигорон гуфт, ки дирӯз бар асари боришоти аз меёър зиёди барф дар якчанд мавзеи роҳи автомобилгарди Душанбе-Чаноқ, ки пойтахтро бо шимоли кишвар мепайванданд, тарма фаромад. Дар натиҷа ҳаракати беш аз 200 воситаи нақлиёт дар ин масир муваққатан қатъ гардид. Фаромадани тарма дар баъзе аз мавзеъҳои ин шоҳроҳ ҳамзамон хисороти ҷонӣ ба бор овард.
Вазири нақлиёт зикр кард, ки ҷиҳати тоза кардани қитъаҳои 65 ва 69-и шоҳроҳи Душанбе -Чаноқ аз тарма беш аз 20 адад техникаи ширкати IRS /«Иновейтив Роуд Солюшнз ЛТД»/ cафарбар гардидаанд. Ҳамзамон таъкид гардид, ки Вазорати нақлиёти кишвар дар ҳамкорӣ бо Раёсати Бозрасии давлатии автомобилии Вазорати корҳои дохилии кишвар нақшаи ҳаракати воситаҳои нақлиётро дар масири Душанбе-Чаноқ тарҳрезӣ намудааст. Зикр гардид, ки дар ин шабу рӯз бояд ронандагон ва шаҳрвандон аз сафар ба минтақаҳои дурдасти кӯҳистон, ки хавфи тармафароӣ мавҷуд аст, худдорӣ намоянд.

Январь 30, 2017 17:03

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт