Паёми Пешвои миллат аз ҷониби мардум хеле самимона қабул шудааст (Бардошт аз натиҷаи суҳбату вохӯриҳо  бо сокинони ноҳияи Ҷаббор Расулов)

Январ 27, 2017 15:35
Бардошт аз Паём

 ДУШАНБЕ, 27.01.2017 /АМИТ «Ховар»/.  Гурӯҳҳои ташвиқотиву тарғиботӣ оид ба шарҳи  мазмуну муҳтавои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар тамоми минтақаҳои шаҳру ноҳияҳои ҷумҳурӣ фаъолият намуданд.

Ба гурӯҳи ташвиқотӣ устодони Донишгоҳи давлатии тиббии Тоҷикистон ба номи Абуалӣ ибни Сино ва Донишгоҳи давлатии омӯзгории Тоҷикистон ба номи Садриддин  Айнӣ, корманди Маркази тадқиқоти стратегии назди Президенти Ҷумҳурии Тоҷикистон, сардорони шуъбаи Кумитаи давлатии амнияти миллии Ҷумҳурии Тоҷикистон дар ноҳияи Ҷаббор Расулов, шуъбаи Вазорати корҳои дохилӣ   ва Ҳизби Халқии Демократӣ дар ноҳияи мазкур  шомил буданд.

Дар ҳақиқат аз суҳбат бо аҳолӣ аён гардид, ки мазмуну муҳтавои Паёми навбатии Президенти кишвар барои сокинон фаҳмост. Онҳо аз нуктаҳои асосии Паём, ки аз зиндагии ҳаррӯзаашон гирифта шудааст, рӯҳу илҳоми тоза  гирифта, Паёмро ба сифати дурнамо ва низомномаи фаъолияти худ қарор додаанд. Аъзои гурӯҳи кории мо бо супориши Роҳбари Дастгоҳи иҷроияи Президенти Ҷумҳурии Тоҷикистон дар минтақаҳои дурдасти ноҳия, аз ҷумла дар   шаш ҷамоати ноҳияи Ҷаббор Расулов ва  деҳаҳои дурдаст, ки мардуми қирғизнишин ва ӯзбекнишин дар он ҷо зиндагӣ доранд,   Паёмро ба аҳолӣ фаҳмониданд.

Дар вохӯриҳо  доир ба ҳадафҳои муҳиму стратегии кишвар, аз ҷумла  расидан ба истиқлолияти энергетикӣ, баромадан аз бунбасти комуникатсионӣ ва сохтмони роҳҳо дар ҳудуди ноҳия, вобаста ба соҳаи кишоварзӣ, оид ба худсарона ишғол намудани қитъаҳои замин ва муносибати самаранок ба замин  суҳбатҳо сурат гирифтанд.  Ҳамзамон вобаста ба соҳаи тандурустӣ  ноиби Ректори Донишгоҳи давлатии тиббии Тоҷикистон, доктори илмҳои тиб, профессор Дилшод Солиҳов, оид ба соҳаи маориф устоди Донишгоҳи давлатии омӯзгории Тоҷикистон, доктори илмҳои таърих, профессор Насрулло Убайдуллоев ва дар масъалаи соли ҷавонон эълон гардидани соли 2017, мақоми зан дар ҷомеа, пешгирии ифротгароӣ ва тундгароӣ дар байни шаҳрвандон ва сиёсати дарҳои кушода Шералӣ Ризоён,  корманди Маркази тадқиқоти стратегӣ дар ҷамоатҳо суҳбат карданд.

Зимни вохӯриҳо вобаста ба дастуру супоришҳои Пешвои миллат, ки дар Паём зикр шудаанд,  оид ба ҷинояткорӣ дар байни ноболиғон,   нақши мактабу маориф, ба роҳ мондани омӯзиши Конститутсия ва ду қонуни миллӣ сухан гуфта шуд. Ҳамчунин дар мулоқотҳо оид ба як масъалаи бисёр муҳими ҷаҳони имрӯза, ки Президенти кишвар дар Паём зикр намуданд ва иштирокчиёни гурӯҳи корӣ низ  ба он таваҷҷуҳ зоҳир намуданд, яъне шомилшавии ҷавонон ба ҳизбу ҳаракатҳои эктремистиву террористӣ суханҳои муфиди зиёд баён шуданд.  Маълум гардид, ки мутаассифона, аз  ноҳияи Ҷаббор Расулов 26 нафар дар ҷангҳои хориҷи кишвар иштирок доранд. Барои такрор нашудани чунин ҳолат ва тарбияи дурусти насли наврасу ҷавон ба сокинон маслиҳатҳои муфид пешниҳод шуданд.

Мо дар баробари шарҳу баёни нуктаҳои муҳими Паём, зимни суҳбатҳо бо мардум аз мушкилоти онҳо  огоҳӣ пайдо намуда, ҷиҳати бартараф намудани бархеи онҳо роҳбарияти ноҳияро дар ҷараён гузоштем.  Ман  ҳамчун роҳбари гурӯҳ  ба хулосае омадам, ки сиёсати имрӯзаи роҳбарияти кишвар аз ҷониби тамоми қишрҳои ҷомеа дар ноҳияи Ҷаббор Расулов бисёр самимона қабул карда шуда, дастгирӣ ёфтааст. Мардум  паи меҳнату заҳмат, ободиву шукуфоӣ ва пешрафти рӯзгори худ камар бастаанд.

Юсуф ЮСУФЗОДА,

мушовири бахши Ёрдамчии

Президенти Ҷумҳурии Тоҷикистон

оид ба масъалаҳои амнияти миллӣ

 

Январ 27, 2017 15:35

Хабарҳои дигари ин бахш

Сайт АМИТ ХоварШумораи хонандагони сомонаи АМИТ «Ховар» ба 4,2 миллион нафар расид!
БОЧ-хурока барои мактаббачагонДар Тоҷикистон ба мактаббачагон хӯроки яквақтаина дода мешавад
эмгузарониРўзҳои эмгузаронии иловагӣ бар зидди бемориҳои сурхча ва гулафшон оғоз гардиданд
Рузхои Маорифи Казокистон (9)«Рӯзҳои маорифи Қазоқистон» дар Тоҷикистон: мактабҳои олии Қазоқистон барои донишҷӯён тахфифҳои махсус пешниҳод менамоянд
Санэпид стан хавоХадамоти назорати давлатии санитарию эпидемиологӣ огоҳ менамояд!
гармоКумитаи ҳолатҳои фавқулода огоҳ мекунад: рӯзҳои наздик ҳарорати ҳаво беш аз 40 дараҷа хоҳад шуд!
олимпиадаи «ISWEEEP-2017»-и ИМА 4 медал5697Хонандагони тоҷик аз олимпиадаи «ISWEEEP-2017»-и ИМА 4 медал оварданд!
Аёдати ветерано сугд 3Тақдими кумакпулии якдафъаина ба иштирокчиён ва маъюбони Ҷанги дуюми ҷаҳонӣ
День ПобедыБа 447 нафар собиқадорони Ҷанги дуюми ҷаҳон кумаки якдафъаинаи Пешвои миллат супорида мешавад
Олимпиада маориф руминия1(1)Хонандагони тоҷик аз Руминия бо 10 медал баргаштанд
JpegАстероиди эҳтимолан хатарноки 2014JO25-ро олимони тоҷик ҳам мушоҳида карданд
Танзим-0Имсол ба қабули Қонун «Дар бораи танзими анъана ва ҷашну маросимҳо» 10 сол пур мешавад: вақт, ҳамчун довари ҳақ, зарурияти ин санадро собит намуд