Шабакаҳои обрасонии шаҳрҳои шимолӣ ва марказии Тоҷикистон бо маблағгузории БАТР барқарор мегарданд

Январ 12, 2017 15:06

Хабарҳои мавзӯъ

обтаъмин

ДУШАНБЕ, 12.01.2017./АМИТ «Ховар»/. Ҷараёни татбиқи лоиҳаи «Барқарорсозии системаи обтаъминкунии шаҳрҳои шимоли Тоҷикистон» ба маблағи умумии беш аз 22 миллион доллар босуръат идома дорад. Дар ин бора ба хабарнигорон директори генералии КВД «Хоҷагии манзилию коммуналӣ» Исломзода Алимурод Тағоймурод 12 январ зимни нишасти матбуотӣ иттилоъ дод. Зикр шуд, ки лоиҳаи мазкур, ки татбиқи он аз соли 2012 оғоз шудааст, аз ҷониби Бонки аврупоии таҷдид ва рушд /БАТР/ маблағгузорӣ гардида, 10 миллион доллари он қарз мебошад. Интизор меравад, ки татбиқи лоиҳаи «Барқарорсозии системаи обтаъминкунии шаҳрҳои шимоли Тоҷикистон» дар соли 2017 ба анҷом расонида шавад.
Лоиҳаи мазкур барқарорсозии системаи обтаъминкунии шаҳру навоҳии Бӯстон, Б.Ғафуров, Исфара, Гулистон, Қайроққум, Истиқлол ва инчунин шаҳри Хоруғро дар бар мегирад. Дар ҷараёни татбиқи лоиҳа беш аз 20 намуди корҳои барқарорсозӣ ва харидорӣ муайян гардидаанд.
Ҳамзамон лоиҳаи «Барқарорсозии системаи обтаъминкунии шаҳрҳои марказии Тоҷикистон», ки дар ҳаҷми 18 миллион доллар аз ҷониби БАТР маблағгузорӣ мегардад, босуръат идома дошта, соли 2017 ба анҷом расонида мешавад. Дар доираи ин лоиҳа шабакаҳои обтаъминкунии шаҳрҳои марказии Тоҷикистон, назири Ҳисор, Турсунзода, ноҳияи Шаҳринав ва шаҳраки Сомониёни ноҳияи Рӯдакӣ барқарор мегарданд.
Дар нишасти матбуотӣ зикр шуд, ки татбиқи лоиҳаи барқарорсозии низоми обтаъминкунии шаҳрҳои шимолӣ ва Хатлони Тоҷикистон, ки ба он шаҳру навоҳии Панҷакент, Шаҳристон, Зафаробод, Истаравшан, Ҷалолиддини Балхӣ ва Ёвон шомиланд, ба маблағи 27,5 миллион доллар то соли 2019 ба анҷом расонида мешавад.

Январ 12, 2017 15:06

Хабарҳои дигари ин бахш

прокуратураи генерали (4)Шӯрои ҳамоҳангсозии мақомоти ҳифзи ҳуқуқи Ҷумҳурии Тоҷикистон баргузор гардид
Паёми телевизиони ба муносибати фарорасии мохи РамазонПешвои миллат «Мо бояд фитри рӯзаро на ба шахсони тавонманду доро, балки ба эҳтиёҷмандону ятимон хайр намоем»
дукони саломати сугдДар вилояти Суғд масъалаҳои фавти модару кӯдак ва маъюбӣ мавриди таҳлилу баррасӣ қарор гирифтанд
Хучанд БаррасииХуҷанд: баррасии натиҷаҳои амалиёти профилактикӣ ва маърифатии «Маданияти шаҳрдорӣ»
ОзмунҶамъбасти озмуни «Ҷумҳурият»: дар мақоми аввал – ходими адабии АМИТ «Ховар»
Новый рисунокСоҳили дарёи маркази ноҳияи Ванҷро то мавсими обхезӣ мустаҳкам мекунанд
Кум Рушт Махал (1)Дар Кумитаи рушди маҳал масъалаҳои мубориза бо коррупсия ва роҳҳои пешгирии онро баррасӣ намуданд
Гузоштани санги асоси Маркази тиббии Оғохон дар шаҳри ХоруғГузоштани санги асоси Маркази тиббии Оғохон дар шаҳри Хоруғ
Миграция РТ ТЧАз 1 июн муҳлати қайди муҳоҷиратӣ барои шаҳрвандони хориҷӣ дар шаҳрҳои Москва, Қазон, Санкт-Петербург ва Сочи 1 шабонарўз муқаррар шудааст
Ашт содироти 10 тонна зардолуАшт: 10 тонна зардолуи ватанӣ ба Россия содир карда шуд
Саида УмарзодаДар Душанбе ҷаласаи ҳайати Кумитаи роҳбарикунанда оид ба муколамаи иҷтимоӣ баргузор шуд
Вохурии Рахимзода боПратибҳа Меҳта: «Рушди ҳар як кишвар аз суботу оромӣ ва тинҷию амонӣ вобаста аст»