«Шоҳин Асмоӣ» бозии хонагии худро бо «Ҳосилот» дар Душанбе мегузаронад

Январь 12, 2017 10:12, 223 хонанда

Хабарҳои мавзӯъ

Шоҳин Асмоӣ

ДУШАНБЕ, 12.01.2017/АМИТ «Ховар»/. «Шоҳин Асмоӣ» -чемпиони Афғонистон бозии аввали плей-оффи Ҷоми Конфедератсияи футболи Осиё(КФО)-ро бо барандаи медалҳои нуқраи Тоҷикистон, дастаи «Ҳосилот»-и Фархор 31 январ дар Варзишгоҳи марказии ҷумҳуриявӣ дар шаҳри Душанбе ба ҳайси мизбон барпо мекунад.
Федератсияи футболи Афғонистон, чун Сурия ва Ироқ аз сабаби ташаннуҷ ва далоили амниятӣ бозиҳои байналмилалиро берун аз кишвараш доир мекунад. Соли гузашта дастаи мунтахаби Афғонистон бозиҳои инихобии Ҷоми ҷаҳон-2018-ро дар Эрон гузаронида буд.
КФО доварони ҳар ду бозиро муайян кард. 31 январ бозии аввали «Шоҳин Асмоӣ» ва «Ҳосилот»-ро Дмитрий Машентсев аз Қирғизистон бо ёваронаш Лим Кок Хенг (Сингапур), Муҳаммад Шаҳринбин Че Умар(Малайзия) ва Муҳаммад Ҷавиз (Малдив, довари эҳтиётӣ) ҳакамӣ мекунанд. Нозири доварон Викраматунга Саманаратхна Мухандирамг Нимал аз Шри-Ланка ва комиссари вохӯрӣ, Саид Алмасрӣ аз Сурия таъйин шудаанд.
Тавре пештар хабар дода будем, доварони бозии ҷавобии ин дастаҳо низ муайян шудаанд. Онро Моуд Бунёдифард бо кумакгаронаш Саид Алинажодиён ва Алӣ Мирзобейгӣ ва Ҳайдари Паём (довари эҳтиётӣ) аз Эрон доварӣ мекунанд. Аҳмад Яъқуб Муҳаммад Ҷумъа аз Имороти Муттаҳидаи Араб нозири доварон ва Жаргал Суҳбаатар аз Муғулистон комиссари бозӣ таъйин шудаанд.
Агар дастаи «Ҳосилот» бар қаҳрамони Афғонистон пирӯз шавад, дар даври плей-офф бо ғолиби ҷуфти «Дордой»-и Қирғизистон «Балкан»-и Туркманистон рӯбарӯ хоҳад шуд. Бозии аввал 21 феврал ва бозии ҷавобӣ 28 феврал барпо мегарданд.

Январь 12, 2017 10:12, 223 хонанда

Хабарҳои дигари ин бахш

Ҷоми ҷаҳон 2018Ҷоми ҷаҳон-2018: даври 7-ум дар Осиё ҷамъбаст шуд
Бадминтон-2Дар Тоҷикистон бадминтон рӯ ба инкишоф мениҳад
DSC_1434+Ба Федератсияи дзюдои Тоҷикистон Ифтихорномаи Вазири корҳои хориҷии Япония супорида шуд
Логотип ФутболНаврасони Тоҷикистон ба Санкт-Петербург ба мусобиқаи «Футбол барои дӯстӣ» мераванд
Дилшод Назаров муовинДилшод Назаров дар бораи рафтори Устопириён: «Қимати одоби варзишгар аз қимати медали тиллои олимпӣ ҳам баландтар аст!»
Имрӯз дастаи ТоҷикистонҲаким Фузайлов аз бозии дастаи мунтахаб қаноатманд нест
yemen-tajikistan2Нахустин бозии бебарори дастаи мунтахаби Тоҷикистон бо роҳбарии Ҳаким Фузайлов
афғонистонИмрӯз дар Варзишгоҳи марказии Душанбе дастаҳои мунтахаби Афғонистон ва Ветнам бо ҳам қувва меозмоянд
курсҳоФутболи оммавӣ ва курсҳои ФИФА барои мураббиён
Робенегуд голиби«Робин Гуд»-ғолиби вилоятии пойга
Дастаи ЯманДастаи мунтахаби Яман оид ба футбол рақиби аввалини дастаи мунтахаби Тоҷикистон дар бозиҳои интихобии Ҷоми Осиё-2019: маълумотномаи «Ховар»
Имрӯз дастаи ТоҷикистонИмрӯз дастаҳои Яман ва Тоҷикистон бо ҳам қувва месанҷанд