Шумораи иштирокдорони бозиҳои ниҳоии Чемпионати ҷаҳон оид ба футбол дар соли 2026 ба 48 адад расонида шуд

Январ 11, 2017 16:07

Хабарҳои мавзӯъ

fifa

ДУШАНБЕ, 11.01.2017/АМИТ «Ховар»/. Шумораи иштирокдорони  бозиҳои ниҳоии Чемпионати ҷаҳон оид ба футбол дар соли 2026 аз 32 даста ба 48 адад расонида шуд. Дар ин бора Шӯрои ФИФА дирӯз қарори худро ба тасвиб расонд. Дар овоздиҳӣ ҳама якдилона ин пешниҳодро маъқул шумориданд, хабар медиҳад дафтари матбуоти ФИФА.
Президенти кунунии ФИФА Ҷанни Инфонтино пеш аз ба мансаби раисӣ  расиданаш ваъда карда буд, ки дар сохтору гузаронидани бозиҳои ниҳоии Чемпионати ҷаҳон тағйирот ворид мекунад ва шумораи иштирокдорони бозиҳои ниҳоиро ба 40 даста мерасонад. Ин ваъда ҷомаи амал пӯшид ва ба ҷои 40 даста шумораи 48 даста интихоб шуд.
Чемпионати ҷаҳон оид ба футбол дар Россия ва Қатар солҳои 2018 ва 2022 бо тарҳи кӯҳна ва иштироки 32 даста гузаронида мешаванд. Аммо аз соли 2026 сар карда, ин шумора 48 дастаро ташкил медиҳад. Ин миқдор дастаҳо ба 16 гурӯҳи аз 3 даста иборат ҷудо карда шуда, бозиҳо аз марҳалаи 1/32-ниҳоӣ оғоз мегарданд. Дар 32 рӯзи баргузории бозиҳо 80 вохӯрӣ гузаронида мешаванд.
Аз нигоҳи молиявӣ тарҳи нави бозиҳои ниҳоии Чемпионати ҷаҳон ба буҷаи ФИФА нисбат ба шакли ҳозираи мусобиқа 640 миллион доллар даромади соф ворид хоҳад кард.
Ба ҳамин тартиб, дар соли 2026, ки ҳоло макони баргузориаш маълум нест, 16 давлати дигар метавонанд дар он намояндагони худро бинанд.
Дар иттилоия дар бораи аз кадом федератсияҳо чанд даста илова мешавад, чизе гуфта нашудааст.

Январ 11, 2017 16:07

Хабарҳои дигари ин бахш

????????????????????????????????????Паҳлавони ҷавони тоҷик Сӯҳроб Боқиев дар Чемпионати Осиё оид ба дзюдо соҳиби мақоми панҷум гардид
Огози мусоибикаихарбиМусобиқаи ҳарбӣ-ватандӯстӣ миёни донишҷӯён оғоз гардид
istiklol-khujand8Лигаи олии футболи Тоҷикистон: «Истиқлол» бар дастаи «Хуҷанд» ғолиб омад
khujand-istiklol4Имрӯз дастаи «Истиқлол» бо «Хуҷанд» бозӣ мекунад
наврасонФутболбозони навраси тоҷик дар мусобиқаи байналмилалии Сочи иштирок мекунанд
1495606628_bez-imeni-17 нафар дзюдочӣ аз Тоҷикистон дар Чемпионати Осиё ширкат мекунанд
ДАСТАИ ВАХДАТЛигаи аввали футболи Тоҷикистон: «Ваҳдат» бар дастаи «Локомотив-Помир» ғалаба кард
Бозихои хамбастагии исломиzurhonaВарзишгарони тоҷик дар Бозиҳои ҳамбастагии исломӣ 4 медал ба даст оварданд
DSC_0814Ғолибони Дави миллӣ муайян шуданд
Дав--2006 (1)Дар Тоҷикистон пагоҳ Рӯзи Дави миллӣ баргузор мегардад
dordoi-istiklol«Истиқлол» дастаи «Дордой»-и Қирғизистонро бо ҳисоби калони 4:1 шикаст дод
0012Дар маҷмааи «Динамо» мусобиқаи байналмилалӣ оид ба гӯштини тарзи юнонию румӣ оғоз шуд