ВКД барои ошкор ва дастгир кардани террористон аз тамоми имкониятҳо истифода мебарад

Январ 21, 2017 10:15

Хабарҳои мавзӯъ

ВКД (1)

ДУШАНБЕ, 21.01.2017 /АМИТ «Ховар»/. Вазорати корҳои дохилии Тоҷикистон барои ошкор ва дастгир намудани аъзои гурӯҳҳои террористии байналмилалӣ ҳамеша омодаи ҳамкорӣ буда, аз тамоми имкониятҳои мавҷуда истифода мебарад. Вазири корҳои дохилии мамлакат Рамазон Раҳимзода дирӯз дар нишасти матбуотӣ чунин изҳор кард: «Вақте шаби ҷашнгирии соли нав дар яке аз қаҳвахонаҳои Туркия амали террористӣ содир карда шуд, хабарҳо паҳн шуданд, ки гӯё ин амали террористӣ аз ҷониби шаҳрванди Тоҷикистон содир шуда бошад. ВКД ба ин хабар фавран вокуниш нишон дода, аз пайи таҳқиқ ва санҷиши хабари мазкур шуда, бо роҳи ҳамкорӣ ба дархостҳои ҷониби Туркия ҷавобҳои саривақтӣ фиристонида шуданд. Дар натиҷа маълум карда шуд, ки ҷинояти мудҳишро дар Туркия шаҳрванди Тоҷикистон содир накардааст».
Баъд аз дастгир шудани террорист аз ҷониби мақомоти ҳифзи ҳуқуқ хабари дигар паҳн гардид, ки гӯё шахси шаби ҷашнгирии соли нав амали террористӣ содиркарда бо шаҳрвандони Тоҷикистон робита дошта бошад. «Вобаста ба асос доштан ва ё надоштани хабари мазкур низ Вазорати корҳои дохилӣ фаъолона кор бурда истодааст», — зикр кард Рамазон Раҳимзода.
Аз тарафи ВКД оид ба шаҳрвандони Тоҷикистон, ки дар Туркия қарор доранд, зиёда аз 20 дархосту ахбор ба ҷониби Туркия фиристонида шудааст. «Ин дархостҳо нисбат ба шаҳрвандоне мебошанд, ки дар Туркия ба ҷалби одамон ба сафи гурӯҳҳои террористӣ машғуланд, ҳамчунин нисбат ба онҳое мебошад, ки бо гурӯҳҳои террористии байналмилалӣ робитаи наздик доранд», — таъкид намуд Р.Раҳимзода.
Мутаассифона, то ҳоло аз тарафи мақомоти дахлдор нисбат ба ин маълумоту дархости Вазорати корҳои дохилии Ҷумҳурии Тоҷикистон ҷавоби қонеъкунанда ворид нашудааст.
«Новобаста ба ин, мо мо кӯшиш карда истодаем, ки дар ин бахш бо ҷониби Туркия ҳамкории судманд ва наздик дошта бошем, то ин ки шахсони ба терроризм робита дошта ошкор ва дастгир карда шаванд», — зикр кард Вазири корҳои дохилии Тоҷикистон. «Аз ҷумла, барои ошкор ва дастгир кардани он шахсоне, ки бо террористи дар шаби соли нав ҷиноятсодиркарда робита ва ҳамкорӣ доштанд, мо аз тарафи худ нисбат ба шахсони ба гурӯҳҳои террористӣ алоқаманд ва дар кофтуков қарордошта ба ҷониби Туркия маълумотнома пешниҳод кардем».

Январ 21, 2017 10:15

Хабарҳои дигари ин бахш

Саидшариф Суд-3Собиқ сардори Раёсати сохтмони асосии шаҳри Душанбе барои азхудкунии маблағҳои калони буҷетӣ зимни сохтмони Беморхонаи «Истиқлол» аз озодӣ маҳрум гардид
вохурии намояндагони ВКДНамояндагони Вазорати корҳои дохилии Тоҷикистон ва Вазорати бехатарии ҷамъиятии Хитой масоили амнияти минтақавиро баррасӣ карданд
WEF-3ФОРУМИ УМУМИҶАҲОНИИ ИҚТИСОДӢ ТОҶИКИСТОНРО КИШВАРИ БЕХАВФТАРИНИ ОСИЁИ МАРКАЗӢ НОМИД!
Сархад 4Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
СархадДар Қӯшунҳои сарҳадӣ ҷаласаи ҳисоботӣ баргузор гардид
01Қочоқчиёни маводи нашъаовар маҳкум гардиданд
совбез5Котибони Шӯрои амнияти давлатҳои СҲШ масъалаҳои мубрами байналмилалӣ ва минтақавиро баррасӣ намуданд
Машқҳои муштараки баталионӣ-тактикии зидди террористӣ дар машқгоҳи «Чоруқ-Дарон»-и гарнизони СуғдМашқҳои муштараки баталйонӣ-тактикии зиддитеррористӣ дар «Чоруқ-Дарон»-и гарнизони Суғд
каллобиОқибати қаллобию сохтакорӣ кунҷи маҳбас аст
каллоби 1Баъди ба даст афтодан ришвадиҳӣ роҳи наҷот нест
Боздошти мудириБоздошти мудири шуъбаи ташхиси судӣ-тиббии шаҳри Турсунзода бо гумони додани гувоҳии бардурӯғ
IMG_4671Кишварҳои СҲШ ҳамкории сарҳадиро тақвият мебахшанд