9 феврал- Рӯзи байналмилалии стоматологҳо. Стоматология дар Тоҷикистон рушд меёбад

Феврал 9, 2017 16:06

Хабарҳои мавзӯъ

Стаматолог ФАРХОД ( хаби Ибодат )ДУШАНБЕ, 09.02.2017 /АМИТ «Ховар»/. 9 февралро ҷомеаи ҷаҳонӣ ҳамчун Рӯзи байналмилалии стоматологҳо таҷлил мекунад. Ин рӯз беш аз 30 сол мешавад, ки дар тамоми ҷаҳон ҷашн гирифта шуда, дар ин рӯз чорабиниҳои гуногун низ гузаронида мешаванд. Бояд гуфт, ки стоматология дар Тоҷикистон солҳои охир хеле рушд ёфтааст. Усулҳои нави дандонгузориву табобати дандон роҳандозӣ шуда, ба меъёрҳои ҷаҳонӣ наздик мешаванд. Айни замон дар ҷумҳурӣ бисёр марказҳои давлатию ғайридавлатии стоматологӣ фаъолият мекунанд.
Бахшида ба ин рӯз мухбири АМИТ «Ховар» бо Фарҳод Идрисов, мудири маркази стоматологияи хусусии шаҳри Душанбе, Аълочии тандурустии Тоҷикистон, духтури дараҷаи олӣ оид ба вазъи дандонпизишкӣ ҳамсуҳбат гардид.
«23 сол мешавад, ки ҳамчун дандонпизишк фаъолият мекунам. Гуфта метавонам, ки назар ба солҳои пешин стоматология дар Тоҷикистон ҳоло хело пеш рафтааст. Шароити хуб, таҷҳизоти наву ҳозиразамон дар марказҳои табобатӣ муҳайё гардида, кори мутахасиссон ҳам хуб роҳандозӣ шудааст. Ҳамчунин усулҳои нави импланталогия, таҷҳизоти ҷарроҳӣ, усулҳои беҳискунии дандонҳо ва дорувориҳои нав истифода бурда мешаванд», -зикр намуд Ф. Идрисов.
Тавре маълум аст, баъзе бемориҳои сироятӣ зимни табобати дандон мегузаранд. Дар ин бора Ф. Идрисов зикр намуд, ки «беморӣ ё вирусе, ки тариқи табобати дандон имконияти сироят карданаш бештар аст, ин вируси гепатит мебошад. Барои пешгирии ин гуна ҳодисаҳо табибон асбобу анҷоми яккаратаро истифода мебаранд».
«Ба маркази мо рӯзе то 10-15 нафар барои табобати дандон муроҷиат мекунанд. Бештари онҳо ҷавонон мебошанд, ки ҳолати беҳдошти дандонро хуб риоя намекунанд. Аз ин сабаб дандонҳо тез рӯ ба вайроншавӣ меоранд»,- гуфт дандонпизишк.
«Бояд гуфт, ки дандонҳо бештар шабона сироят меёбанд. Аксарияти одамон баъд аз хӯрдани таом дандонҳои худро тоза намекунанд. Аз ин сабаб микроорганизмҳо пайдо мешаванд, ки аз таъсири бактерияҳо дандонҳо тез вайрон мешаванд. Ман ҳамчун дандонпизишк тавсия медиҳам, ки бояд ҳар як нафар барои нигоҳубини дандонҳои худ аввал ҳолати тозагии дандонро риоя кунад. Дар як рӯз ду маротиба- саҳар ва шаб бояд дандонҳоро бо хамираи дандонтозакунӣ ҳатман тоза кунанд»,- илова намуд Фарҳод Идрисов.

Феврал 9, 2017 16:06

Хабарҳои дигари ин бахш

БОЧ-хурока барои мактаббачагонДар Тоҷикистон ба мактаббачагон хӯроки яквақтаина дода мешавад
эмгузарониРўзҳои эмгузаронии иловагӣ бар зидди бемориҳои сурхча ва гулафшон оғоз гардиданд
Рузхои Маорифи Казокистон (9)«Рӯзҳои маорифи Қазоқистон» дар Тоҷикистон: мактабҳои олии Қазоқистон барои донишҷӯён тахфифҳои махсус пешниҳод менамоянд
Санэпид стан хавоХадамоти назорати давлатии санитарию эпидемиологӣ огоҳ менамояд!
гармоКумитаи ҳолатҳои фавқулода огоҳ мекунад: рӯзҳои наздик ҳарорати ҳаво беш аз 40 дараҷа хоҳад шуд!
олимпиадаи «ISWEEEP-2017»-и ИМА 4 медал5697Хонандагони тоҷик аз олимпиадаи «ISWEEEP-2017»-и ИМА 4 медал оварданд!
Аёдати ветерано сугд 3Тақдими кумакпулии якдафъаина ба иштирокчиён ва маъюбони Ҷанги дуюми ҷаҳонӣ
День ПобедыБа 447 нафар собиқадорони Ҷанги дуюми ҷаҳон кумаки якдафъаинаи Пешвои миллат супорида мешавад
Олимпиада маориф руминия1(1)Хонандагони тоҷик аз Руминия бо 10 медал баргаштанд
JpegАстероиди эҳтимолан хатарноки 2014JO25-ро олимони тоҷик ҳам мушоҳида карданд
Танзим-0Имсол ба қабули Қонун «Дар бораи танзими анъана ва ҷашну маросимҳо» 10 сол пур мешавад: вақт, ҳамчун довари ҳақ, зарурияти ин санадро собит намуд
вазири мехнат бо корея 0657Мутахассисони баландихтисоси касбӣ имкон доранд дар Ҷумҳурии Корея бо кор таъмин гарданд