«Ал-Аҳром»-и мисрӣ дар бораи ибтикори Президенти Ҷумҳурии Тоҷикистон дар СММ

Феврал 27, 2017 15:29
Ал-Ахрам-3

ДУШАНБЕ, 27.02.2017 /АМИТ «Ховар»/. 22 феврали соли 2017 дар бузургтарин рӯзномаи Миср «Ал-Аҳром» мақолае зери унвони «Бо иштироки миллӣ… СММ Даҳсолаи «Об барои рушд»-ро ба тасвиб расонид» ба чоп расид, ки муаллифи он доктор Ҳола Закӣ мебошад. Мақола ба ибтикори Президенти Ҷумҳурии Тоҷикистон Эмомалӣ Раҳмон дар бораи эълон кардани Даҳсолаи байналмилалии амал «Об барои рушди устувор» бахшида шудааст. Тарҷумаи фишурдаи мақолаи мазкурро дар зер пешниҳоди хонандагон менамоем.

«Бо иштироки миллӣ… СММ Даҳсолаи «Об барои рушд»-ро ба тасвиб расонид

Маҷмаи Умумии СММ ибтикори Тоҷикистон зери унвони Даҳсолаи байналмилалии амал «Об барои рушди пойдор», 2018-2028-ро ба тасвиб расонид. Онро 177 кишвари узви СММ, аз ҷумла Миср пазируфтанд. Даҳсолаи мазкур аз Рӯзи ҷаҳонии об 22 марти 2018 оғоз хоҳад ёфт.

Эмомалӣ Раҳмон, Президенти Ҷумҳурии Тоҷикистон ин ибтикорро дар ҳафтумин анҷумани ҷаҳонии об, ки дар Кореяи Ҷанубӣ баргузор шуда буд, эълон намуд. Ӯ ба он истинод намуда буд, ки об унсури муҳим дар рушди пойдор ва зудудани нодорӣ ба шумор меравад. Ӯ ба пайванди байни об, неру, амнияти ғизоӣ, тағзия ва вуҷуди об ба сифати унсури ҳаётӣ дар расидан ба ҳадафҳои рушди пойдор ва ҳадафҳои дигари марбут ба соҳаҳои иқтисодӣ, иҷтимоӣ ва зистмуҳитӣ таъкид карда буд.

Ин дар замоне рух медиҳад, ки Маҷмаи Умумии СММ ба аҳамияти таҳкими ҳамкорӣ ва иштирок дар ҳамаи сатҳҳо ба манзури расидан ба ҳадафҳои рушде, ки дар сатҳи байналмилалӣ дар соҳаи об ва беҳдошт ҳамоҳанг шудаанд, иқрор мекунад ва ҳадафҳову вазифаҳои рушди пойдори марбут ба захираҳои обӣ, аз ҷумла ҳадафҳову вазифаҳои омада дар Барномаи рушди пойдори соли 2030-ро таъкид менамояд. Маҷмаи Умумии СММ азм дорад, ки ба ҳадафи таъмини об ва хадамоти беҳдошт барои ҳама ва мудирияти он ба гунаи пойдор ноил гардад. Об унсури муҳиме дар рушди пойдор, зудудани нодориву гуруснагӣ ба шумор рафта, байни он ва неру, амнияти ғизоӣ ва тағзия пайванд вуҷуд дорад. Он инчунин унсури муҳим дар расидан ба ҳадафҳои рушди пойдор ва ҳадафҳои дигари дахлдор мебошад.

Бино бар ин, интизор меравад, ки солҳои оянда шоҳиди густариши барномаҳо ва лоиҳаҳои ҳамкорӣ ва шарокат дар тамоми сатҳҳо ба манзури мусоидат ба таҳаққуқи ҳадафҳову вазифаҳои рушди марбут ба об, ки дар сатҳи байналмилалӣ ҳамоҳанг гардидаанд, аз ҷумла ҳадафҳои омада дар Барномаи рушди пойдори соли 2030 шаванд».

 

 

Феврал 27, 2017 15:29

Хабарҳои дигари ин бахш

326 нафар хонандагони Мактаб-интернати ҷумҳуриявии кӯдакони ношунавои ноҳияи Рӯдакӣ соҳиби касбҳои гуногун мегардандХонандагони Мактаб-интернати ҷумҳуриявии кӯдакони ношунавои ноҳияи Рӯдакӣ соҳиби касбҳои гуногун мегарданд
Суғд иҷроиши кишти ғалладонагиҳо ба 99,1%Дар Суғд иҷрои нақшаи кишти ғалладонагиҳо ба 99,1% расонида шуд
Копия Кишти ПУМБАДОНА (2)Дар Суғд дар майдони беш аз 40 ҳазор гектар пахта кишт шуд
Олимпияда ХатлонДаври хотимавии Олимпиадаи донишҷӯёни муассисаҳои таҳсилоти олии касбии ҷумҳурӣ дар шаҳри Кӯлоб доир шуд
12042017129Адибону ҳунармандон-дар меҳмонии бинокорони НБО-и Роғун
Шерали МирзоВазири мудофиаи Ҷумҳурии Тоҷикистон: «Тарҳи қонуни хизмати алтернативиро гурӯҳи кории ҳукуматӣ меомӯзад»
Файзобод. «Рузи байналхалқии ёдбуди шаҳидони садамаҳои радиатсионӣДар Файзобод ба ёдбуди шаҳидони садамаҳои радиатсионӣ конференсияи ҷумҳуриявӣ доир гардид
kartoshkaЧаро нархи картошка дар мамлакат боло рафт?
Дар ноҳияи Роштқалъа «Боғи ҷавонон» бунёд гардидДар ноҳияи Роштқалъа «Боғи ҷавонон» бунёд гардид
БМТ _6506Баррасии зарурати дастгирии молиявии аҳолӣ ва коҳиш додани сатҳи камбизоатӣ
наркоманКоршиносони олмонӣ бо мутахассисони наркологи Тоҷикистон табобати бемориҳои вобаста ба истеъмоли маводи психоактивиро мавриди омӯзиш қарор доданд
37c43e571eabcc80f362a681c06a47cfСармуҳосиби Шуъбаи фарҳанги Мақомоти иҷроияи маҳаллии ҳокимияти давлатии шаҳри Истаравшан бо гумони қаллобӣ дастгир шуд