Ҷаласаи 13-уми Комиссияи байниҳукуматӣ оид ба ҳамкории иқтисодии байни Тоҷикистон ва Қазоқистон дар Остона

Феврал 17, 2017 16:32

Хабарҳои мавзӯъ

Остона

ДУШАНБЕ, 17.02.2017 /АМИТ «Ховар»/. Дар шаҳри Остона 15-16 феврали соли 2017 ҷаласаи 13-уми Комиссияи байниҳукуматӣ оид ба ҳамкории иқтисодӣ байни Ҷумҳурии Тоҷикистон ва Ҷумҳурии Қазоқистон баргузор гардид.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, дар ҷаласаи Комиссияи байниҳукуматии мазкур ҷониби Тоҷикистонро Раиси Кумитаи давлатии сармоягузорӣ ва идораи амволи давлатӣ Файзиддин Қаҳҳорзода ва ҷониби Қазоқистонро муовини Вазири энергетика Магауов Асет Маратович роҳбарӣ намуданд.
Дар кори ҷаласа намояндагони вазорату идораҳо ва субъектҳои хоҷагидори Ҷумҳурии Тоҷикистон ва Ҷумҳурии Қазоқистон иштирок доштанд.
Дар мулоқот ҷонибҳо доираи васеи масъалаҳои мубрами ҳамкории дуҷониба, аз ҷумла дар самтҳои асосии ҳамкорӣ дар соҳаҳои иқтисод ва тиҷорат, сармоягузорӣ, нақлиёт, саноат, маориф ва илм, кишоварзӣ, муҳоҷират, об ва энергетика, тандурустӣ, фарҳанг, варзиш ва сайёҳиро мавриди баррасӣ қарор доданд.
Комиссия ба тамоми мақомоти давлатӣ ва субъектҳои хоҷагидори тарафҳо тавсия дод, ки тадбирҳои заруриро барои тақвият бахшидани ҳамкории мутақобила ва фароҳам овардани муҳити мусоид барои афзун намудани гардиши савдо байни Ҷумҳурии Тоҷикистон ва Ҷумҳурии Қазоқистон тадбирҳои зарурӣ андешанд.
Аз натиҷаи кори ҷаласа Протоколи комиссияи байниҳукуматии Тоҷикистону Қазоқистон оид ба ҳамкории иқтисодӣ-тиҷоратӣ ба имзо расонида шуд.
Дар ҳошияи ҷаласаи Комиссияи байниҳукуматии Тоҷикистону Қазоқистон оид ба ҳамкории иқтисодӣ, вохӯрии Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Ф.Қаҳҳорзода бо Вазири сармоягузорӣ ва рушди Ҷумҳурии Қазоқистон Ж.Касимбек доир гардид.
Зимни вохӯрӣ ҷонибҳо масъалаҳои рушди ҳамкории мутақобилан судмандро дар соҳаи ҷалби сармоя, ташкили корхонаҳои муштарак, инчунин афзоиши иқтидори ҳамкории самаранок, татбиқи лоиҳаҳои муштараки дорои хусусияти иқтисодӣ ва сармоягузориро баррасӣ карданд.

Феврал 17, 2017 16:32

Хабарҳои дигари ин бахш

????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон
Бизнес Форум (2)Дар Душанбе имкониятҳои иқтисодию тиҷоратии Тоҷикистону Ӯзбекистон муаррифӣ шуданд
Доллар-0Шарҳи навбатии Бонки миллии Тоҷикистон оид ба вазъи қурби пули миллӣ ва бозори дохилии асъор
Встреча делегации Республики Таджикистан с Парламентским заместителем министра экономики, торговли и промышленности Японии (2)Баррасии истихроҷ ва коркарди маъданҳои кӯҳӣ миёни намояндагони Тоҷикистону Япония
DSC_0104Нахустин намоишгоҳи миллии молҳои Ӯзбекистон дар Душанбе ифтитоҳ гардид
Х ЗарифиСафорати Ҷумҳурии Тоҷикистон дар Токио соҳибкорони Японияро ба ҳамкорӣ даъват намуд
Конфронси Байналмилали (1)Рушди иҷтимоию иқтисодии Тоҷикистон дар шароити ҷаҳонишавӣ
мусохиба-зафарчон Бурхонзода Вазорати рушди иктисодВазъи имрӯзаи бозори дохилии асъор: оё омилҳои иқтисодие ҳастанд, ки қурби асъори миллиро мӯътадил нигоҳ доранд?
DSC_0433+Дар Душанбе Форуми байналмилалии соҳибкорони ҷавон оғоз гардид
корхонаи саноатиДар Суғд ба маблағи зиёда аз 2 млрд сомонӣ маҳсулоти саноатӣ истеҳсол шуд