Анҷоми Лоиҳаи кумакҳои бебозгашт дар Маркази илмӣ-ҷумҳуриявии ҷарроҳии дилу рагҳои Тоҷикистон

Феврал 17, 2017 15:50

Хабарҳои мавзӯъ

????????????????????????????????????

ДУШАНБЕ, 17.02.2017 /АМИТ «Ховар»/. Маросими анҷом ёфтани «Лоиҳаи дастрас намудани таҷҳизоти тиббӣ барои шуъбаи педиатрии Маркази илмӣ-ҷумҳуравии ҷарроҳии дилу рагҳо дар Тоҷикистон» 16 феврали соли 2017 дар Душанбе баргузор гардид.
Тавре ки аз Сафорати Ҷопон дар Ҷумҳурии Тоҷикистон ба АМИТ «Ховар» хабар доданд, маросим бо мақсади муваффақона иҷро шудани лоиҳа аз тарафи Ҳукумати Ҷопон дар доираи «Барномаи кумакҳои бебозгашт барои бахши аъзами аҳолӣ ва амнияти башарӣ (GGP)» доир гардид. Дар маросим роҳбари бахши ҳамкории иқтисодии Сафорати Ҷопон дар Ҷумҳурии Тоҷикистон Тиэ Тамура ва роҳбари марказ Ҷумъахон Муродов иштирок намуданд.
Ба Маркази илмӣ-ҷумҳуриявии ҷарроҳии дилу рагҳо дар Тоҷикистон барои тадбиқи лоиҳа 87,454 доллари ИМА ҷудо карда шуд. Марказ дар пойтахти шаҳр ҷойгир буда, ҳар сол беш аз 4 ҳазор нафар аз минтақаҳои мухталифи Тоҷикистон аз хизматрасонии ин марказ истифода мебаранд.
Қабл аз татбиқи лоиҳа, Маркази ҷарроҳӣ ба таҷҳизоти зарурии тиббӣ ниёз дошта, аксари таҷҳизот баъди беш аз 30 соли истифода хеле фарсуда гашта буданд. Бо анҷоми бобарори лоиҳа, Маркази мазкур бо таҷҳизоти зарурии тиббӣ, аз ҷумла эхокардиограф, мониторинг барои санҷиши дил, коагулятор, дефибрилатор бо монитор ва ҳоказо муҷаҳҳаз гардид.
Тиэ Тамура гуфт, ки лоиҳаҳои бахши аъзами аҳолӣ нишонаи дӯстӣ ва ҳамкорӣ миёни мардуми Ҷумҳурии Тоҷикистон ва мардуми Ҷопонанд. Ҷумъахон Муродов барои фароҳам сохтани муҳити хуб барои беморон ва кормандони беморхона миннатдорӣ баён намуд. Ҳукумати Ҷопон тасмим гирифтааст, ки дар оянда низ дар ҳамкорӣ бо мардуми Тоҷикистон баҳри бунёд сохтани ҷомеаи беҳтар кумаки хешро идома диҳад.

Феврал 17, 2017 15:50

Хабарҳои дигари ин бахш

Копия Кишти ПУМБАДОНА (2)Дар Суғд дар майдони беш аз 40 ҳазор гектар пахта кишт шуд
Олимпияда ХатлонДаври хотимавии Олимпиадаи донишҷӯёни муассисаҳои таҳсилоти олии касбии ҷумҳурӣ дар шаҳри Кӯлоб доир шуд
12042017129Адибону ҳунармандон-дар меҳмонии бинокорони НБО-и Роғун
IMG_7318Вазири мудофиаи Ҷумҳурии Тоҷикистон: «Тарҳи қонуни хизмати алтернативиро гурӯҳи кории ҳукуматӣ меомӯзад»
Файзобод. «Рузи байналхалқии ёдбуди шаҳидони садамаҳои радиатсионӣДар Файзобод ба ёдбуди шаҳидони садамаҳои радиатсионӣ конференсияи ҷумҳуриявӣ доир гардид
kartoshkaЧаро нархи картошка дар мамлакат боло рафт?
Дар ноҳияи Роштқалъа «Боғи ҷавонон» бунёд гардидДар ноҳияи Роштқалъа «Боғи ҷавонон» бунёд гардид
БМТ _6506Баррасии зарурати дастгирии молиявии аҳолӣ ва коҳиш додани сатҳи камбизоатӣ
наркоманКоршиносони олмонӣ бо мутахассисони наркологи Тоҷикистон табобати бемориҳои вобаста ба истеъмоли маводи психоактивиро мавриди омӯзиш қарор доданд
37c43e571eabcc80f362a681c06a47cfСармуҳосиби Шуъбаи фарҳанги Мақомоти иҷроияи маҳаллии ҳокимияти давлатии шаҳри Истаравшан бо гумони қаллобӣ дастгир шуд
БоронРӯзҳои наздик дар қаламрави ҷумҳурӣ ҳавои номусоид, борони шиддатнок, хокбориш ва чангу ғубор дар назар аст
Вазорати рушди иктисодДар Душанбе ҳамкории мутақобила миёни Тоҷикистон ва Барномаи рушди СММ баррасӣ гардид